صار لي فترة متابع للردود
شوي أضحك وشوي ودي أبكي
حنا ما ضيعنا إلا التطبيل لحكامنا ( ومو حنا بس كل الدول العربية )
تلقاه يمدح فيه بالإعلام والأماكن العامة وبكل مكان وهو من الداخل يحترق وكاتم
بيته إيجار يآكل نص راتبه السنوي - علاج على حسابه وإن بغى مجاناً جلس يترجى اللي رايح واللي جاي علشان يفتح ملف بمستشفى حكومي وبالأخير يموت المريض ما دخل على الدكتور .......................................... ( وهموم على عدد النقاط اللي كاتبها )
اللي حاصل بالبطانة شئ عجيب
صايرة الدولة محكومة عن طريق :
1- الحكم الملكي بالوراثة.
2- المناصب العليا واللي تنتقل بالوراثة!!.
أصحاب المناصب يتناقلون مناصبهم مع أبنائهم وأقربائهم بصورة فظيعة
وحتى لو إنتقل المنصب للإبن يبقى المحرك الوالد ( الأصل ) لين ما يموت
ويبقى الفكر نفسه بدون أيه تطور
وش اللي يمنع بأن تظل الحكومة ملكية بالتوارث
وينشئ أحزاب سياسية تتولى الأمور الداخلية كل أربع سنوات
بكذا نقدر نحاسب كل متلاعب بأموال الدولة ونقضي على توارث المناصب
وراح يكون فيه عقول متجددة تطبق اللي درسته
ما راح تتغير الأوضاع إلا بالمحاسبة أما مسأله التطبيل ( وحنا أحسن دولة والسعودي أحسن جنسية ) الكلام الفاضي هذا على أيام الأبيض والأسود
صدقني لو يفتح المجال للعمل في دول الخليج
إن تمشي 140 كم بطريق خريص والملك فهد الساعه 7:30 الصباح وما أحد حولك
وتلقى شوارع الرياض فاضية
اللي يبي يعمل بالبلد بيعمل ، وأكبر دليل دولة اليابان
بلا مصادر - بلا مصادر
ودولة شلت بعد القنابل النووية
وشف وين وصلت
اللي يبي يعمل بالبلد بيعمل - وإما التطبيل فما راح يفيد
يمكن يكون كلامي قاسي شوي وراح يوديني بداهيه
بس أنا إنسان ما عاد تفرق معي
إن عشت ماكل تبن وإن مت بكون بين يدي رب رحيم
أرحم من البشر
بالنهاية أرددها وهو أهم كلامي :
الضيق اللي حنا فيه - حنا اللي جنيناه على أنفسنا بالذنوب
فلو صلح العباد - أصلح الله لهم الملك
