نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رسالة إلى جمهور ابو ريــاليـــن واللي فيه منهم هنا يدخل او هلالي يدخل ويفهم ما اقوله .. رجاً جمهور ابو ريالين برااااا بمعنى الكلمه برااااا

Azo_3 · #1 28/04/2010, 03:23 PM

مساكم الله بالخير .. بدون مقدمات او اي شئ ..

بعض الجماهير هنا اذا فاز الهلال قالوا هذا افضل فريق بالعالم ..

واذا خسر الهلال قالوا هذا افشل فريق بالعالم .. ويطالبون بعض اللاعبين بالاعتزال .. من بينهم الكابتن الكبير وحارس القرن الاسيوي وعميد لاعبي العالم / محمد

الدعيع

همسه في اذنهم : بالله عليكم استحوا على وجيهكم .. روحوا شجعوا فريقكم وخلصونا من هنا ..

ياناس والله عيب عليكم اقسم بالله عيب هالحين شوفوا على سبيل المثال / الاتحاد يوم فزنا عليه 5/0

وهم في الدور الاول ويمديهم يعدلون ما تكلمو عن اللاعبين او اي شئ وهم في مباراة قويه الخمسه .. صح . طيب قدر الله وماشاء فعل ..

والنصر بعد يوم فزنا عليهم 5/3

ماقالوا اي شئ احمدوا ربهم وقدر الله وما شاء فعل

يعني ياناس ياعالم الى متى مثل هالكلام ؟ اذا فزنا طرتوا فوق .. اذا خسرنا رحتوا لأحد نجوم الفريق وسبيتم فيه ..

وبعدين مثل ماقال احد الاعضاء هنا ما اعرف اسمه صراحه ويستحق الشكر .. قال الدعيع هو اكبر واحد في البعثه بعد احمد خميس وواضح عليه التعب وهو شايل امور الفريق كلها

هالحين ماتحمدون ربكم ان فيه حارس بناديكم مافيه مثيل له في اسيا ولا في العالم ؟؟

وشفتوه بالدوري وش سوا ؟؟

انا اقول هذي رسالة إلى جمهور ابو ريالين رجاً برا روحوا شجعوا فريقكم وبس ما حنا ناقصين تجون هنا تخربون وتحرضون اللاعبين على الاعتزال ...

لكن على العموم يضل الدعيع كبير الكره السعوديه والاسيويه واذا التفت وسمع كلام هؤلاء كان ما شفته متربع على صدارة الحراس الاسيويين وعمدة لاعبين العالم

وستظل كبير يابوعبدالعزيز مهما كان الامر وما عليك من جمهور ابو ريالين ..ان شاء الله يفكنا الله منهم

ارجوا اني كنت على حق ولاتزعلون مني ياجمهور ابو ريالين لانني قلت لكم روحوا لفريكم الحقيقي ماهو تجون هنا وتخربون ..

ملاحظة / رجاً اللي ما اعجبه كلامي لايرد .. ولا عاد يشجع الهلال ويروح لناديه الحقيقي