مسيكم بالخير يالعالمية

سلام مربع من اخوكم الجمهوري

اول باشتان / تراني ومالي دخل بمباراة البرشا والانتر

ولا لي ادنى علاقة بالزاحف مورينيو وجلنطاته .. ونظام ساهر ما يقصر

ثاني باشتان / طيب انت داير تقول شنو يالصخرة ؟؟

انا داير اقول شوية قرقر

واتمنى ان يتم تقييد القضية ضد مجهول زابن بالسانتياغو برنابيو

اقول وبالله التوفيق :

دوري الابطال هالسنة غير.. غير.. غير

لانه قدر يطلعنا من دوامة ( المان – البرشا – البلوز )

وقدر يرجّع لنا البافاري العظيم .. والانتر مع مورينيو اللئيم

.

.

انا بكل امانة متابع البايرن هالموسم.. ( اقول متابع وماقلت اشجع )

والبايرن هالموسم ماسك الرئيسي ويمشي الطبلون

بداية البايرن كانت ( مش قد كده ).. لكنهم صبروا على فان جال

الهولندي بتوليفة رائعة من روبن وأوليتش وريبري.. قدر يبعث البافاري من جديد

واهم خطوة سواها من وجهة نظري يوم يكرش الكارثة ( لوسيو )

وجمّد كلوزه وقوميز بالدكة.. وكان دائماً واقعي ويلعب بمخ نظيف

البايرن هالموسم مشعلل نار .. والبوندسليغا صارت ممتعة

البايرن وشالكه .. سباق محموم للفوز باللقب .. وانا مستمتع

البافاري ماشي صح وبالطريق السليم للبطولتين.. المحلية والخارجية

.

.

نجي للإنتر

مورينيو ياجماعة الخير انا عجزت اقتنع انه داهية كـ( مدرب )

لكن ابصم بالعشرة وارفع القبعة واجدع الشماغ ان شعبيته تتخطى شعبية أندية بكبرها

هالزلمه مطفي النور.. ويلعبها صح كل ابو دايم.. وماعمره طق خبر لأحد

يعرف كيف يخوض الحرب النفسية بخبث كروي رهيب

ويعرف كيف يوظّف اعلام الخصم ليصبح معه من حيث لا يعلمون

والله سخّر له ( شنايدر ) اللي فزع له اكثر من مرة وبيّضها قبل يجيب العيد

ومايكون وايتو وميليتو.. الشباب قايمين بالواجب وزيادة

.

.

الزبدة

نهائي الابطال جاء منصفاً هذا الموسم

ومن حقنا اننا نشوف بطل جديد.. قديم

ويكفي النهائي شرفاً وروعة انه سيقام على البقعة العظيمة.. معقل الملوك

وانا من ناحيتي راح استمتع بالبافاري.. وراح استمتع بزحف مورينيو

.

.

الشيء الوحيد اللي يحز في خاطري وخاطر كل مدريدي

( روبن ) البايرن .. و ( شنايدر ) الإنتر .. ليـش