سلام عليكم ..
ماشاء الله علي وابراهيم الله لايهينكم على النقاشات الحلوة
تسمحون لي أدخل على الخط

إقتباس الرسالة الأصلية كتبت بواسطة V.R.1981 هي وقفت على سولير ؟ من جاء رانييري للفريق وحنا مدحدرين !! هم الإثنين السبب في كل مايحصل !! الهزة اللي سببوها للفريق ماقدرنا نقوم منها للآن !! أوليفيرا ! ميستا ! إيمار ! أيالا ! راحوا والسبب تخبطات رانييري ! بعدين جاء كومان وبغى يكمل علينا ! ألبيلدا وكانيزاريس قبل إعتزاله ! بغوا يروحون من يدينا !! والحين سيلفا وفيا ! والخوف بكره ماتا ! من بـ يبقى ! فيسنتي مهوب صغير وإصاباته واجد !

بغض النظر عن رانييري الكلام الآن عن التخطيط الفاشل
وتراكم الديون وشراء لاعبين بـ أسعار خرافية !

زيقيتش ترى جاينا بـ 18 مليون ! وبانيقا بـ حول 24 ! وفيرنانديز 18 !
سلامااااات ؟! في حين لاماتا ولا سيلفا ولا بابلو ماكلفونا ولاشي وفيا أقل
منهم الثلاثة بـ 15 ومردوده معروف الافضل في العالم

ما افتقدنا ولااسم تتكلم عنه أوليفيرا مستواه كان موب مرة وميستا مابعناه الا يوم كبر
ايمار هو اللي بغى يطلع .. اللي أضرنا فعلا ً خروج أيالا على أن خروجه كان مناسب
اذا شفنا عمره طق الـ 34 يعني أولا ً وآخرا ً كان لابد نسلم لـ الامر الواقع وبيجي
موسم نكره فيه أيالا اذا دحدر مستواه زي ماصار له مع سرقسطة

ألبيلدا 32 مارتشينا حول 29 فيسنتي 27 .. مدري اذا نسمي هذولي كبار ؟
كلهم يعطون على الاقل 3 سنوات

كومان يتحمل نسبة كبيرة بس بدينا ننسى فترته
ولو أنه ما انسى له مادورو ! كانيزاريس اعتزل بـ شكل لايليق
أنغولو و ألبيلدا خارج الفريق وكانوا ثلاثتهم الروح لنا

أنا أتوقع بـ نسبة كبيرة وأشوفه أمر لابد منه بيع فيا أو سيلفا
وأفضل بيع فيا

إقتباس الرسالة الأصلية كتبت بواسطة V.R.1981 حتّى لو قلنا إن شائعآت جيجناك صحيحـة وبـ يجي للفريق ، كم بـ يكون سعره ؟ لاعب دولي وهداف ومهم جداً بـ فريقـه وفوق كذا صغير بـ العمر ! مبلغ كبير من اللي بـ نبيع به فيّا بـ يروح لـ تولوز ! ساعتنا ماسوينا شي أبد !

تقارن فيا بـ جينياك ؟

جينياك اذا فلق عمره مستحيل يعدي الـ 20 ..
نعم نكون خسرنا شي من مبلغ فيا بس في المقابل
كسبنا مهاجم كويس

ولازلت مع بيع القواخي

إقتباس الرسالة الأصلية كتبت بواسطة هـ 9 ــلالـ 20 ــي لان غوميز يعرف يشتغل صح

كلام حلو .. نعم قوميز جيد
بس ذكرني كلامك بـ كاربوني .. فعلا ً هذاك اللي يشتغل
حرمتنا منه المشاكل في ذيك الفترة

إقتباس الرسالة الأصلية كتبت بواسطة هـ 9 ــلالـ 20 ــي هـ السنه غيرررر مع الآسف !! كل الاخبار تدل على ان فالنسيا بيبيع فياا وبالذات خبر الملعب !! يعني السنه الي راحت الادارة صبرت لان ماعندها اي التزامات ماديه تجاه الملعب او البنك لكن السنه هذي عندهم الملعب (وهذا الخبر مؤكد ولازم يدفعون ) والبنك ( لكن مافيه خبر اكيد عن مطالبته بمبلغ ) وانا اقول الله يستر لا يروح سيلفا بعد

بنك بانكاخا معروف أنه كل فترة يطلع
ويبي مبلغ صار هذا الشي أكثر من مرة
آخرها بداية الموسم وكانت 50 مليون

كل سنة نقول السنة غير وبيطلعون
ويرجع المسلسل الى البداية في انتظار السيزون الاخير

تعبت

خلاصة الحديث عشان ما أمللكم ..
أتفق مع ابراهيم في كثير من كلامه بس أختلف معه كثير في حتة
التشاؤم , المشاركة في دوري الابطال بـ تحل جزء , بيع البعض يحل الجزء الآخر ,
مبيعات النادي , أي مصادر دخل ممكن تحل .. من هنا شوي ومن هنا شوي

ولازلت أقول اذا مانبي نتعذب كل سنة لازم نضحي لاننا اذا استمرينا كذا
بنعيش نفس السالفة كل فترة

في النهاية كان مستوانا أفضل بدون فيا وسيلفا يمكنهم نحس ؟

واضح أن صحافة برشلونة و مدريد تتراشق على حسابنا
السبورت تقول سيلفا لـ الريال و الماركا تقول فيا لـ برشلونة

لاهنتم ياشباب بـ التوفيق لنا اليوم ومايخورها مادورو