السلام عليكم اخواني اعضاء منتدى الزعيم

مبروك الصدارة الآسيوية ...المكان اللائق بالزعيم ..الاول ما غيره ....

طبعا امور الملعب ما عليها خلاف بوجود الفرقة الذهبيه والقائد الرهيب جريتس والادارة الواعية ...

وسامي ..سامي و كفى....

لكن لا جينا خارج الملعب يجي الكلام .....

كلام عن مضايقات الامن الغريبة للجمهور ....

تشديدات مسئولين الملاعب على الهلاليين والتسهيلات لغيرهم ....

لوبيات صحفيه تتحدث عن الهلال وكأنه العدو الاوحد للرياضة السعودية ...

كتاب مأجورين - جايين من الشارع بصريح العبارة - يحملون الهلال كل اخطاء الموسم في الجدولة و التنظيم و حتى اخطاء الحكام ...

برامج تلفزيونية تؤلب القاصي قبل الداني على محاربي الزعيم و مسئووليه وان لم تخفى نظرات الحسد في عيونهم...

وبين هذا و ذاك تعبئة جماهيرية للاندية الاخرى ...فما ان يعلن ان هناك مواجهة قادمة لأي فريق مع الزعيم ...

حتى تستنفر الاجهزة الفنية و الادارية جهودها لها الفريق وكأنهم سيلعبون على نهائي كأس العالم ..اعتقد اني في غنى عن قول كلمة يحلمون لانها صايرة بديهيه في هالحاله

والرواتب اللي لها اربع شهور ما اندفعت تنصرف و فوقها وعود بالمكافات الخياليه في حاله الفوز بالتعادل ... ما هو التعادل يصير بنكهة الفوز قدام الهلال ...

واللاعبين يدخلون الملعب في حاله تركيز قصوى ... ويقاتلون على ربع الفرصه و ما يفقدون الامل حتى و ان انصقعوا برباعية

لأنهم عارفين انهم مهما كان ...فهم في حضرة الهلال...هم في حضرة الملك ... ....بس الغريب ان جمهور الملك ما يعرفونه ..

لاحظوا اللي فوق كله مقدمة للحين ما دخلت في صلب الموضوع ...يا طولها من مقدمه

جمهور الهلال اللي اول شي يصدقون كذبة 17 الف .... يا كبرها عند ربي ....

الحين انتم مصدقين ان الواجهة المليانه ما تستوعب الا 17 الف ؟؟؟؟

يعني حدث العاقل بما يعقل ....اذا كان الملعب يتسع ل 75 الف ....

والواجهه تحتوي تقريبا ثلثي المقاعد ....يعني 40 او 45 الف كرسي مليانه...

كيف صار عدد الحضور بس 17 الف ؟؟؟؟ والباقي اللي شفناهم ...اش كانوا؟؟اشباح مثلا؟؟

ولا صدقتوا اكاذيب الهراج و شلة حسب الله ان جمهور الفلانيين و العلانيين اكثر من جماهيرنا ....

حتى على مستوى الحضور في الملاعب جمهور الهلال اكثر ...

لا احد يقول الفقر جماهير القطه و المجاني اللي بالقوة يحضرون اكثر من جمهورنا في آخر مباراة ...

ولا يقارن جمهورنا بجمهور الاهلي ولا الاتحاد اللي يحضر في ملعب صغير جدا مقارنة بالاستاد...

طيب فين احصائيات جماهير الهلال ..ليه ادارة النادي ما تزودنا مشكورة بعدد الحضور؟؟؟

وعلى افتراض ان ادارة النادي ما هيب فاضية وشخصيا اعذرهم بقوة لكن فين الجهه الموزعه للتذاكر

فين موبايلي؟؟؟ يا ليت انها تصدر لنا اعداد التذاكر المباعه عشان نعرف العدد الحقيقي للجمهور...

بدون تضليلات او تغيير للارقام ....

لأن بصراحه الارقام المعلنه من الاتحاد الآسيوي تثير الريبه...

من فين حصل الاتحاد الآسيوي على هالارقام ؟؟؟؟

هل يحصل على الارقام من مكتب في الاتحاد السعودي مثلا ؟؟؟ من مسئوليين سعوديين ؟؟؟

من سوسه صفراء مثلا تحاول تقلل من الحضور الهلالي حتى اذا لعب النصر في البطولة الاسيوية السنه القادمه يكسر الارقام الزرقاء ..مثلا؟؟

ولا احد يدافع عن اتحادنا الموقر لان الاتحاد السعودي فقد مصداقيته كثيرا في الاوساط الهلالية خصوصا بعد انتشار شائعه

الرساله المريبة من احد المسئوليين للتحريض على رادوي واللي ما نعرف صدقها من عدمه لأن

مصدرها ببساطه هو صحيفة الكترونية ..

و هذا ينقلنا لنقطة ثانية مهمه جدا وهي الحملة المنظمة الشرسه اللي يتعرض لها البطل رادوي..

بالذات بعد ما صفق قائد النمور بكف يشفي الغليل...بعد ذا الكف ارتفعت شعبيه اللاعب بشكل جنوني

في المنتدى لدرجه ان كل المواضيع بعد المباراة تتحدث عن بطولة الروماني و فزعته على قولتكم - فزغة قحطاني ولد عمه-

وكل التواقيع تحمل صورة متحركة للكف الشهير... والصور الرمزية كلها تحمل صور رومانيا

حتى ما احد سأل عن الخسارة ذاك اليوم ولا كأننا خسرنا من الاتحاد ولا شي...

وبعدها اش حصل؟؟؟؟

وقع الهلال و النصر في مواجهه مرتقبة في كأس الملك ...

وبدأت بعض الاصوات النشاز المندسه تطالب بكف يد رادوي ... كأن ردوده الرجولية في الملعب لحماية لاعبين

فريقه من عنف الفرق المنافسه صارت خطأ .... وتبعتها بعض الاصوات المغرر بها بصراحه ...

ما ابي اقول عنهم انهم من نوع ((هلاليين ولكن)) ...لكنهم طالبوا ان سامي و جريتس يتحدثون مع اللاعب و يجلسون معاه جلسه مصارحه...

مع انه من بداية الموسم مستواه راااااائع جدا ...ما على لعبه اي غبار ...

على الرغم من مركزه الحساس الا انه اخطاءه و كروته تقل بالتدريج و بطريقه معلم ....

يوجه المبتدئين و ينصح الخبيرين في الفريق و يوضح اخطاءهم و اللعب ماشي ...

ينبههم لأخطائهم و يرجعهم لمراكزهم في حال فقدوا تركزيهم لو لثواني ...

يقوم بدور الكابتن الفعلي بدون اي شارة على يده

ومع كذا ...وقبل كم يوم من مواجهه النصر ....نلاحظ معظم المواضيع تنتقده ؟؟؟ خير ان شاء الله ؟؟

لازم يكون مزاجي عشان يعجبكم ؟؟؟ولا لازم يكون بلا شخصية ولا قوة ؟؟؟

ولا لازم يعطيكم مباراة و عشرة لا ؟؟؟؟

شعب الهلال الحبيب ...معروضي هذا لا يدافع عن لاعب هو الهلالي الوحيد الذي لا يحتاج الى من يدافع عنه في الملعب..

لا ... ولكن لكي تروا ما خفي عنكم .... وتعرفوا تأثير اوباش الصحافة عليكم حتى وان انكرتوه

و تعرفوا ان المندسين اكثر مما تظنون ...بمعرفات هلالية و تواقيع تتغنى بالزعيم ...

لكن ما تخفيه صدورهم اكبر ...

حافظوا على درة نجومكم رادوي بعيدا عن سهام النقد الجائر ....

فهذا البطل محسودين عليه ...انظروا الى عميدهم كيف يقول اجانبهم و اجانبهم ... الاجنبي الروماني وكأنه

لا يعرف اسمه .... و الحسد يشع من عينيه ... لا تلوموه ..ما عندهم مثله

بل انظروا الى كحيلانهم ...توحفه ...تعاقد مع محور روماني معتقدا بذلك انهم قادرين على ان يحاكوا

اسطورتنا الروماني ... وبرضه لا تلوموه ... ما عندهم مثله لا والله ما عندهم مثله