إقتباس نجي للأجتماع : الحمدلله واخيرا اجتماع يبيض الوجه كله لعيون انس .. صحيح نحس لكن ماعليه قسم ان شوفة الشباب نستني المباراة وهمومها .. حضر الاجتماع 13 شخص بمافيهم محدثكم وهم ( انا - طارق - محمد ابداع كلوب - محمد شمردوخ - انس محب الذئب - سالم وخويه سميي يوسف الاتحادي - عزوز اف سي بلوجرانا سابقاً وولد عمه اظن - جلال الزاحف 360 - يزيد سير بارسا - عبدالعزيز العاشق الكتلوني - ابو عبدالله عبدالله .. صار اسمه عبدالله ) ..

ابو عبدالله اسمه عبدالله
والله استانست بشوفة هالوجيه الطيبه

إقتباس الاجتماع كان حلو الحمدلله والجوال اول ما وصلت كان مبووش اغلب فتراته مكالمه ورسالة نصية ورسالة موجود ومكالمة انتظار تجيك بوقت واحد غير اللي اعطيه بيزي واللي يعطيه الجوال من نفسه مقفل .. الكل يدق يبي يعرف الوصف او مكان الغرفة الحمدلله اني معي بطاربة ثانيه على طول بس ..

ماقصرت يا يوسف

إقتباس اخر عشر دقايق الله لا يوريكم .. والله اني احتري راعي المقهى يقول عليكم 200 ريال زياده عشان تخريبكم وقت هدف بيكي وهدف التسلل انواع التدبيج بالجدار او الباب او رمي المراكي والقشم الله لا يوريكم كانها فرشة قشم مو فرشة قماش ..

لاتلومنا انا مدري وين كان مكاني كنت بالزاويه وكان فيه واحد يديه على كتوفي
والله ذيك الفتره العقل موب موجود ابد

إقتباس طبعا احلى فترة وقت طفية الكهرب خخخخخخخـ سالم اجل الواصل هاه لاوالله اني خايف لاتنطلونها علي وتقولون وشذا المقهى الخايس يا يوسف مافيه كهرب ماتشوفني جيت قلت لكم نعتذر لهذا الخلل شباب ترا مالي دخل خخخخخخخخخـ ..

آآآخ لو تدري وش اللي بقلبي يوم طفى الكهرب

إقتباس جلال : اجل احدث الاجداد هاه خخخخخخخخخخخخخخخخخخخخخخخخخـ ياني انسدحت ضحك على هالجمله ..

هههههههههههههههههههه ياحليله متحمس بقوه
اسمع يافيصل اظاهر خويه اسمه فيصل
الو فيصل عطني احدث الاجداد
وعلى طول اول ماقفل انسو الجمله لاتفضحوني

إقتباس طبعا فيه اللي بعد المباراة مشى على طول .. عزوز وولد عمه ومحمد ابداع كلوب .. ويزيد وعبدالعزيز >> اصلن الشوط الثاني انحاشوا ..

لاتلومني
شفت وجيهكم ماش متقلبه والغرفه غيمه من ضيقة الصدر

إقتباس يزيد : طمنا على عبدالعزيز كيفه ؟؟ يقولي خويي عقب المباراة الرجال انكتم وماعاد يتنفس هالمسكين ؟؟

لابوها من مباراه

إقتباس بعدها سولفنا الين قالت السوالف خلاص يكفي .. وعلى الساعه وحده تقريبا الكل طلع .. واللي يضحك انا وجلال ومحمد شمردوخ وابوعبدالله يقالنا نبي نمشي وجلسنا ساعه نسولف عالعشب ازعجنا اللي حولنا وقسم شفتوا كيف نحب بعض بس ..

خخخ والله ليت من جلس معكم وماراح يسوق بهالغبااار

إقتباس ختاما الاجتماع حلو ويبيض الوجه وتمنيت الكل يكون حآضر .. والكل قال خل نستمر .. اتمنى ما يكون حماس وينطفي بعدين .. واتمنى الكل يجي المرات الجايه ونكبرها ونخليها باستراحه باذن الله .. الله يعافيكم شباب واستروا ما واجهتوا ياعيال .. وبيض الله وجيهكم انس ترجع بالسلامه ياقلبي ..

ابد انا باذن الله بكون الفريان حقكم بكل اجتماع حاضر

ماقصرت يايوسف والله انك تستاهل من يسافر ويجي عشانك

محمد ebda3club