إقتباس الرسالة الأصلية كتبت بواسطة دعانـي الشوق أولآ .. خل عنك المنصة وتعآل شجع وبعدها لكل حادث حديث .. ثانيآ .. أنا كنت في الملعب وكنت فوق تحت الغرف أقسم بالله رابطة تجيب المرض والمايكات على أعلى صوت وربي إني مصدع إلى الآن وأنا أكتب الموضوع ماهي الحكمة من رفع المايكات الحكمة من نوعية الأهازيج اللي تحمس الواحد .. ثالثآ .. قبل لاتعاتبنا عاتب الرابطة أقسم بالله اللي يطقون وربي تقول ( مع إحترامي لهم ) مبزره ويخبطون على الفاضي لأنهم بالمختصر فقعو روووسنا وطق مخيس والأهم نفسه اللي شايل الرابطه ماعنده أهازيج حلوه أقسم بالله أهازيج مبزره جب لي أهازيج وشغل صح وليس شغل إرتجالي أضمن لك تشجيع يحبه قلبك .. ملاحظة : بما إنك في المنصة " طال عمرك " فحبيت أقولك إنه في الشوط الثاني من كثر ماطفشو الجمهور من " بربرة " الرابطة كل مابدى بأهزوجه أغلب الجماهير تقول " أوووووووووووووه " عشآن تكون في الصورة لأن هالرابطة ماتليق بسمة نادي القرن

هذا إقتباسي في أحد المواضيع

وربي إنك صدقت ولا اللي يزيد الطين بله الجماهير صيحات إستهجان للرابطة وهم داعسين ماحولك أحد ..

أقسم بالله بغيت أنزل وأفقع وجيههم ..

وربي إني صرت أتابعه فتره طويلة أحس إنه مغصوب وعلى قولتهم تأدية واجب اللي يطقون وقفو وهو مفهي

مره يلتفت على الملعب ومره عليهم وإذا شافهم سكتو ألتفت عليهم وذب كلمتين وبعدها ألتفت على الملعب

وثم يلتفت على المدرج ويذب كلمتين وعلى هالمنوال ...


ياأخي حتى أهازيج مافيه شي صح تقول مبزره ونحمسهم في الملعب ..

ياسر i love you طيب وبعدين !!

نيفيز نيفيز .. هوساوي هوساوي .. دعيع يامعلم .. حسن ترانا نبيك .. و و و و وو

قسمآ بالله أهازيج مبزره والظاهر اللي كاتبها له اخوه الصغير ..

ياعمي إذا كانت هذي رابطتكم فلا تطالبون جمهور الرياض بالحضور ..

قسمآ بالله رابطة قمة التخلف .. حقوي صحيح إنه ماطول لاكن أقسم بالله إنه يطربك ويحمسك أكثر من هالورع..

ماودي أطول بالكلام لأني بأغلط على نآس وخلوها على ربكم