^^

حياك ربي واحييك على روحك العاليه .. وان شاء الله الحوار ما يصير بيزنطي

دييقو بمباراة امس ماهو دليل ولا مقياس كلامك صحيح خاصه ان الفريق مقابل ماله طموح بالمباراة هذي !!

لكن حنا نبي نتكلم عن الايجابيات بالوسط والفريق وعلى قولتك الوسط قدم كوره سهله وبسيطه وهذا المطلوب ...

الوسط امس ... كامو ، بولسن ، ماركيزيو ، دييقو

تقريبن على هالشكل

بولسن
ماركيزيو ،،،،،، كامو
دييقو

او
بولسن.. ماركيزيو
دييقو ........................ كامو

وهي طبعن ماهي ثابته تتغير حسب مجريات المباراة لكن الثانيه احيانن تكون اقرب ..

لو لاحظت الوسط ثنين منهم نزعتهم هجوميه وثنين نزعتهم دفاعيه مع انه ماركيزيو نزعته الهجوميه زينه ..
+
مهاجمين قدام

المحصله 2 هجوم +2 صناع نزعه هجوميه + مسانده احياننا من ماركيزيو + 2 اظهره = 7 لاعبين يساندون بالهجمه لو ماهو كلهم ببعض الهجمات ..

هالتشكيله نفسها تقريبن بدا فيها اليوفي الموسم وكان الفريق قدم مباريات ممتازه وكان ينافس على الصداره قبل مسلسل الاصابات

لين تغير اللعب وصار يلعب الفريق بثلاث محاور ثابته وصانع لعب وحيد

---

لو تذكر نفس العدد من اللاعبين بايام يوفي 2006 .. نيدفد ، كامو + ابرا وتريزي + فييرا يساند بالهجمه وسجل اهداف حاسمه واعتقد انه سجل 6 اهداف بالموسم هذاك + 2 اظهره = 7 لاعبين

مع انه فيه فرق بين كل اظهرتنا الحين وبين زمبروتا لحاله !!!

لكن الي ابي اصله ان نيدفد مثلن كان يلقى حلول كامو + فييرا + مهاجمين + المصري ( امرسون )

وكامو اول افضل 1038208 مره من الحين ،،، وابرا وتريزي افضل 439054545 من مهاجمينا الجين وبرضه نفس الحكايه الاظهره

ومع ذلك كابيللو لعب بثنين صناع لعب ومهاجمين ومحور له نزعه هجوميه واظهره مميزين هجومين .،

يعني نيدفد ما كان يواجه الصعوبه الي يواجهه دييقو الحين !!

ما فيه ظهير يمكن يشكل خطوره حاليا باليوفي ،، ولا كامو ولا محاورنا ... فيه عقم هجومي بالفريق

ما بين شيبان وما بين ناس ماهم كفاءه

يعني بوجهة نظري لو اني مكان زاك ،، العب بمحورين بس واحد ثابت والثاني متحرك

مثلا :

بولسن ... ماركيزيو

كاندريفا .. دييقو .. كامو ( جيوفنكو ، ياقو ، روسي ، اي بزر مهاري )

ياكونتا ( تريزي ، اماوري )

يعني لو اجتمعو هاللاعبين بالوسط ممكن افضل من وجود 2 من المهاجمين المعاقين ... معاق واحد ولا ثنين !!

ياقو عنده لمسات رائعه وشفناه بالوديات بس اعاروه ومادري موجود الحين ولا للحين معار !!

يعني لاعب صغير عطه الثقه دام ماعندك لاعب جاهز !!

الادراه تمشي على خطط الاداره السابقه مع انه فيه فروقات !!

يوم ادارة موجي تعير الشباب كان فيه نجوم جاهزين ،، اما الحين مافيه لاعبين ليش تعيرون الشباب ؟

---

الفريق ايام فيرارا كنت دايم اردد واقول اتمنى اشوف الفريق يحتفظ بالكوره 5 دقايق بس !!

تحسن الفريق نسبيا مع زاك وجية كاندريفا ،، لكن رجع زي اول يوم رجع زاك لنهج فيرارا ..

ادري اني شطحت بسالفتنا ... بس الي ابيه يوصل هو ان الفريق مافيه توازن بين الدفاع والهجوم ..

ماعندك هجوم زين حط وسط مهاجم دام عندك لاعبين ممتازين وحاول تحتفظ بالكوره قد ما تقدر وكثر الدق يفك اللحام

ودييقو لحاله ماهو مسوي شي ،، حط معه ناس تتحرك زي وسط فيردربريمن وتشوف لمساته ..

...

يعطيك العافيه يا 9_Ibra على التعليق ..