نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][

‎βαƦ¢α 4 ξνξƦ · #16633 30/04/2010, 09:10 AM

السلام عليكم ورحمة الله وبركاته ~

رد طويل جهزوا عمركم

..
كيف حال الشباب .. صبآحكم خير وجمعه مباركه عليكم يارب

..

لاجديد .. قاتل الله اندية التقفيل

..

هآرد لك لكم جميعا على هالخروج المرير .. ليت هالهدف ماجا وقسم غبنا زياده

خاصه يوم الغي هدف بويان

..

بتكم عن المباراة بعدة جزئيات اتمنى تتقلبونها مني .. وبختمها بكلامنا عن الاجتماع باذن الله

...

كـ مشجع برشلوني يبي كل البطولات

..

* فيه شيء احسه امس باللاعبين وقلت للشباب عليه وكلن ايدني فيه .. اللاعبين يعاب عليهم امس قلة الحماس والرغبة .. ماحسهم كل واحد يتحرك ويفتح للثاني .. او واحد يحاول يبتكر طريقة للهجوم .. ويعمل المستحيل لأخذ الكرة .. او حتى التركيز ببعض الكرات مثل الاوفرات والكرات العرضية الطويلة .. شفنا كرات كثير ترجع للوراء مع الاسف

.. تكتل الانتر موب عذر شفنا تكتلات من اندية كثير وحليناها واسكتناهم .

* بيب امس اعتبره يتحمل الجزء الاكبر من خساره المباراة .. احسه امس في عقم بالتفكير وكانه يقول متى ما جا الهدف جا .. تجريب الخطط هذا يمكن سواه باخر الجولات بالدوري ومع الريال ونجح وقال بستمر عليه .. لا بيب مو كل مره تسلم الجره .. امس المباراة كانت تحتاج الى تسديد من منطقة الجزاء + عرضيات سريعه ارضيه تربك الدفاع + ميسي ليه يكون بالعمق ومتراجع .. امس ميسي ما اذكر شفته داخل منطقة الجزاء كثير !! دايم اشوف بيب ما يركز عالتسديد من خارج منقطة الجزاء وكرات الارضيه السريعه قدام الاندية اللي تقفل ..

* ايضا والنقطة المهمة جدا والي توقعته يركز عليها لكنه خذلني .. فيه 4 لاعبين على ماظن بالانتر كانوا مهددين بالايقاف بالنهائي واولهم مايكون وزانيتي على ماظن .. كل هاللاعبين يبون النهائي اكيد .. توقعته يركز عليهم ويضغط عليهم كونهم بيكونون ضعيفين بالاحتكاكات تقريبا .. وكلنا شفنا تسديدة بيدرو ببداية المباراة لما مايكون تخوف وخلاف يروح من عنده .. حرام عليك يابيب والله ..

* ايضا خروج ابرا يابيب غريب جدا

ياخي انت في احوج الحاجات للهجوم وتخرجه !! والادهى والامر انك تخلي كيتا

!! كيتا 90 دقيقه يمكن ماشفته الا وهو يرمي اوت .. وايضا دور كيتا ماهو صانع العاب لذلك ماعاد له اهمية باخر ثلث ساعه من المباراة .. اوكيه نزول بويان ممتاز ومهم لفكره وتفكيك الدفاع .. لكن ابرا تحتاجه بعرضيات وممكن يبقى بسوء ومعاه مدافعين ومنها يتحرر ميسي وبويان اهون من انه يخرج ويبقون ميسي بويان قصيري القامه قدام هاللوحات

( اقصد لاعبين الانتر واجسامهم ) .

على الرغم من نزول مستواه .. هاللاعب حرام مانستفيد من خبرته امس على الاقل

.

طبعاً هالاشياء ماتققل من مجهود بيب كمدرب من اول مواسمه حقق السداسية الاعجازيه ..واخرس جميع كبار التدريب .. لكن زي ماقلت لكم ابتكلم كبرشلوني يبي كل بطولة

..

لكن باذن الله البايرن ماهو مخليها وراح يفوز فيها

>> الماني

بختم هالنقطة بنقطة اخيره >> اتحداكم تفهمون

..

ما هي هالليلة وبس و انت متغير علي ...............................
................................. صار لك كم ليلة و انت بالك ماهو ليي

الفيس كان من اسوء اللاعبين امس .. بصراحه الفيس تغير من لاعب يُتوقع ان يكون حاسم ببعض المباريات .. الى لاعب ينخاف من مردوده .. الفيس ماعاد الفيس نفسه الحماسي السريع السيكل

.. الفيس صاحب التسديدات القوية من خارج منقطة الجزاء .. والفاولات البعيده .. والاوفرات الممتازه .. الفيس صاحب الثنائيات ..

