نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || CALCIO 34 || الانتر يحسم ديربي ايطاليا 2/0 .. مايكون + إيتو ][ روما يتمسك بالصدارة و يضيّع لاتسيو ][ السامب يحقق نقاط ميلان ][ CALCIO 34 ||

متيم زعيم القمة · #3 19/04/2010, 08:58 PM

سبحان مغير الاحوال
هالدلخ

اللي ما عمره مسك فريق وحقق له آماله من الفرق الكبيرة سواء اليوفي
والا البلوز والا الفالانس جاب لهم العيد وماهيب اي جيبه

و اتليتكو مدريد بعد
كلهن فشل بهن وما حقق المامول منه

يجي ويمسك روما ويحقق لهم فوق ما كانو يبون فوق ما كانو يتمنون
فوق ما كانو يتوقعون فوق ما كانو ياملون ويتصورون
اللي هو الصدارة!
صحيح ان الدوري توه ما خلص
صحيح ان الانتر ممكن يتوج باللقب
لكن اللي سواه الى الحين ما كان اشد المتفائلين بروما يتوقع
انهم يزيحون الانتر عن الصدارة في هالموسم ابد وبالذات مع جيت هالمدرب !
مشاكل سباليتي مع اللاعبين وعدم الراحة النفسية للاعبين مع سباليتي كانت السبب
وراء تراجع مستوى روما وبعد ما جا رانييري حسن الفريق من الناحية النفسية
وصار الفريق يلعب بروح افضل والجرينتا صارت موجودة وكانت ابرز ميزة لرانيري
من اول ما جاء هو تحسين الجوانب النفسية !

لكن في الديربي قيمته الفنية تجلت وظهرت للعيان في التبديلين اللي سواهن بين
الشوطين مثل ما قالها الكعبي
من يجرؤ على اخراج توتي وديروسي بين الشوطين في مباراة خاسرفيها روما ؟
و وين ؟ في الديربي !
ولا والصدارة تروح مع التعادل او الخسارة ؟!
كيف سواها رانييري صراحة ما ادري !

طبعا السبب الرئيسي للفوز هو رانييري

وصراحة احترام كبير لهالمدرب اللي يبدو تعلم من كثر التجارب وكثر النكبات

مع الفرقالكبيرة في العديد من التجارب
اخيرا وصل الى النضج التدريبي على اقل تقدير هذا الموسم مع روما قدم شغل ممتاز
وممتاز جدا
ما كنا نتوقعه منه كجمهور عامة واغلبية وانا اولهم !

فورزا رانييري

الف مبروك روما الصدارة وننتظر الجولات القادمة واثارة منتظرة على الاسكوديتو