|
ماحصل من رجل الأمن اثناء حضورنا مباراة الشباااب ... وشوفو الفرق بين تعبير الامير عبدالرحمن هالسنه والموسم الماضي..جمهور الرياض عتب بسيييييييط
السسلام عليكم ... كيفكم وش اخباركم؟ من زماااااااااان مانزلت موضوع ... رغم اني اتابع بأستمرار
المنتدى .. بس حسيت ان الاخوان والاخوات ماقصرو وينزلوا مواضيع بنفس افكار مواضيعي تقريبا
بس اليوم دوبني واصل مكه ... عاد طلعت الرياض يوم الثلاثاء ومعاي ولد عمي كالعاده .. 
قلنا نحضر مباراة الهلال .. بس كويس صادفت مباراة الشباب يوم الثلاثاء وحضرناها .. * البدايه كانت مباراة الشباااب .. رحت للملعب وانا لابس زي هلالي كامل .. مع شعار نادي الهلاااال
ويوم وصلت البوابه والتفتيش ... ولد عمي كان معاه سبحه ( زرقاء وبيضاء) ورفضوو رجال الامن
دخولها للملعب .. وقالوا له لازم ترميها او ترجعها السياره .. حاولنا فيهم بس رفضوو مررررررره 
المهم قلت لولد عمي خلاص حطها على جنب وبعدين نرجع لها لأن المباراه على وشك تبدأ وبالفعل
حطها على جنب ... وجينا داخلين .. إلا نفس العسكري ... قال هات الشعار... قلت لييييييه؟؟؟
قال انت جاي مباراة الهلااال؟؟؟ قلت لا مو مباراة الهلال بس هذي مباراة نادي سعودي وكلنا سعوديين
قال لااا ... أرمي شعار الهلال وادخل ... حاولت اتفاهم معاه ورفض بقووه وكان معصب مررررره
( شكلوو نصراوي  ) قلت يااخي المباراه لنادي سعودي ونادي ايراني .. مفروض تخلون الجمهور
يعبر براحته خصوصا ان مافيها مخالفه ولا هو عيب ولا حرام ... قال اقول ارمي الشال الهلالي وادخل.
قلنا امرنا لله .. سبحه هلاليه تمنع من الدخول للملعب وشعار هلالي يمنعووه 
المهم دخلت الملعب .. واتفاجأ ان قدامي اشخاص يحملو شعارات نصراويه يمكن اثنين .. وواحد معاه شعار
اتحااادي .. قلت يلعن اووم القهرررررررر.... بس الهلال يمنعوووووووه.... ليه بس؟؟؟
بس بعدين شفت شعارات هلاليه بالملعب ... قلت اجل السبب من العسكري اللي مريت من عنده
حسبي الله عليه ... شكلوو نصراووي ويكره الهلاااال ... بس اشوى ماقال لي نزل فنيلة الهلااال
... سؤالي .. لامتى واحنا نتعرض لمثل المواقف هذي؟؟؟؟ * انتهت مباراة الشباب والحمدلله فاز .. وانتظرنا الاربعاء بفارغ الصبر ... وقلنا ان شاءالله مشورنا للرياض
مايروح سدى ... والحمدلله فاز الزعييم وامتعنا واطربنا ... وفكينا عقدة دور الـ16 .. وان شاءالله
يواصلون التألق بالادوار الثانيه ويحصلو على الكأس الآسيويه ..  * عجبني ويلي وهو يرقص العرضه السعوديه ... من جد محترفي الهلال يبادلون الهلال وجمهوره
الوفاء بالوفاء ... قبل مباراتين شافو اعلام دولهم .. واليوم ويلي يرقص العرضه السعوديه
ورادوي ونيفيز ولي يونج يتألقوون مع ويلي ... والله يديمهاااااا .... * جلست بالملعب لين نزل الامير عبدالرحمن بن مساعد ... وشفت كيف كان مبسوووط ويحيي اللاعبين
والجمهور .. وتذكرت مباراة الموسم الماضي امام ام صلال .. وقلت الحمدلله .. صبر ابو مساعد وظفر
ويارب يتواصل الفرح لين نحقق الكأس .. * جمهور الرياض ابدعوو وماقصرو بالحضور ... ولكن عتبي الوحيد والنقطه اللي تفاجأت منها اني
شفت كثيررر من الجماهير تغادر الملعب قبل نهاية المباراه بدقائق !!!! .. بصراحه شي مررره غريب
يااخي فريقك فايز 3-0 .. وانت طالع؟؟؟ هذي بطوله اسيويه .. مفروض تنتظر للنهايه .. وتحيي اللاعبين
والاداره وتحتفل معاهم بالملعب .. اعتقد هذي ثقافة الجمهور السعودي ... او بعض جمهور السعوديه
وليتهم يتعلموو من الجمهور الاوروبي . * مبرووووك للجميع التأهل ... ولاعزاء للحاقدين ... وآسف ع الاطاله .. بس ترون مارتبت الافكار
وكتبت بسرعه .. لاني شوي مشغول .. وقلت بما اني وصلت مكه .. خلوني اكتب اللي صار معاي
بالرياض ... دمـــــــــــــــــتم زعمااااءءء للقــــــــــرن .. ونلتقيكم بعد التأهل لدور الاربعه ان شاءالله  | 