السلام عليكم ورحمة الله وبركاته

معليش ردي متأخر عن المباراة لكن قلت باشوف يمكن لين هديت يتغير رأيي ولا شيء لكن عجزت رأيي هو زي ماهو بالنسبة للمباراة اللي بتشوفونه في سياق حديثي.

فالبداية بصراحة حسين و أنس تذكروني بعبدالرحمن بن مساعد والهلاليين بشكل عام و النادي الجار يذكرني بالنصراووين وبمسؤولييهم زين ما سوو بيان بعد، يعني بالله وش علاقتهم هم بالموضوع عشان تصل إلى عنوان الرابطة؟ قويه هذي اوكي أعضاء انتحاريين تحصل أما عنوان الرابطة الرسمي من جد تذكرت النصر.
حسين و أنس مثالييييين جداً ههههههههههههههه المفروض علطول رديتوا بعنوان للرابطة وقلتوا فيه [ عالأقل نطلع بشرف موب قدام ليون اللي مدري وش جاه قدام البايرن ] صح العنوان طويل بس أهم شيء المعنى خخخخخخخخخخخخخخخخخ.

أول شيء أعتذر اني ماجيت يا أنس و باقي الشباب لكن الحمد لله اني ماجيت بصراحة صح الجمعة زينه وتنشرى لكن ماحب الهزيمة ابد. والله يستر وش راح اسوي.

ثاني شيء بإختصار فريييييييييقكم مجرررررررم حرب مورينهو ماباقي الا ينزل يدافع معهم بعد هو من جد مذله مابعدها مذله طبعاً هالشيء غير مباراة الذهاب وكون انك تذل الفريق في ملعبه شيء ثاني، يعني مع إحترامي الشديد للفاشل مورينهو واللي ازعجنا فيه خطته زي وجهه و أي مدرب مبتدئ يسوييها ومافيها أي إبداع تدريبي.
الداهيه هو اللي بتغيير يغير لك النتيجة هو اللي بخطة لعب غير متوقعه سواء قبل المباراة أو في المباراة فعلاً يغير شكل الفريق اما خطة 10 -0 -0 هذي أساساً ماتسمى خطه هذي تسمى انزلوا يا شباب وامسكوا الباب و يارب الحظ يساعدنا والحكم، والأهم أنت يا ايتوا ياهداف برشلونة السابق ابي اشوفك ظهييييييير ولا تتقدم ابد.

ثالث شيء مع إحترامي لجميع من حلل المباراة من الناحية الفنية لكن أقولها بصوت عاااااالي التحكيم هو سبب خروجنا من البطولة يعني لين متى ينكون مثاليين كلنا شفنا الصجة اللي صارت بعد مباراة تشيلسي العام والكل يعلم أن لسان حال مباراة تشيلسي العام يوم لك ويوم عليك بالنسبة للتحكيم يعني الذهاب لتشيلسي والإياب لنا.
لكن كون أن مباراة الذهاب والإياب كلها مساعدات تحكيمية مالها داعي وفعلاً مساعدات مؤثرة على نتيجة المباراة هنا نقول فعلاً هالشيء مدبر ولا راح أستغرب هالشيء من المافيا الإيطالية ابد اللي كل يوم والثاني تطلع لنا فضيحة.

اعيد واقول واكرر عشان يشوفون المتطفلين هالكلمة من جماهير الجار نعم التحكيم ما أراد أننا نكون في النهائي في ملعبكم الخايس.



رابع شيء من الناحية الفنية بصراحة الواحد مايقدر يحلل هالمباراة ابد ولا يقدر يطالب اللاعبين بأكثر من اللي سووه لأن اللاعب ماهو آله عشان يقدر يسوي شيء أمام هالتكتلات يبقون اوادم يعني بصراحة المفروض الفيفا يمنع هالطريقة ابد ويصدر قرار بأن المهاجمين الثنين عالأقل ممنوع يرجعون ورا خط النص ابد عشان ما نشوف مثل هالخطط العقيمة بعدين وعشان ما نشوف امثال مورينهو الفاشل في عالم التدريب.


خامس شيء فعلاً مورينهو مايقدر يفوز علينا الا بالتحكييييييييييييييييييم. وابي اختم ردي بهالعباراة.