إقتباس الرسالة الأصلية كتبت بواسطة مواصل من عام 1413هـ والله إني من بدأ الموضوع وأنا أتحاشى الرد لكن ليه يوصف كل من قال كلمة حق - صار ما عنده وطنية بسألك سؤال : الله سبحانه وتعالى لما قال للملائكة ( إني جاعل في الأرض خليفة ) هل قسم الأراضي ومنحها للعوائل المالكة بالدول العربية!!. إذا إنت تقرأ قرآن غير اللي نقراه علمني هو ولي أمرنا - أمرنا الله سبحانه وتعالى بإتباعه لكن لم يمنعنا من مناصحته ومطالبتنا له بحقوقنا كما له من حقوق علينا مشكلتنا إن عندنا حساسية من هالأمور بسبب الأنظمة الإستخباراتية بالدول العربية ومو مشكلتنا لحالنا كل الدول الخليجية وكل شعب ينافس الثاني على وصف ولي أمره بالحكمة بصورة مضحكة - وحتى ولو يدري إن بعض قراراته خاطئه ولاه الأمر مثلنا ولدوا كما ولدنا وهم بشر يخطئون ويصيبون وإن أخطاؤا علينا تسديدهم مو مثل ما هو حاصل كل كلمة تنطق كأنها ( قرآن منزل )!!. عمر بن الخطاب رضي الله عنه عندما إستلم الخلافة قال للصحابة ( إن أخطأت فسددوني ) وبالدول العربية يقول الحاكم ( إن أخطأت فلعنوا خيّر اللي بيتكلم )!!. المال العام يا عزيزي هي من أموال المسلمين وللمسلمين ولا تظن إننا أتكلم اطالب بتغيير حكام أنا بالعكس أرحمهم والله - يوم القيامة يتمنى كل واحد منهم لو إنه أفقر إنسان على وجه الأرض وما يلقى ما ياكله وأنا ما يهمني أساساً من يحكمني - أنا عابر سبيل بهالدنيا لكني أطالب بتوفير إحتياجاتي الأساسية وهي من حقوق كل مواطن وعلى رأسها البيت الملك ومن عرف الإنسان العيش على وجه الأرض فهو يتبع مصدر رزقه هل مطالبتنا بحق من حقوقنا يعد إساءه وعدم وطنية!!. من الأحق بالوطنية : المواطن المسكين أم كل تاجر عقار سرق جيوب المواطنين وولاه الأمر يتتفرجون من الأحق بالوطنية المواطن المسكين أم صاحب منصب إختلس أموال المسلمين ولا يحاسب إلا بإحالته على التقاعد!!؟ ومن الأحق بالوطنية المواطن المسكين أم تجار الأغذية بمباركة من وزارة التجارة ومن الأحق بالوطنية المواطن المسكين أم ................... وبإمكاني أكتب لك ألف سطر وسطر وإذا إنت تعتبر إن ما عندي وطنية فأنا أبشرك ما تهمني الوطنية ولا طقيت لها خبر المواطن يلقاها من وين وإلا من وين - وإنت تقول حنا نسئ للبلد ما سمعه البلد بالحضيض فإن طلعت برا إما توصف بالإرهابي أو السكّير ياخي الكريم لا نكذب على بعض الله يرضى عليك بالختام ولا ينسى المواطن إنه ما يتحمل شئ : اللي حاصل عقاب من الله سبحانه وتعالى على ذنوبنا

حياك الله اخوي مواصل

اولا تقول ياعزيزي بأن اللي يقول كلمة الحق ماعنده وطنيه وهذا خطأ تأكد تماما بان اللي يقول كلمة الحق هو اللي عنده وطنيه

والحمدلله نقرا القران ونصوم ونصلي , واما عن تقسيم الاراضي واعطائها للعوائل المالكه فهذا كلام غير صحيح ,, يعني اي واحد عنده ارض من الاسره المالكه معناته انها معطاه له ؟؟ ومن ثم فيه شي اسمه منح للمواطنين والدوله ماقصرت مع المواطنين ابدا خصوصا في مسألة المنح بارك الله فيك

اما عن قولك اذا اخطأوا بارك الله فيك فلديهم من يرشدهم ولسنا نحن اهل لذلك فيوجد من هو اعلم مني ومنك

وبخصوص اذا طلعت برا ,فالدوله ماقصرت ابدا حاربت الارهاب وقبضت على المجرمين
ومن شوه صورة المواطن بانه ارهابي او سكير هو المواطن نفسه اقصد الارهابيين الكفره وبعض الشباب المنحرف الذي يذهب يسكر ويرجع

اتمنى تكون واقعي اخوي مواصل

اسف كلامي غير مرتب شوي لإني ارد على نقطه تقولها

ومشكور