نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - «¤¶` " مشرف الرياضة العالمية المبدع " hilalemooot " ضيفا على المجلس العام "`¶¤»

hilalemooot · #9 16/04/2010, 03:44 PM

.

إقتباس

الرسالة الأصلية كتبت بواسطة المـشـاكـس


	هلا هلالي موووت .. تعرفني ؟! .. ما اتوقع انك تعرفني .. الا اذا ضميرك صحى اخيرا .. والا اكيد ما راح تعرفني لأن الظالم ينسى والمظلوم ما ينسى .. انا الشخص اللي انت جرحته وكنت تبي تحرمه من احسن شيء بحياته النتية .. انا الشخص اللي يأشرون عليه من بعيد .. ويقولون : شفوا هذا حاقد على هلالي موووت نسيت صح ؟! اكيد بتنسى .. لأنك ما كنت تتوقع انك تكون بمثل موقفك اليوم .. لكن ربي جابك .. حتى بعد ما مرت السنين .. ربي جابك .. ربي جابك انتقم منك واقول لك : رح منك لله يا خايس .. اجل انا بقول لك القصة .. الزمان : 14 - 23 / 7 / 2007 المكان : windows live massenger جيتك وانا الانسان الضعيف ابيك توقف معي وتساعدني بحكم انك مشرف ابيك تتوسط لي يعجلون بتفعيلي تقول لي انتظر زي غيرك 6 شهور .. ليش يا ظالم يا مفتري .. انا وش سويت لك .. .. لكن الله قيض لي ماجد مقبل .. وتكفل بتفعيلي في ظرف اسبوع وهو ذيك الايام حتة اديب لا راح ولا جاء .. صحيح انه اجبرني اتوسم فيه الخير وكذا .. بس برضه .. على الاقل رتب لنا موعد مع الشباب في الشات <<< فضحتك يا سر العذاب يا صديقي 6 شهور .. كنت بروح اشجع الفقر .. وكله منك المهم .. ما علينا .. بعد هالفضفصة خلني اسأل كم سؤال ..

هلا المشاكس حياك الله
القصة ملفقة واتهامك باطل

الجد تراك انت اللي ظالمني

اول شي ولله الحمد اي احد يطلب تفعيل اول هالشي هالصلاحية ماهي معي .. ثاني شي اي طلب يجيني اوصله للإدارة لاني ما املك هالصلاحية ولله الحمد الكل يعرف منهو هلالي موت .. وبلا فخر ما احد طلب مني شي وقصرت معه .. الشي الثالث بحياتي ما كرشت احد جاني للمسن وطلب خدمه مني وهالشي انا متأكد منه .
الشي الرابع وهو المهم اذا انت ضفتني على ايميل هلالي موت .. الايميل هذا انزرف مني واللي سرقه سوا مشاكل مع اعضاء وبلغوني واخليت مسئوليتي من الايميل وفيه كثير اعضاء يعرفون بهالشي .. فالظاهر انه جلس يطقطق عليك

.. عموما اذا سجل المحادثة عندك ياليت ترسله خاص .. وانا اعتذر لك قدام كل الاعضاء لو حصل الغلط مني .. حقك وتستاهله لو كنت غلطان معك يا بعدي

.. والشي الخامس توي تذكرته اذا انت اللي يقربلك فزاع الاجيال

كلمني عنك وبلغت الادارة بطلب التفعيل .. بس ترى ماني متأكد هو انت او يوزر يشبه لك .. يمكن انت او بريماكس

واحد منكم

وماجد ما يقصّر فديته

وهالرجال المدح فيه يعيبه .. والحش فيه مستحيل واللي يتكلم عليه مسكين

ولا يعرف قيمته .. انا واحد ما شفت منه الا كل خير

إقتباس


	صدق صدق .. هل كنت تعرفني قبل هالرد والا لا ؟!

والله على سلامتك .. ما اشوف الا يوزرك ومشاركاتك

إقتباس


	ليش وقفتوا المشاغب مرة .. وش فيها يعني لو قال انزاغي قرد ؟!

سلطان مشكلته جاء وكتب رد وقت ازمة وكان فيه مباراة كبيرة وطق وطقيق وهالاوقات يكون الجو مكهرب وبمثل هالاوقات ما نقدر نسيطر على الوضع الا بهالطريقة والظاهر جت على راسه

.. عموما اول شي مهوب انا اللي وقفته ترى .. واللي وقفه عنده قوانين وطبقها .. والشي المهم الحين انت محامي سلطان والا وش السالفة

إقتباس


	ما ودكم انتم يا مشرفين العالمية تنزلون مواضيع تبينون فيها حكم محبة الكفار من اللاعبين .. وحكم الدعاء لهم ..وتوضحون ان هالامور تدخل في العقيدة ومن هالقبيل ؟!

الحمدلله محنا مقصرين .. و دايم نشدد على نقطة ان هاللي نتابعهم ونشجعهم كفار ولازم ناخذ الموضوع لمجرد المتعة فقط ولا نتحمس بزيادة .. وبالنهاية كل واحد عنده عقل ويعرف يفرق بين الصح وبين الغلط

إقتباس


	من تتوقع بطل ابطال اوروبا لهالسنة .. وهل تتوقع في مفاجآت بالادوار القادمة (يعني بلاش فلسفة ليون بيوصل النهائي والا لا )؟!

بايرن ميونيخ

.. ليون ما اتوقع !

إقتباس


	ليش انت ظالم ومفتري ههههههههههههههههههههه ؟!

