عودة لنقاش امريكا مزيكا


حظيظ

احمد مجري المويا اللي حطيته نفس عقلية الامريكان يعني القنوات الفضائية تتحكم فيهم
انت الحين بالمزرعة يمديك تقفل المويا عن الطماط وتحولها للبصل
نفس مخهم البايخ تتحكم فيه الحكومة




Fo0oRzA JuVe

الا يا سعد اذا قالت القنوات الاخبارية وهابي خلاص يصدقون
رامسيفلد الكلب سبق وقال وهابية
وابشرك لقيت كتاب مع واحد اسمه اهم 100 معركة بالقرن ودورت فيها لقيت اغلبها عن امريكا وصدفة
لقيت معركة جدة يوم فتحتها الا ويقولون ان الوهابيين حاصرو الشريف واحتلو مكة وبعدين الوهابية احتلو المدينة
بس التسبد حايمة ولا لي خلق اناقش الامريكي راعي الكتاب فخليته ومشيت



فيلسوف

مامن مشاكل يا ايوب بس كلام مجالس معهم



~ابو فهد~

لا والله يا نواف فيه حدود لا يعدونها يعني لا يتكلمون على ديني او دولتي وغيره بكيفهم
وبخصوص المطلوبين فما عليك فيني حذاقة واعرف اختار الكلمات
اصلا لازم تمدح امريكا علشان تسلك لنفسك وتقدر تسفل فيها
قلهم انا مبسوط لاني عايش الامريكان دريم
وبخصوص الغباء منتشر هنا وبالسعودية بس والله اخويانا ارحم
على الاقل نقرا ونعرف الدول الثانية
يا رجل الامريكان يقولون ان الصومال قراصنة ويسولوفن عن فلم بلاك هوك ويوم تسالهم وين الصومال ما عرفو ههههه



Black N White

معليش يا ماجد الا طبول ولا عندهم ذرة ذكاء
بخصوص انصدامهم بالاحكام الاسلامية فنفس الموقف صاير معي

يسالوني يقولون فيه قطع يدين عندكم ؟قلت ايه بس مهوب على الرايحة والجاية
فيه مقدار للسرقة وتكرار ومدري ايش يعني مو كل واحد تنقص يده
ويوم طرينا القصاص نشبت لي وحدة وقالت مهو عدل
قلت وشلون مهو عدل ؟ واحد يقتل لازم ينقتل
قالت لا
قلت انتي عبيطة
وقلت لهم ان عندنا ميادين عامة تتنفذ فيها الاحكام
اشمئزو وقالو ليه ؟
قلت علشان الناس تشوف وتتعظ ولا عاد يسوون, يعني الرجال يجيب عياله يشوف القصاص علشان عياله يدرون انا لقتل جريمة قشرا
فماعاد يفكرون يقتلون , والا يشوفون قطع اليدين فماعاد يسرقون
لاجل هذا معدل الجرائم بالسعودية منخفض جدا مقارنة فيكم لان عندنا احكام
وحنا الدولة الوحيدة تقريبا اللي نطبق فيها الحكم الديني
قالو ولو فيه ظلم
قالت لي النشبة ان فيه واحد اغتصبها وعمرها 13 وحكمو عليه 3 شهور سجن وش حكمه لو بالسعودية ؟
قلت قتل !! قالت ليه ظلم
انا ضحكت وقلت وش برايك انتي ؟ واحد كلب اغتصبك وانتي طفلة ولا تبينه ينقص ؟
قالت لا ينسجن بس فترة اطول مو 3 شهور بس
عرفت انها عبيطة لانها تقول الضرائب ممتازة
فسفهتهم كلهم

طبعا سالفة الضرائب والزكاة يبيلها رابطة ثانية نسولف عن هالنقطة

صراحة , الحديث ذو شجون ولنا عودة ان شاء الله في حالة وجود تعليقات