الأخ / أبو ناصر . . . هلا والله وغلا

كلامك يالغالي روعة وبخصوص الخصخصة أسمحلي بعد أذنك بهذي المداخلة للتوضيح .
أنا على ما وصلني من أخبار . أن الوضع ما راح يكون بيوم وليلة ويحتاج لسنوات ولقرارات ولقوانين لدراسة المجالات المتاحة بهذا الخصوص .
أبو ناصر مع أحترامي الشديد لغيرتك وطموحك اللي هي طموح أي واحد هلالي يفكر بعقلانية سليمة ويتمنى كل الخير لنادية ويمكن أكون أنا الثاني من هؤلاء يعني أقصد بعدك على طول , ولكن أن جيت للحق الخصخصة نظامها يبيله وقت طويل للصالح العام وهذا المتبع لأن النظام في الخصخصة ( طبعا بحكم ما أنا عليه في مجال العمل ) يطبق على الجميع بحكم أحكام المملكة دون إستثناء وتخبر ميزانيات الاندية ما هي وحدة هذا شي والمجالات الإستثمارية غير كافية للنوادي والنشاطات الرياضية مازالت مقتصرة على لعبة أو لعبتين فقط .
أنا مدري لكن أتمنى أني قدرت أوصلك شي من اللي في بالي لأن لو بشرحها بتفرعاتها راح تاخذ مجال أوسع ودي أشرحها لك بطريقة أوضح لكن مدري هل وصل اللي بقولة في هذا الرد .
عموما إن شاء الله تدرس وهذا ما أتمناه أنا مثلك وتتحقق على الوجه المطلوب أهم شي لأن السلبية فيها ما لها خيارين مالها إلا خير واحد فقط وهو وقوع النادي بجميع نشاطاته .
ويمكن الشركة الراعية لكأس العالم للأندية ما حث لها يسمى فرع من فروع الخصخصة والجميع عارف وش اللي حصل فيها بعد ما أوشكت على البدأ في البطولة خسرت التمويل المقتصرة عليه .
عموما يضل ما ذكرت لك يالغالي وجهة نظر وقد أكون مخطئ فيها لكن هذا قد يكون الأقرب لها من الأسباب التي لما تجعل الخصخصة تأخذ مجراها في نوادينا .
هذا وأتمنى أن أكون قد وفقت في وصول ما لدي من معلومة لك يالغالي شاكر ومقدر لك هذا الموضوع الرائع والله يوفق الجميع لكل ما فيه خير وصلاح .

مع أطيب تحية , , ,