.

يعطيك العافية راجح .. من مبطي وأنا مُتابع للرابطة , وكل ما شفت لك رد أو موضوع الاّ يكون تقطيع ببيريز !! ما أنكر انّه صعب ننسى اللي سوّاه بفترة رئاسته الأولى , تحديدًا النصف الثاني , لكن أيضًا من الظلم انّك تبني رأيك وكلامك في موضوع كامل على "فرضيّات" وتوقّعات صحافة !!
إلى الآن , ما شفنا من بيريز شيء نقدر نلومه على "فشل" - إذا بغيت تسمّيه - الفريق هالموسم .. تعاقدات الفريق ما تمّت الا بعد ما كشخ مانويل بالبيرنابيو مع دي ستيفانو , وبعد الصيف , طلع وصرّح ان "99% من مُدرّبي العالم يتمنّون السكواد اللي عندي" !! لو هو ساكت مشّيناها له , لكن هو اللي جاب العيد لنفسه خخخخخ ..

أنا من المؤيّدين لاستمرار بيليغريني , نهجة هو المطلب تقريبًا للفريق , تكتيكه مُناسب وراسه مهو يابس .. ما كنت أتوقّع شيء أساسًا من الفريق هالموسم , كم عنصر جديد ومنهم كم واحد "جالاكتيكوس" , فوقهم مُدرّب جديد , الفريق جاي من موسم كارثي , ضغط ملعون والدين , بعد ما كان الفريق ما ينغزى به الموسم اللي فات صار أكبر مُرشّح للأبطال - بنظر الصحافة وغيرها - , الضغوط مع كل جهة , ما بين صحافة وجمهور , نهائي الأبطال على أرضك , ورئيس أعلى سلطة كرويّة في أوروبا يتحدّى الفريق !!

إقتباس محـاولةً أسـتئثـآر عـواطف وأحـاسـيس الجمـهور ولـم يعـلموا بأن عقـولـهم أكـبر مـن تـلك التفـاهآت والتـرآهـآت .. أرادوهـم نعمـة .. فـ كـانوا لهـم نقمـه .. وأصبـحت العنـصر الوحـيد المدافـع لـ بلليغرينـي ..

حتّى الجمهور في أسبانيا صار يعرف وش الصح من الخطأ !! تقريبًا كل التصويتات للآس وماركا والكادينا سير وغيرها تصب لمصلحة بيليغريني وباكتساح أحيانًا !! الصحافة خبيثة , تلعب على وتر "البطل" , أي شيء ناجح حاليًّا ويكون حديث الشارع الرياضي تربطه بالريال لإغراء الجمهور , مورينهو - مثلاً - ما طلعت أخبار اهتمام الريال فيه الا بعد قشعته لبرشلونة من الأبطال !!
مهو لازم الفريق يملك أفضل العناصر والمٌدرّبين في العالم ليكون أفضل , عاد من يبي يفهّم هالصحافة المحسوبة على الفريق ؟!