نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ ريال مدريد ♥ ||

ALMOSTSHAR_A · #19134 26/05/2010, 07:48 AM

السلام عليكم .. حياك الله مدريديستا .. ياهلا فيكم والله ..
لي ثلاث ايام بكتب بكتب رد ولا كتبت للحين !! مدري وش بي
يمكن خلصنا الاختبارات وجاء وقت الخمول والكسل

..
عموماً ماعلينا ,
مورينهو وماادراك مورينهو .. مدرب خبييييير خبير جداً وتاريخه يشهد على ما اقول
كلنا نبي مورينهو نبيه يدربنا .. على اساس نرجع هيبه مدريد المفقودهـ من عدة سنين .. ويبي يعالج امراض كثيرهـ من النفسيه !
وبلقريني سوا اللي عليه لكن .. اعتقد تصريح بيريز يوم يقول .. ‘ لتدريب ريال مدريد عليك ان تفعل ضعف هذا ' يعني تصريح خطير .. وانا اقول بيريز صح عليك بلقريني سوا الي عليه لكن شفنا وش يسوي بمباراياتنا الكبيرهـ

.. ماودي اقلب الجروح !

لكن يعني الاستقرار نقول مانبيه نبي مورينهو السبيشل ون نبييييه

..
والاهم يعني الصفقات الي طالبها مورينهو من مايكون الى سيلفا يعني يمكن نبيه على مانشوف من تصاريح .. ويبي كذا لاعب اترتبطت اسمائهم بالريال كثير في الصحافه الانقليزيه والاسبانيه و الايطاليه كلها .. بأذن الله مورينهو راح يسوي الهوايل مع الريال ويرجع الميرنقي لعرش اوربا كل اوربا

.. على قولت الكعبي

..
مورينهو وش يبي يسوي مع الريال وش يبي يسوي ؟ يبي يسوي نقله فريده من نوعها بتاريخ الريال ؟ ماسبقها احد قبله ؟ هنا السؤال .. بأنتظآر اجاباتكم ..

-

أحب اشكر اخونا فلورينتينو .. نائب رئيس الرابطه .. مشكور والله على النقآش اللي اسميه فريد من نوعه جداً ممتع واستمتعت بأجاآبات الشباب كلهم ووجهات نظرهم !
بيني وبينكم .. احتريت انا يجي خبر عن قوتي ماودي يطلع هالسنه

.. عكس راوول الي ودي يصير قريب حولنا ويعتزل هنا بيينا ..

حراسـنا

انا من رأيي .. اننا نثبت على الحراس ذولا لانهم مظبوطين يعني .. ودوديك على حسب معلوماتي مودهـ يطلع هالسنه ذي ولا جددو له مادري بالظبط !
و آدان .. كويس ماعليه يعني .. زي كودينا قبل كذا ماعليه

.. اما كاسياس ارجو بعد كأس العالم اذا جيت رافعه ياقلبي تصير مظبوط

.. وخلك من المشاكل مع مرتك

-

دفاعنـا

<~ ادوره مالقيته

..

هذا الي ودي انا فيه .. مايكون + كولاروف لاني اعتقد انه ممتاز .. وغير كذا انا براسي اصلن فليبي لويس .. لكن جاهـ اصابه قويه .. وامعتقد رجعه زي قبل !!
وكليشي ماعتقد فينقر يبي يفرط فيه .. كذلك ودي انا بعد بفيديتش ويا اما طالبت فيه لكن من يصير بدال مين ؟ البيول واقاري على الدكه تمام كذا .. عموماً راموس كقلب الموسم الجاي يمين مايكون كذا تمام نصير .. بيبي كووالاروف يسار
.. كذا تمام تتصير انظباطيه وتففن بالخط الخلفي يعني مارسيلو انا ماعده ظهير يسار اعتقد صار جناح يسار مارسيلو من الموسم ذا تطور بشكل خيالي وما انسى اول نص ساعه من الكلاسيكو الاياب

..