شوفلك حل يا ادني بالله

.. والا رح كمل برزن بريك يا سوكري

..

كمشجع برشلوني حقق فريقه سداسية بعام واحد

هذي بلحالها تكفي وقسم .. يكفي بطولات .. ابي احس بحزن

.. والله مالوم اللي بيضيق خلقه 6 بطولات لعبها كسبها .. كيف يصدق ان فريقه خرج من الابطال .. من وين له يتوقع يشوف كاس مرفوع من لاعب غير بويول

..

هالشيء يزيد ثقتي بالفريق باذن الله ويفهمني ان القادم احلى بلاشك للفريق .

كمشجع برشلوني الظروف خانته هالموسم

نعم الظروف خانتنا هالموسم .. ابتداء من بركان ايسلندا ..( اظاهر مافيه الا الاقدار هي اللي توقفنا .. الحمدلله على كل حال بس ) .. اجل اللاعبين يتمرنون عند محطه هههههههههـ

.. الى اخطاء التحكيم اللي مدري متى تخلص ويكون الاحق بالفوز هو اللي ينتصر مو اندية تمشي بالبركه وتحقق بطولات ..

انا استغرب من بعض جماهير الانتر الي اذا جينا نتكلم عن التحيكم قالوا نسيتوا الموسم الماضي .. ياخي هذا شيء الكل عارفه اننا ردينا فقط بعض اللي شفناه من تشلسي .. هدف كولينا الحفلة الموسم اللي قبله + الاخطاء في مباراة الذهاب الموسم الماضي .. يعني شيء ذقناه ورديناه .. ثاني شيء لوم لاعبي تشلسي على الحكم بسبب البلنتي الغير محتسب .. لكن للأنتر هدف من تسلل + بلنتي لالفيس غير محتسب + هدف لبويان غير محتسب يعني تفرق شوي ..

كمشجع برشلوني فرح لمن شاف الكل مستانس بهزيمته

|| رابطة ♥ ريال مدريد ♥ || فقل للشامتين بنا افيقوا .. سيلقى الشامتون كما لقينا ||

باله وش شعورك يابرشلوني يوم تشوف رابطة تحط عنوانها كذا خخخخخخخخخـ مع ان مالها مصلحة لاهي بالاليقا ولا بالكاس .. بدوري الابطال .. يعني مالهم فايده فيها .. بالعكس المفروض يفرحون لفريق عدا دور الـ 16 وبيض وجيه الاسبان

.. هذي بالحالها تفرحني انا خخخخخخخـ كيف شعور باقي الشعب اجل >> يقصد باقي الاندية الحاقده

..

الشماته مدري ليه !! مادري هل هي رابطة لكبار عشاق مدريد وكرة القدم عموماً .. والا رابطة مقتصرة على -18 !!!!

حسين - انس يكفي ديموقراطيه .. ماتبون تحطون عناوين هياط ياخي احنا بعد مانبي عنوان برابطة مالها دخل يخصنا !!

كنهم مايدرون ان حدا الاثنين ( روبن - شنايدر .. واذا تبون نوسع الدائرة كامبياسو ) بيرفعون الكاس بملعبهم من فريق اني خخخخخخخخخـ

..

اهااااااا عرفت تصدقون هذي ضريبة الغبنه مقدماً

..

~
~

اخيرا هارد لك لكم مره ثانيه .. متشبع من البطولات لكني كنت ابي هذي لسببين فقط .. الكاس نرفعها بالسانتياقو زي ماشفنا بيزير مستقبله من برشلونه

+ البرشا يتأهل لكأس العالم واللي مخطط اروح لأبوظبي احضرها لعيونهم

الظروف ماساعدتني المره الماضيه لكن فرحت يوم شفت انها راح تكون بنفس المكان الموسم القادم ..

وافرحوا ياعيال قسم فريقكم مرعب للجميع ومايستحي

.. احتياط فريقكم يتمناهم اي مدرب كيف اساسيينكم .. فريقكم فيه روح جماعيه واخوه الكل يحسده عليها .. مدربكم من اول موسم حقق ما عجز وما سيعجز عنه جميع كبار المدربين .. لاعبيكم كل اسبوع نسمع عنهم ارقام ممتازه متميزه او تحطيم ارقام .. لاعبين نراهم متصدرين التهديف - صناعة اللعب - التمريرات - الدفاع بمافيها حراسة المرمى .. عندكم مدرسة الكل يعجز عن انتاج لاعب مهيأ بـ 4 مواسم كيف مدرسة كل موسم تطلع لاعبين او اكثر .. وغيرها اشياء اشياء متميز بها البلوقرانا

..

