| عبدالله . . ركز شوي الله يرضى عليك .. ماودي اقلبها لصراع قبلي واوروبي وانا اللي لاشميت ريحة برشلونه ولا هامتني هالسوالف ..
الحين وش المشكله بالضبط ؟ .. لاتنط ليي بحاجات جديده
التصاريح .. والوعيد ؟ اللي من لاعبي برشلونه .. لو شئ ثاني ؟
اذا قلنا التصاريح .. فـ اذا صرح لاعب من برشلونه .. على اللقاء بينهم وبين الانتر .. فـ مااعتقد فيه أي مشكله
مورينيو صرح في دور المجموعات .. بافوز عليهم في الكامب نو وباطلعهم من البطوله من الدور الاول .. وش زاد يعني بتصريحه ؟ ووش نقص ؟
يصرح لاعب برشلوني على الانتر والعكس .. مو احسن من انه يجيك غوتي ورونالدو يتفلتو وهم ماله امهم اي داعي او قضيه بالموضوع ؟
الصحيفه او النادي .. يحمسو جماهيرهم ! .. وين المشكله ؟ .. وش الغلط في الموضوع ؟ .. يعني جماهير الانتر لما استلمو تذاكر المباراه في ايطاليا كان مكتوب على التذكره .. بشويش في ناس يلعبو تحت ؟
---
تواقيع ؟!
وش فيها لو حط برشلوني توقيع .. عن مباراه قادمه لفريقه ؟ مو اي مباراه .. نص نهائي التشامبيونز ليغ
انت ماحطيت توقيع عن الكلاسيكو مثلا ؟ غيرك ماحط عن الكلاسيكو ؟
في دور المجموعات .. في واحد قال لو تشوف ياحسين التواقيع الا على مورينيو بتعرف ليه نتكلم عليه .. طيب خلي العالم تحط توقيع عن مورينيو ؟ وين المشكله ؟
---
تعامل النادي مع النتيجه النهائيه ؟
لو تلاحظ من كلامي .. ماتكلمت عن الرشاشات .. لأني مادري وش الا شغلهم ولا ادري ليه مشغلينها ولا انا مدافع عنهم فيها .. مخلي الشئ على جنب وعاطينك حق الانتقاد فيه
بس حركة فالديز وش المشين فيها ؟
انت قلت انها مباراة دوري ابطال .. والشي له وزنه ووو .. صح ؟ حلو
هل فالديز راح تضارب ؟ .. هل اللاعبين راحوا تعاركوا مع احد ؟
ترى اللاعبين والمدرب .. راحوا حيوا لعيبة الانتر وبكل روح رياضيه
فالديز كل الا سواه خلى مورينيو يتباعد عن جمهور برشلونه .. ومااعتقد طلع كلام انه فالديز شتم مورينيو او شئ
طيب كلنا عارفين انه هالأوقات عاطفيه .. ولاتدري وش يصير مع استفزاز مورينيو .. فيها شئ لو وقفه فالديز ؟
هل تشوف فالديز بعدين سوا مشكله ؟ ابد جوا اداريي الانتر وماصار شئ ..
تقول لي بطولة تشامبيونز وانها حدث مهم ؟
طيب .. خذ امثله لاحداث مختلفه ومهمه .. في كاس العالم .. الارجنتين اظن مع المانيا صارت بينهم بلاوي في 2006 .. الانتر مع فالنسيا في التشامبيونز قبل كم سنه .. الاسبوع الماضي او اللي قبله بالاحرى .. روما ولاتسيو في الكالتشيو .. لعيبة مانشستر وتشيلسي اظن في نهائي التشامبيونز او في بطوله ثانيه صار بينهم ملاقط
عادي .. مااشوف كلام طلع على انه اذا مانفوز بنخرب ومادري ويش ؟
طيب .. غير هذا كله .. وبما اننا في الانتر والبارسا .. في الذهاب طلع كلام عن ارضية الملعب ومادري ايش وكانت بأوامر من مورينيو [الصراحه مانا ذاكر الكلام بالضبط لأني ماكنت مركز مع الشي من الاساس] .. ماشوف طلع كلام منك او من الا في صفك حاليا على انه شئ عيب او شي غير اخلاقي او او
---
جماهير برشلونه .. ممكن لها مواقف تحسسك بانها سخيفه .. اوكي براحتك .. ويحق لك .. بس مومعناتها مالها مواقف ايجابيه عديده .. ومايحضرني حاليا الا لقائي ليفربول في 2007 والتنظيم الرهيب الا صار بين جمهوري الناديين في لقائي الذهاب والاياب
انا هني عايش .. ولا ادري عن كل مخلوق هناك .. بس متأكد وشفت .. حالات كثيره ايجابيه من جمهور الكامب نو .. واذا طلعت منهم اشياء سلبيه .. فـ هم موبعيدين عن اي جمهور ثاني اوروبي .. لا دين لا ديانه لا قيم ثابته .. كل واحد ماشي بحال مخه
ماسوو شئ في الملعب .. راحوا سوو شغب .. ماسوو شغب .. راحوا سوو قصه ثانيه ..
كلو سيم سيم يعني .. انا مابتصيد على جمهور كل فريق الحين .. بس متأكد طلعت اشياء عديده من جماهير ثانيه .. ممكن تختلف الحادثه .. بس مايفرق شئ في النهايه .. كلها اشياء موحلوه لصورة النادي اجمالا
---
مورينيو حالته خاصه لأنه قبل لا تدافع عنه .. انت تدري انه بايعنها وخالص .. وزي مايقول للناس .. فـ هو يستقبل مثل الكلام وينرد عليه زود
---
الا صار على سوالف بعثة الانتر .. فـ انا كل الا قلته الكلام منفي .. وطالع من ناس تبع بعثة الانتر .. المصدر عاد .. كلهم نفسي الشي بالنسبه ليي .. المصدر الايطالي بيحط شئ لصالح ولد بلده والاسباني ومثل .. جبت ليي فيديو .. كثر الله خيرك .. لكن رديت عليك قبلها .. وقلت لك كم واحد سوو الشئ اصلا ؟ هل كل المدينه راحت لعند فندق الانتر ؟
---
يعني خلاصة الشئ مايدخل العقل لما اعمم نوعية ردودكم بهالطريقه | 