| ألف مبروك الفوز والنقاط الثلاث ... المهمة اكتملت والانظار والتركيز راح يكون كله على مباراة الانتر .
الفريق في الشوط الاول لا تعليق ... اعتماد على المهارات الفردية للاعبين ماشفنا فيه اي انضباط او تكتيك وخاصة في الدفاع ، ويكفي هدفهم الاول كرة مقطوعة من توريه وفي اللقطة خمس لاعبين على خط واحد في منتصف الملعب وخلفهم مدافع واحد اللي هو ماركيز .
في الشوط الثاني مع دخول ميسي وبيكي تحسن الوضع كثير وخاصة دخول بيكي اعطى توازن وثقل في الدفاع بعد الحفلة والشوارع اللي كانت موجودة بوجود ماركيز وديمتري وميسي مجرد دخوله جمد لاعبي خيريز في الدفاع ومنعهم من التفكير بالتقدم للهجوم .
توريه اللي اخذ اليوم دور صناعة اللعب اكثر من تشافي مع الحارس فالديز هم ابرز نجوم المباراة ، وبعدهم هنري اللي قدم مباراة جيدة وخاصة في الشوط الاول .
ماركيز وديمتري اكيد انهم سيئين في مستواهم ، لكن على الاقل ديمتري يتميز بشكل كبير في تغطية وقطع الكرات العالية حتى في الشوط الثاني مع دخول بيكي تحس انه تحسن مستواه وصار يلعب بثقة أكبر بجنب بيكي ، اما ماركيز اللي يعتبر صاحب الخبرة في الفريق ومشاركته اكثر في المباريات ما ادري وش الفائدة او الثقل اللي يقدمه لما يكون حاضر في المباراة .
عموما مبروكين على الفوز والمحافظة على فارق النقطة في الصدارة ، وان شاء الله تكتمل الفرحة يوم الاربعاء . | 