.

مساكم الله بالخير
وجمعة خير على الجميع يارب

إقتباس الرسالة الأصلية كتبت بواسطة مواصل من عام 1413هـ أولا الله يعينك على هالمقابله واشكر القائمين على اختيارك يا احمد انا يا أحمد عندي سؤال واحد وما أبغى أضغط عليك السؤال : أبغى وجه نظرك بإرتفاع تكاليف الأدويه بحكم إرتباط الريال بالدولار وهل فك الإرتباط بالدولار والإرتباط باليورو راح يخفف من معاناه المرضى ؟؟

إقتباس الرسالة الأصلية كتبت بواسطة الكلاسيكي اهلاً وسهلاً فيك أحمد نورت المجلس ..

إقتباس الرسالة الأصلية كتبت بواسطة الكلاسيكي ضيف رائع .. وله ثقله .. ومن اروع المشرفين اللي تعاملت معهم والتقيت بهم ع الطبيعه

هلا عادل
ما عليك زود يا بعدي .. إنسان خدوم جداً جداً ونشيط ويعمل بأخلاص كبير وهالشي ماهو غريب عليك

إقتباس / ماهو مدى رضى أحمد عن نفسه !!

الحمدلله .. راضي عن نفسي بنسبة كبيرة .. بس الانسان يطمح دائماً للأفضل في كل شيء .. يعني تقدر تقول بـ نسبة 75%

إقتباس / يمر الانسان ببعض الضروف التي قد تقف امامه كعقبه في طريقه ! في مثل هذه المواقف كيف يكون احمد اقوى من الظروف ؟ بمعنى ماهي الدوافع التي تجعلك تتحدى المصاعب !!

الحمدلله انا بطبعي انسان صبور .. ودايم اخذ اي امر يصير لي على انه خيرة لي مستقبلاً .. الظروف نقدر نطوعها لو نبي .. الواحد يسوي اللي عليه ويحاول واهم شي يتكل على الله اولاً وأخيراً وان شاء الله تزول العقبات .. و زي ما قلت لك ان ما توفق الواحد لعلها خيره له .. مثال بسيط مرحلة الجامعة معي واجهتني عقبات كبيرة وجت فترات يأست فيها .. بس الحمدلله عدت على خير وتخرجت ومشت الأمور

إقتباس / بلا شك ان مرحلة الدراسه الجامعيه من افضل المراحل ! تذكر لنا موقف مضحك وآخر صعب !

المواقف الدراسية الصعبة كثيرة .. مرت علي سنة كاملة ما كان لي نفس ادرس و جو الكلية كان سيء وتعامل بعض الدكاترة كرهني فيها .. بس الحمدلله عدت على خير والسنة اللي بعدها شديت حيلي ونجحت مع ان العوائق نفسها كانت موجودة .. والكلام هذا مرتبط بإجابه السؤال اللي قبله
الموقف المضحك .. يمكن موقف الدكتور الجديد كانت ثاني محاضرة له اذا ما خانتني الذاكرة .. كنا بالمعمل كانت عندنا حصة عملي .. و الدكتور كان يسوي تجربه دواء معين .. المهم كان يشتغل ويشرح وجا وقت يضيف مادة معينة ويتغير لون المحلول .. هو يشرح ويضيف المادة ويطالع فينا يقول الحين اللون يتغيّر لأصفر .. حنا نطالع المركب تحوّل لـ بنفسجي تقريباً .. المهم كان شكله بااايخ وقتها وجاه ضحك انا صراحة رحمته .. تخيلت نفسي مكانه شعور قبيح

إقتباس / شخصيه معروفه تتقبلها نفسك وتجد انك تستمع له وتتطبق مايقول ! سواء شيخ او دكتور او حتى لاعب .. !

الشيخ سلمان العودة .. الشيخ محمد العريفي
رياضياً سامي الجابر تعجبني ثقافته الكروية كثير .. ولا يهون خالد الشنيف

إقتباس / الزواج استقرار .. ألم تفكر بعد بالدخول لقفص الزوجيه !

فكرة الزواج مؤجله لحين التأكد من الوضع الوظيفي و موضوع إكمال الدراسة .. لاحقين خير وانا اخوك اذا ربي اعطانا عمر

إقتباس / منتدى العالميه منتدى الاختلاف .. به عشاق كل الفرق .. كيف تستطيعون السيطره على المهاترات بين الاعضاء في ظل ارتفاع عدد الزوار والرواد !!؟

الموضوع صعب بلا شك .. لكن الحمدلله عندنا طاقم اشرافي و طاقم مساعد ممثل باعضاء اللجان الاعلامية و الاستشارية ماهم مقصّرين .. وهناك شي مهم فيه اعضاء كبار لهم ثقلهم وكلمتهم ماهم مقصرين معنا كذلك .. بشكل عام نميل اكثر شي للجانب التوعوي .. غالبية الاعضاء و لله الحمد متفهمين .. وبالكلمة الطيّبة والتعامل الحسن نقدر نخفف من ظاهرة الاحتقان و التعصب الزائد عن الحد .. واذا ما قدرنا بهالطرق الشكوى لله الايقافات حل لا مثيل له

إقتباس / مرحله طويله قضيتها بالاشراف , باختصار ماذا تعلمت !؟

تعلمت كيف التزم واعمل واكون مثابر .. وبرضو كيف ومتى يكون الصبر شي كويس .. وكذلك حسن التصرف وقت الازمات .. خبرة في التعامل مع الامور وفي اوقات مختلفة تقدر تقول كذا عادل

إقتباس / صفه سلبيه تتمنى ان يبتعد عنها الكلاسيكي ؟ وان ماحبيت تذكرها علناً الخاص موجود

