إلا والله قمّة التشتت يا ميمي..

المهم..

إقتباس 2-الرقــص والشكشكه اذا رقص الولد قالو عيب انت بنت واذا رقصت البنت قالو عيب مجنونه ترى محدن خاطبتس وترى كبتكم لعيالكم وهم صغار لا ترقصون وعيب شوفوهم فالبحرين هز ورقص خلهم يفلونها قدام عيونكم ارحم من وراكم

وش هالمنطق يا أختي..
يعني مثلاً بدل مايسمع الولد أغاني من وراي أخلّيه يسمع قدامي..
وبدل مايناظر أفلام خليعة من وراي أخليه يناظر قدامي..!!
وهلمّ جرّا..!!
أما الرقص.. فهل من كمال مرؤة الرجل أن يرقص..!!؟

إقتباس انا بتكلم عن الشعر الطويل ليش الاهل يهاوشون عيالهم اذا طولو شعورهم ويقولون انه تشبه وش خليت لأختك طيب واحنا نقرى فالسيره النبويه الرسول كان شعره طويل وبعد يسويه ظفائر وكان يكحل عيونه يعني ودي قبل يقولون تشبه ومدري وش وقبل يحطون احكام من روسهم يقرون فالدين اكثر او اقلها يقول ماحبيت شكلك كذا وانتهى لايقوله تشبه

أن أنتقي من السنّة مايوافق الموضة فقط..!
وأترك كل سننه صلى الله عليه وسلم..
فهذا خللٌ مرفوض..!؟

إقتباس -اتبــاع الموضه واشتراء الماركات من رباعيات لاكوست ديزل..الخ يعني اذا شافوا الولد كاشخ ولبسه انيق قالو بنت ويتبع الموضه <<ابفهم انا يعني اذا كشخ طلع موب رجال اذا اهتم بعمره طلع موب رجال يعني مكتوب علينا احنا البنات نعاني من فنيله وسروال ...مااشوف فيها شي اذا الولد طلع انيق ومتكشخ ومتزبرق

يا أختي لاتخلطين الله يهديك..
أن يهتمّ الرجل بمظهره و يلبس أحسن مايجد.. فهذا أمرٌ محمود حثّ الشرع عليه..
لكن.. المبالغة في الزينة و البحث عن كل ماهو جديد في عالم الأزياء..
هذا للمرأة دون الرجل.. لطبيعة المرأة و فطرتها.. لكن أن يتساوى الرجل والمرأة في هذا..
فهذا ليس من المنطق في شيء أيضاً..

إقتباس اذا الولد استخدم عطر نسائي قالو تشبه...ياناس افهموا شدخل تشبه بعطر طيب انا معهم عطورات الرجال تجيب المرض كلها ليمون والعطورات النسائيه متنوعه... بس عشان مكتوب على العلبه Women خلاس صارت حقت حريم والي يستخدمها متشبه .. طيب يمكن الي صنعها غلط فالخلطه والمفروض يحط manبس ماامداه وراحت عليه

بهذي معك حق..
عن نفسي ماقد شريت عطر..
منب أستخدم إلا عطور امي وخواتي..
أصلاً.. وش المعيار اللي هم يعتمدون عليه ويحددون هذا للمرأة وذا للرجال..!؟
لامعيار ولاشي.. فقط أسلوب تسويقي لا أكثر..


هذا رأيي والله أعلم..

موضوع جميل كالعادة.. أثار أكثر من نقطة..

جزيل الشكر