نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - «¤¶` " مشرف الرياضة العالمية المبدع " hilalemooot " ضيفا على المجلس العام "`¶¤»

hilalemooot · #2 19/04/2010, 10:11 AM

.

إقتباس

الرسالة الأصلية كتبت بواسطة الهنوووف


	- عوده مجدده علشان مرسال (ترا عودتي الثانيه لتصحيح صياغه بس :$) اولا الحمد لله على سلامتي

حياك الله انتي ومرسال

و على طاري التشبيه بـ سامي .. مايندرى يمكن نشوفك مستقبلاً تقودين منتخب السعودية النسائي وتوصلون للمونديال و تروحون هناك وتبارون المانيا وتنهزمون 16/0

إقتباس


	سبحان الله امس فاتحه جهازي بكتب لك اسئله وكان من ضمنها سؤال عن التعصب القبلي

توارد خواطر

بالنسبة لتعليقك وإجابتي عليه .. لا بالعكس عاد مو لهالدرجه الواحد يخفي

.. بس الطريقة الافضل ان افعالك و مواقفك وتصرفاتك وطباعك هي اللي تخلي الناس لما يجي طاريك تقول والله ونعم فيه

.. اما التعليقات لا تلقين لها بال .. وتأكدي ان اللي يعلق هذا فيه عقدة نقص

بالنسبة للمواقف مافيه ببالي موقف معين .. بس حالياً هالموضوع يدخل بكل شي حتى التوظيف

.. فيه صديق لي تقدم لوظيفه في مكان معيّن وكانت كل الشروط تنطبق عليه وشهاداته لا يُعلى عليها تقدم بطلب توظيف وعمل مقابلة واجتازها وكانت عنده ثقة كبيرة بأنه خلاص راح يتوظف .. بعد فترة راح سأل وقالوا له مالك نصيب عندنا .. طبعاً الرأي الاخيرة بالتوظيف يكون للمدير .. يعني بالعربي يقدر المدير بكلمة يوظفه .. هو أصرّ يعرف وش السبب .. حاول يقابل المدير ما قدر .. المهم بالاخير وصله علم ان السبب بالاسم الاخير له ! .. وفعلاً المكان اللي راح له اغلب الموظفين فيه من نفس القبيله اللي ينتمي لها هالمدير للاسف ! .. اذا مدير متعلم ودارس يسوي هالسوايا وش نرجى من الناس الباقين

؟!

إقتباس


	الغموض بين الزوجين( رصيد البنك \ الجوال \ مكان السفر\ اصدقاءه مين ) ابي تتكلم عن هالنقطه وتقول عواقبها او ايجابياتها مساحه حره لك ..؟

تعتمد عليهم بشكل كبير !
الزواج تفاهم قبل كل شي والزوجين ستر وغطا لبعض المفروض .. فإذا كان فيه تفاهم وثقة متبادلة وتقدير.. هالاشياء اشوف ضروري الطرفين يعرفونها عن بعض .. الا رصيد البنك انا اقول المفروض الرجال ما يقول علشان ما يروح فيها

بالمختصر ما اشوف فيها اي شي كل هالاشياء يعرفونها الطرفين عن بعض .. حياتهم راح تكون وحدة ومصلحتهم وحدة والضرر لو جاء راح يجيهم إثنينهم .. اهم شي يكون فيه تفاهم وما تزيد هالاشياء عن الحد الطبيعي اللي يسبب مشاكل مستقبلاً .. يعني المرآة وش تستفيد لما تعرف اصدقائه مين ؟ .. اذا هو مثلاً رجال كويس وما يلاحظ عليه تصرفات غريبة ما يحتاج تعرف

.. نفس الشي الرجال لما ياخذ بنت يعرف من تكون ماهو لازم يعرف من تكلم بجوالها ويضيق عليها .. يمسكون العصا من النص .. وما يكون فيه إفراط ولا تفريط افضل طريقة

إقتباس


	ادري طولت عليك بس لاتحمست بسالفه لازم اعطيها حقها شكرا لك على سرعه تجاوبك

المحل محلكم هنو .. و سعيد بالاجابة على استفساراتك
نورتي

إقتباس

الرسالة الأصلية كتبت بواسطة متآبعه بصمت


	الحق يقال عاد أول ضيف يرد بسرعه قصوى < كيف الجمله ما شاء الله حاضر البديهه < يا صبر الأرض يا متآبعه

قولوا لا إاله الا الله تكفون
ترى من أمس أحس اني ماني مظبوط وايديني ترجف

بعدين ماهو مني والله من شغل كأس العالم اللي ينتظرني

غير اني ما احب اي شي يتراكم علي

حياك الله متابعة

إقتباس

الرسالة الأصلية كتبت بواسطة بريماكس


	هلا بالغالي هلالي موت بالانقليزي كيف حالك ان شاء الله تمام .

هلا بك بريمو

الله يسلّم حالك أنا طيّب وبخير ولله الحمد

إقتباس


	ماهو الكتاب الذي قرأته وتمنيت انك قرأته من قبل لما اضافه لك من معلومات تود معرفتها من قبل

كتاب أيقظ قواك الخفية للكاتب أنتوني روبنز .. كتاب مفيد جداً وفيه معلومات ويعطيك طاقة كبيرة للعمل .. بس للامانة لما قريته وطبقت شوي بس من اللي فيه طلعت قوى خفيّة عندي

.. تندمت أني قريته متأخر !

إقتباس


	شخص عزيز عليك وتود اهدائه هديه بنظرتك ما هي الهديه الاجمل والتي تدل على غلا هذا الانسان .. تكفى غير الساعه والعطر

شف انا موتري عزيز و غالي علي

.. بس والله ما تغلى على كم واحد ببالي

<--- هيط صح

.. بس بما انه غالي حيل اكيد بتهديه شي قيمته غالية .. يمكن لاب توب او جوال .

إقتباس


	منهو الصديق الذي يستحق ان يسمى صديق من وجهة نظر هلالي موت

الصديق اللي تلقاه جنبك وقت ضيقتك .. اللي يحفظ اسرارك .. ينصحك لما يشوفك تغلط وتتمادى بالغلط .. هذي اهم صفات اشوفها لازم تتواجد بالصديق المثالي

إقتباس


	اعلم ان اصدقائك كثر هنا في شبكة الزعيم ولكن لابد ان هناك شخص قريب اليك .. هل من الممكن ان نعرف من يكون؟

والله مافيه احد محدد .. مشرفين العالمية اسير وابو حمد وتورام متواصل معهم .. بو وليد .. مستر قول الله يرده سالم قبل سفره .. وفيه صديق قديم كان متواجد هنا وترك الشبكة اللي هو 10 رونالدينيو 10 .. طبعا مغرور حدي برى الموضوع لازم كل يوم اشوفه

إقتباس


	ومشكورين احبابي على الاستضافه الرائعه لشخص محبوب وطيب بتعامله مع الجميع

بعض ما عندك

.. تسلم والله من طيب أصلك بريماكس .. واللي نسويه واجبنا
تستاهلون كل خير