-

وسطنا

كذا تمام الحين مع جلوس قوتي

.. وعودة دي ماريا بدال قرانيرو :@ ..
وخافي مارتينيز بدال مامادو انا اشوف كذا .. مع جلوس قاقو البطل وتطور اخر الموسم يوم اخذ فرصته بشكل كبير .. لاسانا ماتوقع يطلع لان مورينهو يعرفه زين ويبيه يمكن .. ومع قدوم كاناليس بس يبي يصير وين مكانه ؟

وسيلفا وين يبي يصير ؟

وش السوات

.. عموماً يصير وسطنا تمام ودكة بدلاء ممتازهـ جداً ,
فرق عن الموسم ذا .. اهم شيء قرانيرو لايقربنا والله يارفع لي ظغطي اخر الموسم

.. ان شاء الله خير .. اما عن ارتباط لامبارد .. دي روسي .. جيرارد .. فابريقاس .. ذولا مستحيل اعتقد وحتى جيرارد ولامبارد يعني ماظنيت دي روسي معيين روما يبيعونه .. يعني كذا حنا كويسين على جية ذولا .. اما نافاس ودي به الصدز

.. لكن خلونا منه الحين خلوهـ يصير ممتاز اكثر ويتطور

..

-

هجومنا

انا الهجوم اشوف .. ان رونالدو مع جية مورينهو يب يخليه جناح ويكمن هقوين راس الحربه وبن زيما جناح اعتقد يمكن هيك لاني شفت ردودكم عن الاجنحه وشفت طريقة مورينهو ماقصرو العيال بالتوضيح كذا طريقة يعتمد على هيك حتى شفنا ايتو الي كان ببرشلونه راس الحربه الصريح شفناهـ جناح مع موري وميليتو راس الحربه .. اعتقد عكس بلقريني الي مخليه اخر الموسم مهاجم ثاني .. خلاص رونالدو مع مورنيهو يمكن يصير جناح وهذا الي يبي يصير اظن .. راوول انا ودي يعتزل ويصير اداري بالنادي وقريب ولا ودي يروح لنادي ثاني ويلبس لبس غير تي شيرت مدريد

..
وان جلس مهب مشكله بس لايقعد يبثرنا موري يدخله زي بلقريني

اما البقيه : بن زيما ممتاز هيوقين كذلك .. لكن صعبه يعني تتجيب توريس ولا اقويرو وتخليه احتياط .. ولا تظلم هقوين ولا بن زيما مع ان بلقريني ظلم الاثنين هيقوين اول الموسم وكذلك بن زيما اخر الموسم .. والحين يصصيرون احتياط , ماعتقد كذا ممتاز
انا من رأيي نجيب نيقريدو نرجعه ويصير احتياط موب مخالف كذا نبي نصير تمام
اذا صار الوسط موجود كاكا وسيلفا ورونالدو ع الجناح .. كذا تمام ,

مارادونا : " مورينهو يسعى للمجد , و المجد اليوم هو ريال مدريد !

" .

كويس انك داري يا ماردونا

..

-

بالاخير بس .. احب اشيد بالنقاش الي صار عن الاجنحه وعن الصفقات ..
صراحه نقاش ممتع جداً وهذه عاد رابطة مدريد جرت العادهـ مميزهـ في كل شيء
فيكم الخير والبركه جميعكم دون استثناء ,
هذا الي عندي من زمان ودي اقوله يالله يالله كتبته

. . بالتوفيق لكم شباب بالاختبارات .. ان شاء الله تبيضونها .. وباركو لي تراي نجحت وخلصت

..
بعد غثى دام سنتين .. و ان شاء الله نتوظف ونشوف امورنا

فيه سؤال .. معليش ماعرف انا التصويت عند اي مشرف ؟ من نرسل له ؟! ..

موفقين يارب ..

محبكم : عبدالعزيز ..