هلا ...
عندنا بالشركه مطلوب موظف استقبال ... اللي عندنا طلع ...
الدوام من السبت لـ الاربعاء من 9-6
مكان الشغل .. العليا طريق الملك فهد ابراج التعاونيه قريب الفيصليه يعني ..
يكون جاد بشغله وملتزم بالدوام .. عارفين انتو الريسيبشن حضوره وتواجده اهم من انتاجيته : )
لغة انجليزيه .. مطلووووووب .. ما اقول يفت انقليزي لكنه يعرف يسولف ويتفاهم .. الشركه فيها موظفين ما يتكلمون عربي .. وفيه زوار كثير مو عرب يعني مطلوب عشان يعرف يتفاهم مع الشعب ... والظاهر اصلا اللي بيقابلكم بيخش معكم شوي بسالفة اللغه ؟!
الراتب 6,000 شامل كل شي يخصم منه التامينات بس الظاهر 500 ريال او حولها ..
ماني واسطة احد 
.. انا مجرد عرضت الموضوع للفايده اللي يبغى .. انا بوصل سي في الشخص بس ولو كلموه مقابله يجي ويثبت نفسه ساعتها اشوف موضوعه 
اللي يشوف الموضوع مناسبه ووده بالوظيفه .. يرسلي السي في حقته على ايميلي موجود بملفي الشخصي ...
العيب الوحيد .. المسؤول عنك ثقيل دم شوي بصراحه يبغالك تروق وتطول بالك عليه حبتين 
لو صار نصيب اعطيك دواه كيف تبسطه ان صار خير ونصيب لاحد منكم خير وبركه والا الله يكتب الخير للجميع ..
