| * المباراهـ الماضيه في الكامب نو امام الديبور برشلونه فاز بـ 3 اهداف وآداء ومستوى جميل , برشلونه يلعب اليوم مباراهـ ديربي امام آسبانيول , في ملعب اسبانيول الجديد , وش رآيك بالمباراهـ ,, ؟
مباراة مايحتاج نعلق على انها راح تكون صعبة على برشلونه ... اكيد اذا نتكلم عنها من الناحية الفنية مافيه مقارنة والفوارق الفردية واضحة لمصلحة البرسا ، لكن لأنها مباراة ديربي واسبانيول يلعب فيها كالعادة بكل قوة وخشونة وزيادة على كذا قذارة واستفزاز من لاعبيهم وجماهيرهم راح يحاولون يصعبونها على برشلونه بأي طريقة والخروج ولو بنقطة تعادل وتعطيل برشلونه .
مباراة مطلوب منها الفوز والنقاط الثلاث بغض النظر عن المستوى او اي شي آخ والمهم التركيز من لاعبينا ومحاولة استغلال أي فرصة امام المرمى ... فيه معلومة تقول ان دفاع اسبانيول في الدور الثاني هو افضل دفاع على ارضه ماتسجل في مرماه اي هدف في سبع مباريات تقريبا وهذا ضد الفرق الثانية كيف اذا كان قدام البرسا راح يلعب بكل قوة وقتالية وعلشان كذا مهم التركيز في اي فرصة ومحاولة تسجيلها .
* آبرا يستلم التصريح الطبي للمشاركه بالديربي هل تممنى آنه يلعب من بدآية المباراهـ آم يلعب الشوط الثاني آم اخر المباراهـ ,, ؟
ما اتوقع ان ابرا ممكن يشارك من البداية ويمكن يبقي على بوجان كأساسي الا اذا فكر بيب بالاستفادة من قوة وخبرة هنري ، وابرا تكون مشاركته في الشوط الثاني حسب مجريات المباراة .
* هل تتمنى آراحة عدد من الاعبين , لـ موقعة السان سيرو يوم الثلاثاء ,, ؟
بالعكس اتمنى بيب يلعب بأفضل تشكيلة عنده ... مباراة مهمة بالنسبة لمسيرة الفريق في الليغا والفوز بها يعتبر افضل حافز ايجابي لمباراة السان سيرو .
* التشكيله المناسبه من وجهة نظرك , توقع نتيجة المباراهـ ومسجلي الاهداف , تبي تقول شي تفضل ,, ؟
بالنسبة للتشكيلة : فالديز / ماكسويل / بويول / بيكي / الفيس / كيتا / بوسكيتز / تشافي / بيدرو / هنري / ميسي
اتوقع هذي التشكيلة الافضل ، واللاعب اللي اتمنى بيب مايلعبه اساسي الليلة هو توريه والسبب معروف انه لاعب ممكن في أي لحظة يفقد اعصابه مع حركات الاستفزاز اللي اكيد راح نشوفها في المباراة من لاعبي اسبانيول وصيحات جمهورهم وقد يخسره الفريق في أي دقيقة .
النتيجة صعب توقعها والمهم ان شاء الله فوز برشلونه ، لكن أقول 2/1 من ميسي وكيتا .
مشكور ويعطيك العافيه على النقاش وان شاء الله نبارك لبعض بالفوز بعد المباراة . | 