نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - شبيه الريح ...أحضر هذا السلاح النووي معك قبل موقعة الاربعاء... واضمن لكم اننا سنسحق الاوزبك ..!!

غالوس · #1 08/05/2010, 07:55 PM

نعم هو ذاك ...

نعم انه كذلك ...

فهو يشحذ همم اللاعبين لدرجه قصوى ,,

ويخفف من الضغوط عليهم ,,

ويزيد من نشاطهم وتركيزهم ,,

ويساعد على التخفيف من الخوف أوالغـضب ,,

والاهم انه سيخفف من ارهاق وبدرجه كبيره ..

هذا السلاح يسمى

بــــ ..

الاسترخــــاء ...

وهو يعتمد على التنفس العميق مع شوية افكار يلقيها الاخصائي النفسي
بحسب الحاجه بعدين بعد فترة تقدر تسويها انت بنفسك

يمكن بعضكم بيقول عنوان رنان وآخرتها تقولي استرخاء مااسترخاء ؟

...عاد انا برد عليه انا كنت اول اعتبره مثل اي واحد ماقد سمع به ويقول سخافه ولعب عالعقول ولكن ايش اقول غير ان الانسان عدو مايجهل ..

الموهيم بقولكم هالقصه ...مرتن من المراير وقبل كم سنه وبآخر العطلة الصيفيه كان لازم علي اقوم بدري عشان الحق واروح للجهه الحكوميه عشان الحق التوظيف وكان اخر يوم للتقديم الاربعاء..عاد انا راعي سهر وفلة حجاج الين الفجر

...وكل مالي اأجل الروحه لانها سفر فوق الميتين كيلو وحنا السعوديين نحب التسويف ...عاد الله يسلمكم حاولت انوم بدري ماقدرت الا مع الفجر الموهم فتحت عيوني على وقع الساعه المنبهه (المدفع

) بعد 3 ساعات !! الا أوعى ذاك الشعووور ..ياآآآآآآآآآآآآوك ..!! كني طايح من جبل او جالدني عشرة أنفار ..!!

يعني قمة النعاس والشعور بالإرهاق ..عاد بما اني صار عندي معرفه سابقه بالاسترخاء سويت التمرين اللي ماياخذ الا بين عشرين او اربعين دقيقه خذت بالاقل والحمدلله الا واقوم واطق سفر الساعتين والحق على التقديم بآخر ايامه بفضل الله ثم بفضل الاسترخاء وسبق أن كررتها اكثر مره ونجحن كلهن وكذا كم مره اكون تعيبان واحس بخمول او عندي شغيلن ومالي نفس أسويه (نفس مشكلة عزيز

) اقول يالله يارجال مالك الا الله ثم هالتمرين والحمد لله صارت اموري سالكه ..

اتمنى واطلب من شبيه الريح ويما ان لاعبينا شبه طافيه بطارياتهم

يجيب واحد مختص بهاالعلم لانه له اكثر من ثلاث انواع ويجيهم يومين او ثلاث وأضمن لكم بيصيرون زي الحصان

بإذن الله
وهذا من واجب الاداره احضاره لو يومين وماحنا خسارنين شي لو جربناه
اما الجهاز الفني واللاعبين فعارفين واجباتهم
اما نحن الجمهور فعلينا بالحضور والتشجيع الحامي مع المباراة لاقبلها

+ الدعاااااااء

ابحط الموضوع في المفضله وان شاء الله فايزين وان خسر الهلال لاقدر الله بسبب الارهاق فذمت الخساره هالمره مو عالمدرب واللاعبين بل الادارة ايضا

وبالتوفيق لهلالناآآآ