إقتباس الرسالة الأصلية كتبت بواسطة مواصل من عام 1413هـ أبوعبدالله رجعت اليوم للبيت آخر الليل إثر العداد جاي للبيت وما كنت موجود وسأل عني وعطا جاري الورقة يسلمها لي يقول العداد ( خلّه يعبيها وبكره بجي آخذها إن شاء الله ) أنا بساعده - بس عجزت أفهم الورقة اللي قدامي!!. 1- على اليمين مكتوب ( رقم مسلسل الفرد في الإستمارة ) وتحتها عشر أرقام من 1 إلى عشرة!!. 2- بعدها إسم الفرد الثلاثي وتحتها عشر خانات فاضية يعني كيف أحط بكل خانه حرف 3- العلاقة برئيس الأسرة وتحديد القرابة وبرضوه عشر خانات والخانات مقسمة على مربعين!!. 4- الجنسية بالتفصيل!!. كيف الجنسية بالتفصيل - يعني أكتب سعودي قبيلي واللي لفت نظري من الأسئله الغريبه : 5- النشاط الإقتصادي الرئيس للجهة التي يعمل بها الفرد!!. 6- عدد أجهزة التلفزيون والجوالات والثابت والحاسب الآلي وعدد المستخدمين وفيه إرشادات من وراء توضح كيف أكتب الإجابات تبي الصراحة - مشوار أقراها خله يجي بكرة وأتفاهم أنا وإياه لكن لحس مخي هالخانات اللي بالطول كيف أجاوب عليها _______________ ما أدري أحس لو يدرون وش مسوي هالعداد إنهم مسلم الأوراق للمواطنين إن يعلقونه برقبته

رقم المسلسل ارقام جاهزة بعدها الإسم الثلاثي تكتب كل إسم معك ثلاثيا وبالترتيب التالي : رئيس الاسرة ثم الزوجة ثم الأولاد من الأكبر سنا غير المتزوجون ثم الأولاد المتزوجون ثم الأب والأم ثم الخادمات وقبلهن الاخوه والاخوات

الخانة اللي بعدها حط أرقام بس واللي بعدها سيبها فاضية يعبيها هو حقت ذكر وانثى هههه واللي بعدها العمر

الجنسية حط 1 بالمربع وبس والشغالات 2 مع كتابة الجنسية

حالات الإعاقة تكتب رقم بالمربع

مكان الميلادوالاقامة والاقامة الدائمة تكتب فيها المنطقة وليس المدينة ماعدا لو ولدت بفرنسا مثلا تكتب اسم الدولة

النشاط الإقتصادي للجهة التي تعمل بها مثلاً انت معلم تكتب تعليم ابتدائي حكومي
أو بيع واستيراد اسلحة نووية

لكن قول لو واحد مهرب مخدرات وجيت سألته وش النشاط الإقتصادي

تبي رأيي اسحب عليه مرمرطه خله ينقهر مثل مانقهرت

بالنسبة للإستمارة لايكون اعطاك الأصلية اللي فيها بالأعلى على اليسار كتابات جاهزة ومنها رقم الاستمارة مكتوب بكمبيوتر

تدري أحسن انتظره هو يسأل وانت تجاوب بس انتبه ترفض رفض مباشر ويسحبونك على القسم

بالنسبة للي يسأل عن التلفزيونات والجوالات موجود بالبند رقم 27 بالإٍستمارة على ماعتقد وفي بعض الأحيان لما نلاقي رب الاسرة معصب نتوكل على الله ونعبي من عندنا