والله أستغرب من شعبنا السعودي

تلقى واحد يتذمر ويقول ما عتدي فلوس وراتبي 4 ألاف وفي النهاية

تلقاه مشتري أي فون 2500 وبعد يومين يبيعه ب 1500 لأنه ما يعرف يستخدمه
تلقاه يوميا في مطعم من ستيك هاوس وأبل بيز و شيلي الي الواحد يدخل ويتغدى فيهم ب 60 ريال ويتأفف من الوضع المالي
تلقاه راتبه 4000 ويقسط سيارة بـ 2000 ريال شهريا

تقوله أشتغل في القطاع الخاص
يقولك ليه علشان يجيني واحد لبناني ولا فلسطيني وينفخ علي وناسي ان هذا الأجنبي ماخذ شهادات علشان يشتغل في هذا المنصب

والله ياناس ان لي عزيز على قلبي
والله أنه خريج جامعي ومن الأردن
يعني أبوه دافع عليه أكثر من 100 ألف ريال يدرسه

رجع لسعودية دور شغل ما لقى

بعدها أشتغل بـ 2000 ريال في قطاع خاص
شاف الوضع ما ينفع حط لنفسه خطة
والله أنه كان يكرف في الشغل بطريقة مو طبيعية يداوم يوميا الساعة 9 صباحا و يطلع 10 مساء و أحيانا الخميس والجمعة يداوم
والله ثم والله في غضون سنتين
راتبه الحين 10 الاف ريال
والله أنه جته عروض ب 15 ألف ورفض للأنه حسب قوله ان مديره في الشغل الجديد المعروض عليه ماعنده شهادات يعني ما بستفيد منه علميا

الرجال الحين يدرس بياخذ شهادات مهنية

يعني والله تتعب في السعودية تلقى
أما ناخذ شهادة جامعية وتظن أن الطريق مفروش لك بالورود بعد الجامعة فأنت غلطان

يعني فينا كبر وشوفت نفس وصرف على الكماليات بطريقة مو طبيعية