ماعليك قصور ماشاء الله تبارك الله
شهادتي فيك مجروحة يا عادل
شرفني تواجدك كثيراً

إقتباس الرسالة الأصلية كتبت بواسطة هلالي كايدكم حياك ربي مشرفنا الغالي : هلالي موت .. عندي كم سؤال يا ليت تتحملنا شوي

هلا بك اخوي هلالي كايدهم
يحييك ويبقيك يا بعدي .. ابد تحت امرك انا

إقتباس حدث رياضي تمنيت أن تكون حاضرا ً فيه ؟

اممممممم .. نهائي دوري ابطال أوروبا 1999 بين بايرن ميونيخ ومانشستر يونايتد على ملعب الكامب نو .. كنت اتمنى احضر اخر خمس دقايق بس .. المباراة انتهت بطريقة دراماتيكيّة للمانيو 2-1 وفي الوقت بدل الضائع

إقتباس في حياتك شيء حققته وآخر لم تحققه ؟

حققت نصف النجاح .. وباقي النصف الثاني
يعني في كل جانب تقريباً نفس الشي .. على المستوى الشخصي محبة الناس الحمدلله تحققت واتمنى تستمر.. دراسياً خلصت مرحلة وباقي مرحلة .. وانا بطبعي انسان طموح ان شاء الله يتحقق كل اللي ببالي

إقتباس آخر صديق تعرفت عليه في الزعيم منهو ؟

يعتمد على وضع المعرفة وانا اخوك .. لكن اذا قصدك معرفة قوية وتواصل مباشر الوليـــد يمكن

إقتباس ثلاث وردات لمن تهديها ؟

لك .. لمشرفين واستشاريين المجلس .. ولاعضاء المجلس

نورت اخوي هلالي .. شكراً لك على تواجدك

إقتباس الرسالة الأصلية كتبت بواسطة algohmani ضيف مميز ومبدع وغني عن التعريف ليس لدي سؤال لكني أحببت أن اسجل تواجدي كمتابع للموضوع الذي يحمل اسم مشرف غالي علينا

هلا ابو عبدالله
ربي يبارك فيك ويسلمك يا غالي .. شهادة اخرى اعتز و أفتخر فيها .. الله يعز مقدارك ويحققلك اللي ببالك يبو عبدالله .. شكراً لك .. الله لا يحرمنا هالطلة الحلوة

إقتباس الرسالة الأصلية كتبت بواسطة الهنوووف -

إقتباس الرسالة الأصلية كتبت بواسطة الهنوووف يوه حنا بالعالميه او المجلس احس اني ضعت من ميسي وريال مدريد هلا بك اخوي هلالي موت (اجل حتحوت وش تقرب لك حتحت ) اشكرك على اجابتك التفصيليه واحسن اني تعبتك

هلا الهنوف
غلطتكم المفروض كتبتوا تمنع الاسئلة الرياضية
بالنسبة لـ حتحت على سلامتها والله .. و حتحوت مالي دخل حاسبي اللي قالها .. بعدين جزاه الله خير يدلعني ليه زعلانة لا ابد مافيه تعب .. تحت امركم

إقتباس الي اقصد غالبا يكون فيه محطه بحياتنا وقفنا عندها او نقطه تحول بحياتنا

وضح السؤال
نقطة تحول .. ممكن قصة حب وغيرتني للافضل بكل ما كان فيها ولله الحمد
حياك الله هنو

إقتباس الرسالة الأصلية كتبت بواسطة مطيع تسجيل دخول لـ عيون

إقتباس الرسالة الأصلية كتبت بواسطة مطيع هلالي موت بعد الترحيب .. نطرح عليك هالسؤالين الخفيفين

هلا وغلا مطيع .. احسن واحد يكتب خواطر
ربي يسلمك ويخليك يا غالي .

إقتباس من صنع نجومية البرسا .. بيب أو نجوم البرسا .. يعني لو كان بيب يدرب فريق آخر ممكن يكرر نفس الانجازات

بيب .. هالنجوم كانوا مع ريكارد واخر موسمين فشل معهم .. سياسة بيب غوارديولا والانظباطية اللي زرعها بالفريق هي اللي خلتنا نشوف فريق خرافي .. راح يكررها بشرط تكون عنده نفس الصلاحيات اللي منحتها له إدارة لابورتا .. يتركونه يشتغل على راحته اهم شي وينتظرون النتائج .. بيب سابق عمره .. واجه كبار المدربين وتفوق عليهم .. السير فينغر هيدينك مورينهو مدربين كبار تفوق عليهم وهالشي ما يجي من فراغ

إقتباس هل تعتقد ان رونالدينهو له مكان في كأس العالم

بعد التحرول اللي نشوف عليه كاكا الفترة الاخيرة
رونالدينيو مطلب كبير للسامبا .. واشوفه مقدم مستويات رائعة مع ميلان ويستاهل يكون مع البرازيل في المونديال .. ولا يهون باتو بعد .. في كل مونديال كاس عالم لازم نسمع عن ضحية لمدرب المنتخب .. روماريو في مونديال 2002 كمثال .. ولا اتمنى ان يكون رونالدينيو في نفس الاتجاه خصوصاً ان دونغا متجاهله بشكل كبير وغريب بنفس الوقت !

إقتباس الرسالة الأصلية كتبت بواسطة عسيريه .

إقتباس الرسالة الأصلية كتبت بواسطة عسيريه ياهلا بالمشرف المتميز هلالي موت حياك الله بيننا صراحه ما عندي أسئله لكن حبيت أجي أرحب فيك , وأكيد راح أكون متابعه القائمين على الاستضافه يعطيكم العافيه