السلام عليكم ورحمة الله وبركاته

شباب تكفون خلو سوالف امريكا بعدين مخي منشد للاحداث الاخير في بيت العجوز

اعجبتني هالنقطة /

إقتباس الرسالة الأصلية كتبت بواسطة حظيظ ^ يابو حميد ولا يهونون الشباب الباقين !!! انا اشوفكم طايرين من الفرحه عشان اندريا !! صح ان ادارتنا الاوله غبيه .. وما تحسنت نسبين الا يوم جا بيتيقا !! لكن برضه اندريا انيللي مانعرف عنه شي بالاداره ابدن ابدن ... يعني لا مسك نادي قبل ولا سوا انجازات بتاريخه !! كل ما بالسالفه انه موجي قال ما راح ارجع الا اذا مسك اندريا الرئاسه !! اذا فرحتكم باندريا عشان يجي موجي بعده بسنه ميخالف ... اما اذا فرحتكم باندريا نفسه !! انا مستغرب صراحه !!! لكن ان شاء الله انه يسوي شي زين للنادي ... بكل صراحه .. الاداره تحسنت نسبيا بعد ما رجع بيتيقا للاداره ... واول الايجابيات صفقة كاندريفا .. والتفكير بمدرب عالمي ( يكفي انهم يفكرون ببينيتز )

ممتاز يا احمد
سجلني معجب زي خوينا اللي قبل كم صفحة مسجل علشانك
اصلا انا رايح وطي معك من ايام السيريا B <--- يازينها من ايام

المهم بعيدا عن الترييش
انا مؤيد لك

للاسف انا كنت اول المدرعمين يوم تعين فيرارا , قلت دفاع والدافع والمحور احسن ناس يكشفون الملعب اذا كانو يلعبون
وتلميذ ليبي
واكيد بينقذ النادي
لكن لا عنب الشام ولا بلح اليمن

والحين اندريا انيللي الناس طارو بالعجة فيه
هل له خبرة ؟ توه بزر
هل هو محنك ؟ الله اعلم
هل هو بيكون مع اللاعبين 24 ساعه مثل موراتي وجالياني وروزيلا ؟ الله اعلم

التفائل فيه :
1- تزكية موجي له مليون مرة
2- يحمل اسم العائلة المالكة <--- شيء نفسي
3- كان معروف من قبل الكالشيو بولي وكان يحضر مباريات والتدريبات على عكس اليهود
4- ثناء دل بييرو وكابريني وبونبرتي وستفيز له , ولا اذكر ان واحد منهم اثنى على الكان
5- الرجال فاضي مهوب مثل الكان اخوان مرتبطين بمليون شركة


غير كذا ما يحق لنا نتفائل فيه بقوة , فيه حاجات بسيطة لو سواها ابرفع العقال ( زي عبدالجواد ) احتراما له:

1- مدرب على مستوى عالي له صلاحيات كاملة بالانتقالات ( ليبي + كابيلو + بينتز + براندلي )
2- يشوف حل لمشكلة الاصابات ويسوي علاج لها سواء الطاقم الطبي او الملعب ( انصحه يخش موضوعي ويستفيد منه )
3- يجيب مدير تعاقدات اطلق من سيكو او يجدد الثقة بسيكو ويعطيه فلوس
4- تهيئة الفريق نفسيا بالحضور الدائم للتدريبات والمباريات
5- حضور في الصحافة مثل موراتي وجالياني اللي دايم يصرحون بخصوص فرقهم مهو مثل الكان ما يصرح الا مرة بالشهر واذا سالوه الصحفيين
6- يضيف اللغة العربية للموقع الرسمي <-- علشان ننسخ ولاعاد نتعب بالترجمة


هذا رأيي والله اعلم