يمكن ما ظلمت الا انت .. واكيد انك ظالملك احد وربي سلطني عليك

اثبت اول بعدين اقولك

إقتباس


	وترى يمكن احبك بعد اللقاء .. ويمكن لا .. ما اوعدك بشيء .. بس اذا تبي تدخل قلبي بسرعة .. ابيك تحش لي ماجد مقبل .. لأن هذا الطلب اللي اطلبه في كل استضافة

تكفي حبني

ترى ما انام الليل بعدين

وماجد ما ينحش

.. لا تحاول

حياك الله المشاكس .. شرفت

إقتباس

الرسالة الأصلية كتبت بواسطة الهلالي 11


	هلالي موت ... والله ونعم الاستضافه ما ودي اكثر حكي ... طفشان مني عارف .. بخش بالاسئلة على طول .. 1 السفرة اللي بيني وبينك وانت عارفها .. ما حسيت انك مصختها ؟! يعني ما حسيت انك لازم تستحي على وجهك وتقول حان الاوان .. باختصار تتوقع انها ممكن تكون الصيفيه هذي ونلتقي هناك فعلا ؟!

هلا وغلا الدحمي

ما عاش اللي يطفش منك يا بعدي .. عزيز و غالي

بالنسبة للسفرة اول شي الله يقطع بليسك على هالصياغة حسيت اننا رايحين صياعة مالت عليك

.. ان شاء الله هالصيفية .. وبعدين لا تلومني والله العظيم ماهي بيدي .. لكن باذن الله تتيسر هالصيف و نروح ناكل كنافة من جبري

إقتباس


	ودي تقولي شعورك وتوقعاتك للمانيو قبل مباراة البايرن الذهاب .. وشعورك حاليا .. وهل تتوقع انه ممكن تصير معجزه وناخذ الدوري والا الامر محسوم لتشيلسي ؟!

والله كنت متفائل .. وصدقاً الامور كانت ماشية لنا لحد طرد رافائيل

.. شعوري حالياً عادي جداً و راضي بشكل عام .. موسمنا كان جيّد جداً .. بالنسبة للدوري لا ما اتوقع خلاص غسلت يدي .. تشلسي يفرق 4 نقاط وقبل اربع مباريات والمعجزة بهالظروف اشوفها صعبة

.. عموماً جولة بكرة احتمال كبير تحدد هل فيه امل والا لا .. ان فزنا وتعثر تشلسي فيه امل .. ولو اني اتوقع تعثرنا و فوزهم

!

إقتباس


	حقيقه لازم تنقال ... ليش هلالي موت كويس ومن افضل مشرفين الموقع اللي خالطتهم ان ما كان الافضل ولا يهون اسير الزعيم .. شخصية هلالي موت شخيه تستحق الاحترام .. من النادر انك تقابل شخص او مسؤول في موقع سلبياته ما ودي اقول مو موجوده لكنها مو واضحه ولا تذكر وايجابياته واسلوبه بالتعامل مع جميع الاطراف نقدر نقول عنها خياليه وبطريقه احترافيه

علم المشاكس ياخي

ربي يخليك عبدالرحمن .. الواحد دخل هنا يبي يستفيد ويفيد وبالنهاية يبي يطلع وما يبقى الا الذكر الطيب له وهذ اللي اطمح له وابيه في النهاية .. واللي اسويه هذا واجبي واقل من واجبي تجاه الاعضاء الكرام

إقتباس


	شخصيا الى الحين ما شفت من هلالي موت شي سيء .. اللي ابغى اساله ليش غالبا تلقى المسؤول سواء على النت او على الطبيعه ... يكون له اعداء كثير وتعامله مرات سيء على الطبيعه وكشخص عادي ... لكنه يستخدم سلطته في سبيل انه يحسن صورته ويظهر للجميع انه انا شخص جدير بالاحترام ؟! ليش ما يكون فعلا الشخص الجدير بالاحترام هو المسؤول بدل ما نخلي المسؤول يكون الاحترام لنفسه بطريقته ؟!

الحمدلله .. وان شاء الله ما تشوف

كل مسئول وله طريقته بالتعامل مع الامور .. انا اشوف اللين و الاسلوب الحسن والكلام الطيب مفعولة اكبر .. غيري لا يشوف عكس هالشي وهالامر طبيعي .. يعني يمكن تروح ادارة تشوف مدير قوي الشخصية مع الموظفين ومع المراجعين انسان ثاني وهالشي يرجع لتفكير الشخص وطريقه تكيفه وتفكيره وهو حر باللي يشوفه او بالطريقة اللي يشوفها مناسبة بمعنى أصح

إقتباس


	بداية عهد رابطة كاريك 16 كان فيه حكي انه انا وانت وهو لازم كلنا نرتب لموضوع الزاوج مع بعض .. كاريك زلابه ما قدر يصبر وتزوج ... بعدها صرت انت تقنعني بالموضوع وانا اقنعك بالموضوع ولا انا ولا انت سويتها مدري ليه .. هل تتوقع انك بتسبقني او انا اللي بسبقك .... وش رايك نخليها تحدي ؟!

الحين ماهو انتم اللي تقولون لي يالشايب

.. هالشايب كان يقدم مصلحتكم على مصلحته

.. وجاء الوقت اللي اقولك فيه اني كنت ابتطمن على مستقبلكم ولا كان لي نيّة ولا شي

.. انا كنت اخذ واعطي معك .. بالنسبة للتحدي طلعني منه لانك بتتزوج قبلي ان شاء الله

.. بس عاد لا تمصخها ترى اسحب عليك زي ما سوا كاريك وسحب علينا

إقتباس


	شكرا مقدما يبو حميد محبتك وطيبة خاطرك انت عارف قد ايش تعني لي

العفو يا ئلبي

الله يسلمك ويخليك ويسعدك و يوفقك ويكتب لك مافيه خير وصلاح لك

نورت درحمان