مشاهدة مشاركة بصفحة مستقلة
  #1  
قديم 23/04/2010, 02:37 AM
الصورة الرمزية الخاصة بـ J.COLE
J.COLE J.COLE غير متواجد حالياً
زعيــم نشيــط
تاريخ التسجيل: 06/11/2008
مشاركات: 773

^

مستانس واللهـي بهالنقاش وإن كان يغبن

قبل ما أعلق وأقتبس أي شيء .. عذراً تلخبطت عندي الأمور بالنسبة لـ هالموسم والموسم الماضي في نقطة المـرض .. وبالفعل مثل ماتفضلتي ان الأجواء هي اللي كانت السبب في انسحابه والمرض هالموسم

عذراً عن هالخطـأ .. وشتشتة الأفكار لخبطتني


إقتباس
اول شي نـول مآيقآرب اسلوبه اسلوب فيدرر في اللعب من وجهة نظري المتواضعه

هالكلام ماجبته من مخـي .. كثير من الجمهور والمحللين شبهوا النول بِـ فيدرير وخصوصاً بعد مونتريال 07 بالإضافة إلى ان الأغلبية من الجمهور والمحللين إذا ذكروا فيدرير يذكرون النـول معاه بحكم تقارب الأسلوب .. وأنا أأيدهم في هالشيء

إقتباس
ثاني شي يا اخوي يآ محمد وش تسمي لعب نول اما فيرداسكو في ربع نهائي مونتي كارلو؟
اذا كآن مو مزاجيه اجل وش يصنف ..

أظن إني تكلمت عن هالنقطة ... هالموسم النـول تركيزه متفاوت مابين المباراة والثانية .. وطبعاً لمّا يدج اللاعب فجأة في مباراة مابين مباريات كويسه , هذا مو معناته نفسيه ولا غيره

أجل إذا على كذا فيدرير ونادال المصنفين الأوائل في النفسيه , وإلا لايكون بطولاتهم هي اللي تخلينا ننسى أو بالأحرى نتجاهل

1 - نادال في باريس 07 قدم مستوى جداً متميز إلا أنه طلع في الفاينل من أمام نالبـي بأداء أقل مايقال عنه سيء ونتيجة ماأحب إني أذكرها

2 - نادال في ميامي 10 قدم مستوى معظم الجماهير قالوا بأنها تبي بطولة العودة للماتادور إلا ان قدم مستوى " كخه " أمام روديك في سيمي فاينل

3 - فيدرير في الرولان 08 كان أداء بطـل ولا يُعلى عليه , وعلى الرغم من ذلك إلا انه فاجأ الجميع بمستواه المتواضع في الفاينل أمام نادال وبنتيجة مخزية مستحيل ينسونها جمهوره

4 - آندي في أستراليا 10 قدم مستوى خيـالي ومازلنا نذكره كويس , إلا ان يوم وصل الفاينل دج دجة غريبة وخسر بنتيجة لاتليق بأدائه

وبعدين لحظة .. النول مستواه مش خرافي أبداً في البطولة , وإذا أنا أثنيت على النول ورفعته للسما , هذا مو معناته ان صاير زقرت مرة , لا طبعاً أنا مدحته لأني أنظر لمستواه كـ مقارنة لمستواه في بطولتي أمريكا , لأني بالفعل أشوف أداءه تصاعدي بشكل واضح


إقتباس
للعلم ان نول واجهه خصم اقوى من فرداسكو

نالبي أقوى مونتانيس في البطولة ؟ ياليت والله

نالبي راجع من إصابة وإلى الآن ما استعاد ولا نصف مستواه , فَـ كيف تقولين لي نالبي أفضل من مونتانيس .. الأرقام مالها شغل في مثل هالأوقات , مونتانيس محد عرفه إلا على التراب وإلا هو على الصلب الوكاد ينطرى !


إقتباس
وكان نآلبي لكن لانه مركز ويبي يفوز فآز عليه وختم المباراه بساعه وشوي

معقول النول فاز في المباراة لأن فقط مركز !!!

نالبـي كان داج في المباراة , ومتأكد مليوون في المئة ان أداءه اللي قدمه امام النول أقل بكثير من أداءه اللي قدمه أمام تومي وتأهل إلى ربع النهائي من خلاله .. صحيح النول كان كويس وبطل في المباراة لكن برضو ساعده بشكل كبير أخطاء نالبي المباشرة اللي كانت بهالبل .. وسبق ذكرت هالنقطة وأكدت عليها بعد المباراة مباشرةً


إقتباس
فرداسكو يلعب مع اسباني مغمور ويقدر يحرجه ع الاسباني وطق الساعتين

مغمور ! يحرجه !

مين المغمور ؟!
مونتانيس ؟!

إذا مونتانيس مغمور .. أجل مين المغمور ؟!

