نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الاعلام الأصفر يشحن لاعبيه بطريقة جديدة..وفيصل بن تركي يعلن التحـدي التاريخي لهزيمة الهلال "بالثلاثة"! والصرامي أعلن فوز النصر بأهداف غالي! والجماهير؟

STS2005 · #10 29/04/2010, 05:14 PM

إقتباس

الرسالة الأصلية كتبت بواسطة ~ احترآفيـــه..!


	اعذرني يا عزيزي لكن ليش التشنج ! انا ما قلت لا يفرح الجمهور وحرام عليه الفرحة ، بالعكس أنا شخصيا فرحت فرح غير طبيعي بالنتيجة.. ولكن أن تلقي النتيجة بظلالها لحين ليلة المباراة القادمة فهذا أكبر خطأ .. الجمهور من حقه يفرح لكن بشرط ما يتعدى المعقول لأن للحين مافيه شي محسوم .. واذا خسر الهلال لا قدر الله وش بتفيدنا الخمسة .. مسألة أني احول النتيجة لـ 2-0 .. فهذي ما فيها نكران لمجهود اللاعبين .. ولكنها النتيجة العامة اللي رح تبدأ فيها المباراة القادمة ..ولأنك بالفعل لم تفز خمسة صفر حتى اقولك ان الخمسة صافية.. الهلال مثل ما هدّف خمسة استقبل 3... وهذا ابسط دليل وعذر اننا من حقنا نخاف المباراة الجاية .. لأن النصر مطلوب منه 3 اهداف .. وهو بالفعل حققها بظرف 20 دقيقة .. رفعت من معنوياته وحسسته ان قادر على الكسب ومافيه شي مستحيل في كرة القدم من حقنا نخاف ولازم اللاعبين يخافون..لأن الخوف هو منبع التركيز والانتباه والحذر.. اما انك ما تخاف وضامن النتيجة هذا دليل على استهتار بالخصم عشان يتأهل الهلال لازم يدخل المباراة بحذر ويحط براسه الثلاث الأهداف اللي ولجت مرماه بدقائق قليلة... ولولا الله ثم الهدف الخامس كان يمكن انت طالع متعادل الحين تبي الصراحة عاد .. لدي الثقة باللاعبين.. ولكن حاليا وبهذي الظروف ليس لدي ثقة بالجمهور .. وبما ان الجمهور له أكبر التأثير على اللاعبين ..فمن حقي اخاف وأتخوف.. عموما ..وقت المباراة رح يبين كل شي ورح تبين نفسية اللاعبين بعد الأفراح الطويلة لأكثر من اسبوع واتمناها هلالية من قلبي شكرا على مرورك

والله مدري كيف منطقك ..

اهم شي هو الثقه في اللاعبين لان هم اصاحب الكلمة في الملعب اما عدم ثقتك في الجمهور لا اعرف ما المقصود منها .. هل الخوف من عدم حضوره للمباراة مثلا؟؟

واللاعبين مهمتهم هي اسعاد الجماهير وهذا بدوره يكون فيه رفع لمعنوياتهم لتكرار الانتصارات والأداء الرائع و نجوم الهلال لاعبين محترفين ولهم فكر وثقافه وتجربه في مثل هذه المباراة لأنهم بكل بساطه من عاش لحظات المباراة السابقه بكل دقائقها داخل الملعب .

ومن ناحية ان الخوف اساس التركيز هذي المعلومه اول مره اسمع فيها في كرة القدم المبنيه على التحدي والثقه في النفس لأن الخائف (جبان) في مفهوم كرة القدم .

إقتباس


	عموما ..وقت المباراة رح يبين كل شي ورح تبين نفسية اللاعبين بعد الأفراح الطويلة لأكثر من اسبوع

مهما اختلفنا في وجهات النظر المهم يفوز الهلال ان شاء الله ويتأهل .. ولا تخافين ماراح نزعل عليك اذا فاز ونقول انك بالغتي في الخوف .

والمره الجايه ان شاء الله بنحدد عدد ايام الفرح .

مع التحيه والتقدير .