بقي بطولة ومطلوب تحقيقها .. من الظلم الخروج هالموسم بدون اية بطوله .. مطلوب من اللاعبين الخروج عن ماهم فيه والاستعداد لاسعاد الجماهير التي هي بلاشك راضيه عليهم

ببطولة الليقا ..

وقتكم ياجمهور لنعود بالفريق لمثل ماكان عليه ..

~
~

نجي للأجتماع :

الحمدلله واخيرا اجتماع يبيض الوجه

كله لعيون انس

.. صحيح نحس لكن ماعليه قسم ان شوفة الشباب نستني المباراة وهمومها .. حضر الاجتماع 13 شخص بمافيهم محدثكم وهم ( انا - طارق - محمد ابداع كلوب - محمد شمردوخ - انس محب الذئب - سالم وخويه سميي يوسف

الاتحادي

- عزوز اف سي بلوجرانا سابقاً

وولد عمه اظن - جلال الزاحف 360 - يزيد سير بارسا - عبدالعزيز العاشق الكتلوني - ابو عبدالله عبدالله .. صار اسمه عبدالله

) ..

الاجتماع كان حلو الحمدلله والجوال اول ما وصلت كان مبووش اغلب فتراته مكالمه ورسالة نصية ورسالة موجود ومكالمة انتظار تجيك بوقت واحد

غير اللي اعطيه بيزي واللي يعطيه الجوال من نفسه مقفل

.. الكل يدق يبي يعرف الوصف او مكان الغرفة

الحمدلله اني معي بطاربة ثانيه على طول بس

..

اخر عشر دقايق الله لا يوريكم .. والله اني احتري راعي المقهى يقول عليكم 200 ريال زياده عشان تخريبكم

وقت هدف بيكي وهدف التسلل انواع التدبيج بالجدار او الباب او رمي المراكي

والقشم الله لا يوريكم كانها فرشة قشم مو فرشة قماش

..

طبعا احلى فترة وقت طفية الكهرب خخخخخخخـ

سالم اجل الواصل هاه

لاوالله اني خايف لاتنطلونها علي وتقولون وشذا المقهى الخايس يا يوسف مافيه كهرب

ماتشوفني جيت قلت لكم نعتذر لهذا الخلل شباب ترا مالي دخل خخخخخخخخخـ

..

جلال : اجل احدث الاجداد هاه خخخخخخخخخخخخخخخخخخخخخخخخخـ

ياني انسدحت ضحك على هالجمله

..

خذوا السالفة

:
هذا طال عمركم كلم واحد ياخذ منه التفاصيل وقت ماكان الكهرب طافي .. المهم مسوي فصحى ويبي يكون وافنا باجدد الاحداث .. قال احدث الاجداد

خخخخخخخخخخخخخـ

..

طبعا فيه اللي بعد المباراة مشى على طول .. عزوز وولد عمه ومحمد ابداع كلوب .. ويزيد وعبدالعزيز >> اصلن الشوط الثاني انحاشوا

..

يزيد : طمنا على عبدالعزيز كيفه ؟؟

يقولي خويي عقب المباراة الرجال انكتم وماعاد يتنفس هالمسكين

؟؟

بعدها سولفنا الين قالت السوالف خلاص يكفي

.. وعلى الساعه وحده تقريبا الكل طلع .. واللي يضحك انا وجلال ومحمد شمردوخ وابوعبدالله يقالنا نبي نمشي وجلسنا ساعه نسولف عالعشب

ازعجنا اللي حولنا وقسم

شفتوا كيف نحب بعض بس

..

ختاما الاجتماع حلو ويبيض الوجه

وتمنيت الكل يكون حآضر

..

والكل قال خل نستمر .. اتمنى ما يكون حماس وينطفي بعدين

.. واتمنى الكل يجي المرات الجايه ونكبرها ونخليها باستراحه باذن الله

..

الله يعافيكم شباب واستروا ما واجهتوا ياعيال .. وبيض الله وجيهكم

انس ترجع بالسلامه ياقلبي

..

يلا رد طويل قلت لكم

.. هالرد اخذ ساعه وربع تقريباً

..

هآآآآكم بس

سلامووووووووو ~