مونتانيس لاعب خبـرة قديم .. احترف 99 , وتقولين لي لاعب مغمور


إقتباس
المعروف ان اكثر لاعب يرهق نفسه بـ البطولآت والتمآرين
ومع ذالك لعبه دفاعي بحت ويقاتل ع كل نقطه هو رافا موب عشان اشجعه بقعد اقارن بينهم
لكن نول موب اكثر آرهآق من رافا مع ذالك نشوف مقاتله من رافا وحصد لبطولآت ونول
لآ بردآ وسلآم ع قلبه


حتى وأنا مدري من تشجعين , راح أعرف انك تشجعين نادال دايركت

أعيد وأكرر الكل ينظر للنول بمنظور اللاعبين الثانيين

لا طبعاً عشقها مو هذا المعروف , وإذا على ان اللاعب يشد حيله في المباراة ويقاتل كثير , لا مو نادال
دافـي , روديك .. فقط اللي تطلع روحهم في المباريات , والمعروف عنهم عن دفاعهم لا يُعلى عليه وتحركاتهم بطلة بطلة بطلة على حدود الملعب ويغطون على نادال بعد باستثناء التراب

بس لحظة .. كيف حكمنا على النول ان مايقاتل على البطولات ؟!!!

على كل اللي سواه في الموسم الماضي وكل هذا مايقاتل على بطولات , يعني لازم تكون بطولاته كثيرة عشان أتأكد ان يقاتل على البطولات أو لا

5 نهائيات ماسترز ! وكل هذا مايقاتل على البطولات !!

مدري هل تابعتي مباراة الربع النهائي أمام الأسطورة في أستراليا هالموسم .. هذي مباراة يضرب لها المثل في القتال .. رغم الإصابة إلا أن كمل إلى النهاية .. أحد أكثر المباريات اللي انغبنت عشانها وأنا كـ جمهور , فما بالك هو !!

طبعاً هذا أقرب مثال وإلا الأمثلة كثييييرة الوكاد تُحصر


إقتباس
بآلنسبه لـ بطولة مدريد الاثنين نـول ورآفـآ في ربع النهآئي كآنوا مصآبين في نفس المبآرآه
واذكر تفاصيل هـ المآتش عدل وكآنت البطوله من نصيب فيدرر ..

يُرجى عدم الجمع .. النول ماأصيب , لكن اتضح عليه الإرهاق , المباراة طولت وما كانت راضيه تنتهي , وطبيعي يُصاب بالإرهاق .. نادال فقط كان المصاب

وعلى فكرة , كانت في سيمي فاينل وليس كوارتر

وبطولة مدريد .. يُرجى عدم إعادة النقاش فيها , نقاشها لا يودي ولا يجيب .. ومع الأسف رغم ان أرقامها تدل بشكل كبير عدم أحقية نادال بالتأهل , إلا ان الجميـع يصر ويبصم ان هو الأحق

واحنا ذلحين مش في صدد النقاش حولها , بطولة وانتهت


إقتباس
تدري متى حسيت نول يبي يفوز في مباراه صح ويبي يآخذ لقب صح راجع مباراته في
نهائي المبياد بكين مع رآفـآ ورآح تعرف وشلون مزآج نول صح ..

لأن قام يصيح في نهاية المباراة !!

يعني لازم يسوي فيها يبمبع ويصجنا بصياحه ويسوي فيها مناحة عشان تحسين ان يبي يفوز

يعني كل المباريات الثانية ماعمرك حسيتي ان النول يبي يفوز .. أجل فاينل باريس أمام مونفيس , أبداً ما كان يبي يفوز ها ! على هالزقاع ومايبي يفوز

عذراً عشقها , أنتي بكلمتك هذي تبخسين النـول حقه

وعلى فكرة المباراة في سيمي فاينل وليس فاينل


إقتباس
محمد معليش اذا بنحط عذر كل لاعب الارهاق ماصار تنس اجل هو داخل هـ اللعبه وعارف
انه راح يتعرض للآرهاق وللاصابات ومع ذالك نرجع نحط عذره الارهاق ..
رآح نعذره فقط اذا اصيب اما عذر انه مرهق اجل يعتزل تنس ويستريح ويريح رجله ..
لانه عذر اقبح من ذنب بالنسبه لي ..

يعني عذر الإرهاق في التنـس غير مقبول !!!!!!!!

إذا في كرة القدم اللي تعتمد على فـريق كامل في 22 لاعب , وتتعذر بالإرهاق , أجل شلون التنس اللي مبارياتها لاحدّ لها وبطولاتها لا حصر لها !!

طيب طيب

نادال كيف جاته الإصابة اللي خسرته التصنيف ؟!
مو من الإرهاق ..

فاينل أستراليا - 4 نهائيات ماتسرز - ربع نهائي ميامي - فاينل ATP

طيب وشتسمين حواق اللاعبين الكبـار في باريس بشكل مستمر ؟!
مو لأنها نهاية الموسم وطاقة اللاعبيـن صارت في الحضيض

قسم حتى لو مكاين تعطلت

لكن إذا هذا رأيك .. فَـ عذراً أنا ماأقدر أضيف أكثر حول هالنقطة , لأني تعذرت بالإرهاق كثير للنول ,


إقتباس
رودريك و فيرير وسافين .. معليش محمد التنس تطول مآعآدل ارسال ساحق وانقز
ع الشبكه واطبقها ع جنب وتاخذ نقطه اتحدث عن رودريك واسلوبه المعروف للجميع
فيرير واسلوبه القديم اجلس ادافع لين يغلط آلخصم واستفيد منه واخذ نقاط ..

الله وأكبر أحين هذول هذا اسلوبهم !! أجل ليه نادال مافاز على روديك في ميامي دام هذا اسلوبه , بحكم ان نادال يعرف يتصرف مع اللي اسلوبهم كذا , والدليل كارلوفيتش في أستراليا هالموسم كـ أقرب مثال

وبعدين بالنسبة للدفاع .. عذراً عشقها يفترض انت آخر من يتكلم عن هالسالفة

نادال في مدريد أمام النول 09 + نادال في باريس أمام ألماجرو 09 + نادال في هامبورغ أمام فيدرير 08 + نادال أمام النول في الأولمبياد + نادال أمام فيدرير في أستراليا 09 + نادال أمام النول في سيمي فاينل هامبورغ 08

قولي لي كيف فـاز بهالمباريات غير بالأسلوب الدفاعي وانتظار الخطأ المباشر من خصمه ؟!
طبعاً هذا المباريات اللي تحضرني

تغلطين على النول .. أوكي ماعندي مشكلة

لكن سافين لا وألف لا

عموماً عشقها .. في هالنقطة بالذات أنتي أسأتِ الظن كثيييير في هاللاعبين , وطبعاً أنا أعذرك لأن هاللاعبين في الموسمين الأخيرين ماعدنا نشوفهم مثل قبل وطبيعي تقولين عنهم هالكلام بحكم انك ماشفتي لهم الشيء الكبير المعهود عليـهم في عزهم

فـ منيب حاب أهذر حولهم رغم إن ودي أطري سافين بأي شيء ..
وعلى فكرة لمّا يكون اللاعب وصل لمرحلة متقدمة في العمـر وتكون مبارياته مرة فوق ومرة تحت هذا مو مايُسمى مزاجي أبداً وذكرت هالنقطة في ردي .. ولمّا يكون اللاعب عصبي ومتنرفز طول المباراة ويكسر المضرب طول الوقت وتخونه كم نقطة وتفوته كم مباراة هذا مايُمسى مزاجي أبداً وإذا كان بالفعل كذا كان الأسطورتين " ماكنرو + أجـاسي " أول المزاجيين في تاريخ التنـس


إقتباس
ونول لاحقهم بـ الطريق ..

يلحقهم في الدجّة ! يعني بعد مايتقدم فيه العمـر

عادي .. أصلاً وقتها ماراح أتكلم عنه , لأني عارف عذره وعارف ان لايُلام أبداً .. وسبق إني ماكنت أتكلم عن سافين بعد ماكبر وشفت ان أداءه مابين توب إلى زفت , وهذا طبيعي جداً للاعب التنـس , ومو ضروري يكون كل اللاعبين مثل فيدرير وأجاسي وسامبراس بحيث ان يتقدمون في العمـر ومايأثر هالشيء فيهم .


//

إقتباس
لا اااا وبقوه بعد

اهم شي دخلت عرض

يازينك بس
الحمد لله ردي ماراح هباءً منثوراً


//

إقتباس
لاعبي المفضل بعد مارات سافيين


سافيـن .. اووه في أحد يشجع سافين غيري

على فكرة اخوي .. لاعبك المفضل الأخ تسونجا هذا شخص مكروه عندنا في الرابطة ويُلقب بِـ " الأسطورة " , لأنه شين اشوي

حياك أخوي


//

إقتباس
تأهل تسونقا إلى
الدور ربع النهائي من بطولة
برشلونه

ضحكتني هالمباراة , أفضلية الأداء تحسب لِـ ألماجرو أكثر .. لكن مجموع الأشواط تسونجا أكثر ويفترض ان مجموع النقاط يكون كبييير بين الاثنين بحكم ان المجموعة الثانية فاز الأسطورة 6/1

مع ذلك كان مجموع النقاط بينهم مايتجاوز الـ 7 نقاط !! فعلاً شيء غريب ومضحك

اي صح بالنسبة لهالبطولة اللي أخيراً سنعوا أرضيتهم .. تأهل فيرداسكو فيها كان بالحظ عيني عينك مع الأسف , ميلزر كان الأحق وهو الأفضل لكن الحظ كان له دور كبير في تأهل فيرداسكو

عوافي ريسنا على هالمجهود


//

إقتباس
عادة أنا لا وظيفة كثيرا عندما أكون في المنزل ولكن اليوم هو يوم حزين وأراد أن أطلعكم على مشاعري. أنا سمعت بعد ظهر اليوم عن الأخبار السيئة من جون انطونيو سامارانش ترك لنا. هذا هو خبر حزين للغاية بالنسبة للعالم الرياضة. وقال انه رجل عظيم وشخص قريب جدا لنا جميعا.

طيب مين هذا ؟!
الترجمة غير واضحة


اخر تعديل كان بواسطة » J.COLE في يوم » 23/04/2010 عند الساعة » 02:56 AM