نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - «¤¶` " مشرف الرياضة العالمية المبدع " hilalemooot " ضيفا على المجلس العام "`¶¤»

hilalemooot · #1 15/04/2010, 05:06 AM

.

صباح الخير على الجميع

إقتباس

الرسالة الأصلية كتبت بواسطة marsal


	يا الله حيه ..

هلا مرسال .. هلا بـ نصير الشعب و المظلومين

سجلني معجب

.. مع اني اختلف معك في بعض الامور .. بس ما يمنع اني اقول انك من الاعضاء المحببين لي خصوصاً في الجانب السياسي .. او على قولة واحد الله يستر عليه .. مجال خط النار

إقتباس


	س1/ الا تعتقد أحيانا أننا أغبياء مجانين نضيع اعمارنا وشبابنا في الكرة ؟؟

والله يا غالي شف باقولك شي .. الانسان يجيه اوقات فراغ في حياته .. يشغله بالكورة متابعة او ممارسة ما تفرق احسن من انه يشغله بشي ثاني يمكن يكون فيه ضرر عليه .. يتابع كورة احسن من انه يتابع افلام او اغاني مثلاً يعني .. يجلس بالبيت يشوف مباراة احسن من انه يطلع يهجول وحبتين وتربتييييييييت

إقتباس


	س2/ ممل المشرفين او لنقول الاعتذار عن المنصب ...ما الاسباب برايك ؟؟

حسب الشخص نفسه .. ممكن تكون ظروف او عدم قدرة على العمل اما بسبب ارتباطاته او بسبب عدم قدرته على القيام بأدواره الاشرافية على أكمل وجه .. وممكن يكون الجو ما يساعده .. يعني ما ارتاح .. وكل واحد و تفكيره و ظروفه و راحته ..

إقتباس


	س3/ما رايك بالطلاق الصامت ؟؟ وما هو الحل المناسب له ؟؟؟

اذا كان قصدك بالمتزوجين وماهم متزوجين حسب اللي فهمت .. فرايي ما راح يختلف عن راي اي واحد اتوقع .. الرجل بهالحاله ما راح يكون سعيد .. والمرآة بتعاني مع هالزوج والمحصلة مشاكل مالها اول ولا لها آخر .. الحل المناسب المصارحة وان لم تنفع كل واحد يشوف طريقه افضل للطرفين .. كـ رجل حرام تظلم البنت وتظلم نفسك معها بعد ! .. فيا إما إمساك بمعروف .. أو تسريح بإحسان افضل للطرفين

إقتباس


	س4/ ايش رايك بالمعلمين ..؟؟

أكثر ناس مدلعين .. و أكثر ناس يشتكون

شرفت مرسال .. سعيد بتواجدك

إقتباس

الرسالة الأصلية كتبت بواسطة BaRiO


	احبك اعشقك حتى الثمآله انا مجنون فيك سؤآلي : في منتديات تشآرك فيها غير الزعيم .. وهل عندك صفحآت في النت لوق والفيس بوك ؟! بس ياخلفهم ,

يالبيه بس

.. فديت قليبك يبو حميد

وانا احبك بعد

واحب خالك بعد

مشارك بمنتدى ثاني بس بشكل متقطع .. اما النت لوق و الفيسبوك انا ما اعرف الاشياء اللي تتكلم عنها هذي

.. لا والله لا عندي صفحات فيها ولا هم يحزنون .. ياخوك ما هضمتها كلش مدري ليه .. تجيني غلقه ياخي .. فيه واحد عندي بالدوام بس متكي بالفيسبوك لقبه راعي الفسفسة

.. ما أحبهن والله .
سلملي على تركي

و سيّر دايم

إقتباس

الرسالة الأصلية كتبت بواسطة Blue Sun


	هلا والله هلالي موووت .. ما شاء الله عليك اشوف كل اصحاب السوابق يشيدون فيك وبتعاملك واخلاقك .. مشكلتي انا مو راعي مشاكل .. ولا كان شبكت اعضاء مجلس الادارة ..

هلا بك ابو صن

الله يسلمك ويبارك فيك انت وكل مدح وان شاء الله اني استحق هالكلام .. و عز الله انك صدقت .. انت من خيرة الاعضاء ويكفي دماثة خلقك اللي الكل يشهد فيها .. الله يبعدنا وياك عن المشاكل على طول ان شاء الله

إقتباس


	س1/ الصيدلي هل يعتبر دكتوور ويطلق عليه هاللقب والا لا .. ؟!

سