إقتباس الرسالة الأصلية كتبت بواسطة leo messi هلا والله ابو طلال وشلووونك ان شاء الله بخير الشاعر منصور الغازي اخبر جنسيته سعودي ؟؟ وش فيه حوّل ؟ حسب اللي اقراه بالخبر انه صار قطري !!!!! عموماً مااعتقد ان القصيده صحيحه اللي ( نُسبت لرغد ) لسبب .. ان منصور احدث ضجه كبيرة عام 2004 تقريباً بالقصيده اللي يخطب فيها رغد .. ووصلت القصيده لرغد صدام وحتى ان الشاعر حسب كلامه في اكثر من قناة ( على وقتها ) قابلها تقريباً في اليمن كانت زابنة ذيك الايام هناك بس الواضح انها رفضت الفكرة ( الزواج ) وهالقصيدة الاخير اللي منسوبه لها اكيد انها لـ واحد من هالشعار اللي مطرطع فيهم منصور الغازي لانه ماخلا احد بحاله والرجال ماعنده الا تسفيل باللي يقابله من الشعراء لذلك مااستغرب احد كاتبها لعانة فيه والا لو كاتبتها رغد كان طلعت من قبل 6 سنوات ايام القصيدة حقت منصور وبعد سقوط بغداد بفترة ...! الأكيد ان الشاعر اكتسب شهرة مهيب طبيعية بسبّة هالقصيدة واذكر وقتها حتى القنوات الاخبارية كانت تتناقل اسم الشاعر وقصديته في رغد .. هذا غير القنوات الشعرية اللي كانت تدورّه بالمنقاش ذيك الايام ..! يعطيك العافيه

كلام صحيح اتذكر انة قابلها وشكرتة على القصيدة الي القاها عندهاا