السلام عليكم ورحمة الله وبركاته

والله وانا اخوك وبحكم متابعة الهلال لـ 20 سنة
اشوف الفريدي من افضل اللاعبين اللي تثق فيه اذا مسك الكورة
ما شفت مثل الثنيان والغشيان
التمياط للاسف الاصابة حرمتنا من ابداعاته
الشلهوب حاليا الافضل بس جسمه يخونه
وبالسابق ظهر عبدالله المطرف وفيصل الصالح لكن ماكملو
الاول تعييينه بعيد عن الرياض كان العائق في اتمام مسيرته الكروية
والثاني انهكته الاصابات

الفريدي صراحة دايما اخوض نقاشات مع الاحباب علشانه
كثير من الناس ينتقدونه علشانه بارد ويتنرفز ولا يلعب على الصافرة

اقولهم الولد صغير والظاهر لسى ماوصل 20 سنة ومع ذلك مسوي الهوائل
وخلوه حبه حبه لين ينضج
ودائما ادافع عنه, بخصوص بروده فهو ميزة وسلبية زي ماتكرمت
اكثر ما يعجبني فيه ثقته العالية بنفسه وهذي نقطة مهمة يفتقدها الكثير
بعض اللاعبين اذا شاف الجمهور جته ام الركب ولاعاد يبدع
الفريدي ايا كان المكان او الزمان ماشاء الله عليه يبدع

اتمنى منه ضبط النفس والابتعاد عن الاستفزازت وياليت يتعلم من رادوي يوم عرف ان الاندية بتشن حملات ضده علشان يتوقف من الانضباط صار جبل ما يهزك ريح

واتمنى من الفريدي بعد انه يركز على التسديد القوي لان رجله ضعيفة


الفريدي قادم ان شاء الله
وعذرا على الاطالة والف شكر لك