نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هلالي وان جار الزمن تعال ابيك لاهنت والباقين راعين محل

ولد وايل · #1 04/09/2004, 04:03 AM

[ALIGN=CENTER]بسم الله الرحمن الرحيم
والصلاة والسلام على اشرف الانبياء والمرسلين وبعد.
هلالي وان جار الزمن ( ابوريان ) الغالي والحبيب شدني موضوع كتبته بيديك جعل النار ماتمسها
......قل امين .
وكان عنوان موضوعك ( اطردوهم اطردوهم............).
عموما هذي رساله منى اتمنى تتقبلها مني كأخ عزيز وغالي ......والرساله موجهه للجميع .
كلنا امس في مباراة القادسيه مارضينا لابمستوى ولانتيجه وبالذات النتيجه ام الثلاث نقاط
اللي ركزنا اكثر من مره باهميتها خصوصا مع الفرق الصغيره وان كان القادسيه اقواها .
اخطاء لاعبين حصلت ماننكر, اخطاء قاتله , تمريرات خاطأه ,عدم تفاهم بمعنى الكلمه بين الاظهر وقلبي الدفاع والمحاور ......انا ماراح احلل المباراة لكن ابي اركز على المهم.
ياابوريان انا بالنسبه لي اعتبرك من الاعضاء الصفوه في هذا المنتدى من كتاب وجاهير واعضاء لها ثقلها في هذي الشبكه اللي اتمنا اقدم ربع مايقدمون للزعيم وللشبكه.
انت ياغالي قدوة للجميع وباختصار شديد رئيس رابطه جمهورنا الحبيب في ابها البهيه
يعني منت مشجع عادي انت مشجع مؤثر اقل شي تضمن خمسين الى مئة مشجع معك في مباراة واحده .
ماقصرتوا مع الفريق في عسير قدمتوا اللي عليكم واكثر ولكم منا جزيل الشكر.
ياعزيزي النادي ماييبي يفقد مشجع مثلك ليه تحلف ياأخي.
انا اتوقعها من اي مشجع عادي الا منك, صحيح عزيز اخطأ والعتيبي اخطأ والنزهان والغامدي لكن مالبيد حيله وانا اخوك .
مانقدر نقول الا يامخطئ انت اخطيت ياانه يتقبلها والا بسلامته اهم شي انا اديت اللي علي كمشجع
لااقدر اطرده من النادي ولااخصم من راتبه وقس على ذلك بالعربي لاحياة لمن تنادي.
المشجع العادي اللي انا مااحزن ولاأأسف على تركه لتشجيع الفريق هو المشجع اللي ماقدم اللي عليه ولو احلف ماعمره حضر حتى نهائيات فما بالك مباريات الدوري اما انت فعكس هذا تماما
اتمنى تراجع نفسك انت حلفت في وقت غضب وماتنلام وانا اخوك صدقني الجايات تسر واللي فات مات خلونا مع الفريق ياجماعة والله حن وقود له .
الفريق الحمدلله فيه روح فيه اصرار ماهو مثل فريق العام بعد الهدف الثالث يسلم المباراة للخصم
فريق السنه هذي يبشر والله بخير والمدرب ماراح يكرر اخطاءه باذن الله بغض النظر عن الحصول على بطوله من وجهة نظري البطولة الان ماتهم لان الفريق في مرحلة انتقاليه بين الشباب المتحمس وبين لاعبي الخبره وباذن الله راح يرجع الزعيم كما كان وانشالله في هذا الموسم .
اتمنى ياعزيزي اني ماخطيت او زليت بشي ماترضاه نفسك او تدخلت في شي يخصك لانها والله
نصيحه من اخ لاخ عزيز وغالي هذا اولا
وثانيا حن نحتاجك وانا اخوك ياما فرحت يوم عرفت ان رئيس رابطه انظم للمنتدى
شي عظيم ياخي ويعتبر من انجازات الشبكه وفوق هذا كله مكسب لها ولاعضائها الكرام وعلى رأسهم الامير بندر بن ثامر الله يحفظه ويحفظك ويحفظ الجميع .
اخيرا: اتمنى اني ماطولت عليكم جميعا لان الكلام موجه للجميع وبالاخص ابو ريان واتمنى ثاني مره من الجميع تقبله من اخوكم .
فانا والله ارحب بللي يعارضني اكثر من اللي يساندي ولايهون من يساندني .
تحياتي ياابوريان واتمنى تصوم الثلاث ايام الجايه

كفر الله لايهينك وارجع للزعيم وجماهيره
ملاحظه ياابوريان وللجميع ( والله هذا اول موضوع اكتبه في المنتدى لاني اؤمن ان الموضوع المهم والمفيد هو اللي ينكتب في هذا المنتدى اما المواضيع اللي ماتهم فاحتفظ بها لنفسي )
شاكر ومقدر للجميع اخـــ ولد وايل ـــوكم [/ALIGN]