|
قصتي في مباراة الهلال والقادسية من ارض الحدث
[ALIGN=CENTER]الســـــــلام عليكم
_*_*_*_*_*_*_
اليوم ..قلت اروح للملعب واشوف مباراة الهلال والقادسية ( خير اللهم اجعله خير ) ، وصلت الملعب وانا افكر (لايكون كل هذا المشوار واشوف بالملعب النزهان وعزيز والمفرج والعتيبي ) الله يستر ..وصلت الملعب ..دخل الفريق والا تشكيلة الهلال كابوس مزعج _ النزهان وعزيز والمفرج والعتيبي _ لاااااااااااااااا اَ ه ه ه ه ه يالقهر مشوار وخراب ديار ورطوبه ( اللهم لك الحمد على كل حال او هلال )
وشووووووووي والا الكره عندالمفرج ( ماغيره كنفارو الكره في الربع الخالي ) ويتفلسف فيها وثم يرجعها لعزيز وبدور يحطها في الزاويه الصعبه على يسار العتيبي الذي تقدم بلا داعي ( والله مابقى الا انه يتجه للجمهور ويخلع فانيلته _ عزيز _ )
وتمر الدقائق مابين لاعبين يودون ان يقدموا لفريقهم ومنهم القادم بقوه ( الجري ) والصويلح والعلي اما الباقي ( ماعندك احد ) .
انا من القهر قلت لواحد جالس بجانبي شوف مستحيل نفوز بمثل هؤلاء اللاعبين والله يستر من القادم ..مع بداية الشوط الثاني الهلال يتعادل ويزعل عزيز ويتفلسف بكره وتصبح هدف على الهلال ويسأل عنه العتيبي الذي حاول امساك الكره وكان بالاحرى ان يبعدها .
والنزهان نايم طول المباراه لا خير ولا كفاية شر ( وللامانه ارتفع مستواه من -3 الى 1\10 بعد نزول الموري ) .
مع محاولات الهلال للتعادل يضيف القادسيه هدف ثالث والمفرج ( يتفرج ) !!!
رقع يامرقع ( المدرب ) وشيل وحط وبالبركه وجد نفسه الهلال واشعل الموري الجبه اليمين ومع نزوله هدف مايسجله الاالكبار ( ثقه في وضع الكره ) واشعل المدرجات والهلال يهز الملعب والجمهور يترقب .. الكره عند دفاع الهلال وانا اصرخ حطها يمين حطها يمين ( عند الموري ) وصدقني الهليل ويرسل كره بالمقاس ويعكسها وخطره ( والله انه لاعب بس الصبر زين )
وشوووووووووووي والا الصويلح يصلح ماافسده النزهان وعزيز والمفرج والعتيبي !! ..هدف حلو بالمرررررررررره على قوس الـــ 18 ( يالله هلال مبدع بالصويلح والعلي وينهم طول المباراة !! ..السبب ماتوصلهم الكور من وسط الملعب الا بعد مالعب الموري وسعد الدوسري ) ...انتهت المباراه وسط تصفيق جمهور الهلال على الجهد الذي بذله اللاعبون
والله ستر ..
والان نقاط من المباراة :
1- اثبت النزهان وعزيز والمفرج والعتيبي انهم عاله على الهلال فقد تلاعبوا بالهلال والله ستر اليوم.
2- جماهير هلالية اكثر من جمهور الهلال بالرياض حضرت المباراة ، والمأخذ على البعض منهم رمي القوارير ( الا القارورة التي قذفت على عزيز بعد ماخرج تبرد القلب )
3- المبدعون:
الجري : يحتاج الى لاعب وسط يسار يساعده ويغطي معاه .
سعد الدوسري : يحتاج مسانده من لاعبي الوسط ( غير الغامدي وعزيز )
الموري : والله عنده فكر كروي كبير ويذكرني بمنصور بشير كلاعب في الهجوم اليمين
الصويلح : رغم قلة الكرات التي وصلته الا انه ابدع في جميع الكرات وازعج الدفاع القدساوي وسجل بحرفنه .
العلي : لا زال هذا الاعب مظلوم وارجو ان ينال الفرصه هذه السنه ( الا يكفي انه السنوات الماضيه هداف على كرسي الاحتياط).
4 - الفاشلون :
المفرج ( يتفرج ) النزهان ( يتنزه ) العتيبي ( واصل اخطائه كالمعتاد ) عزيز ( قوم ذل الهلال )
5 - عانى هجوم الهلال من قلة الامداد في الشوط الاول وحتى منتصف الشوط الثاني ، وهناك تباعد بين خطوط الهلال .
6 - سؤال يحتاج الى اجابه ( الى متى يتلاعب اشباه اللاعبين بالزعيم )
7- لقد حذرنا مراراً وتكراراً ولدي هذا المقال في 24 -8 - 2004 م قبل بداية الدوري وارجو ان تزوروه الان وتردوا كما وعدتوني
http://vb.alhilal.com/showthread.php...6&pagenumber=1[/ALIGN] | 