نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - مالها داعي ياياســر .. اخوانك وتجرح مشاعرهم ... فايز المالكي وطارق العلي يعتبون ع أداراة الهلال ... شطحه ونكته لاتفوتكم ههههههههههه

بجاد الحربي · #1 22/04/2010, 03:24 PM

السلام عليكم ورحمـــة الله وبركـاتة

أرحبوا كلكم .. ورجاء خاص كل واحد ينثبر مكانه ويقضب أرضه. لا أحد يقوم ويقول لي خشمك !

يالربع خشمي وانا حر فيه . لا أحد يقول لي يمناك نعنبو داركم ترى الكلام البايخ هذا ما أحبه.
يرحم أم أمكم فكوني من هالرسميات ترااها واصله معي ,
كل واحد ينطق ورى شاشة كمبيوتره ولاب توبّه، لا أسمع نفس خلوكم مثل طلاب رابع جيم
لا دخل عليهم مدرس العلوم المصري العصبي!!>>>>متأثر بعادل السيد >>> سقطني عباطه هو وريحة فلافه على
الصباح لا وكان لابس طيحني خخخ قبل 14 سنه اول من اكتشف طيحني هو !!

وش قصــة الهلال في سنــة 2010 ؟؟

وش سالفتــه مع الخمســات ؟؟

يعني ياهلال ماتستحي على وجهك !! ليــة ماتفوز ياستــه ولا أربعه ع الأقل !! ماسكــه ع الخمسات
وش السالفــة ؟؟ مسوي فيها يازعيم أنك تبي تعدل بين الأنديــة ولا أيــه ياعمي !! ههههه احبك ياهلال

ويالبى رومانيا وام رومانيا وابو رومانيا

ومعروف في علم النفس سيكيولوجياً أن ميريل رادوي لما شاهد جمهور الزعيم بكثافه
يرتفع عنده الهرمون المنشط فـ يخش على "الطحال" مما يؤدي الى تغير فيزيائي يعقبه انحسار
بيروحيوكيميائي فـ تنفجر المعده (ياساتر)!!
اقصد تنفجر الطاقه داخل الجسم الهادي.. وتنتقل بالتالي نحو المحيط الهندي!!
وهذا مايفسر اكتشاف النفط وتحلية ماء البحر (( فهمتوا شي!؟! ))

الزبده ( يالبى رومانيا ويالبى جمهور الزعيـــم )

يعني يارادوي انت جاي من رومانيا لابد احترام المنافس وتأكد ان الصاروخ الذي رميته واطلقته
في زاويه 90 تأكد ان لايمثل السعوديين بل يمثل رومانيا وللأسف يارادوي طحت من عيني
اول مباراة وطأت قدماك الرياض لعبتها امام النصر وسجلت هدف سينمائي ولازلت تواصل العطاء
لكن الصاروخ هذا هههههههههه قويه ياميريل رادوي والله قوووووووووووويه

يقول أحد الرومانيين :
من فنون المعارك العسكرية أن لا تجهز على خصمك مرة واحدة بل تلذذ بتعذيبه وعندما يوشك
أن يموت يجب أن تعيد له بعض الأمل في الحياة وعندما يظن أنه عادت إليه الروح فقط ماعليك
إلا ان تجهز عليه بصاروخ ( روماني قااااااتــل ) عابر للقارات ..

بيني وبينكم وتبون الصراحه وعلى بلاطه مالها داعي نفوز خمسة ونجرح مشاعر جيرانا صراحه
الهلال لايراعي حق الجار ومشاعرهم !!
وش ذا ياياسر ياخي عيب عليك وش ذا التسحيب والفن والترقيص والهبال والصرقعه
ياخي وين حق الجيره ياياسر ... الله يهديك ياياسر بس ..
بس لو جبت هاتريك ياسلاااام << خرب أم أم أم ابو جد النصيحه خخخخخخخخ

اما محمد نامي فوالله جننهم يقول خويي النصراوي انا ماني مقهور من الخمسه انا ماقهرني
الا محمد نامي هبل ببرناوي لا وسجل هدف والاحلى والأمتع والأجمل رقصــة نامي يالبى قلبووووه

ولايهونون بقية الاعبون الشاطر حسن مروار بهوساوي ورفاقه ونيفيز ورفاقه وياسر ورفاقه ( ترا مايقصد برناوي والعنزي )

شطحه / وش قصة طارق العلي وناصر القصبي وعادل امام وبعض الفنانين ؟؟

يقولون انهم غاضبين ع أدراة الهلال لعدم أشراكهم في مسرحية الثلاثاء
لكن بما أن أداراة الهلال بقيادة ابن مساعد وبالتعاون مع قريتيس قرروا أشراكهم في المباراه القادمه لكي نستمتع أكثر وبذلك تكون تشكيلة
الهلال مع النصر في مباراة الاياب ع النحو التالي :

حسن العتيبي
لي يونج المرشدي هوساوي نامي

رادوي

فايز المالكي عادل امام عبدالله السدحان فهد اللحيان

طارق العلي ناصر القصبي

متابعة ممتعه للمسرحية .............
الجدير بالذكر ان المباراة ستنقل حصريا" ع قناة فنون !!!!

وهذي الصورة أهداء للعالميين مدري الحالميين اهم شئ لاخواننا النصراويين

موضوع للفرفشه والضحك والوناسه والطرب <<<< اخررررس

منتدى الزعيم
لسنا الوحيدون ولكننا الأفضـــل
لانبحث عن الأثاره بل نبحث عن الحقيقه من مصادرها
بجاد بن بجاد ال بجاد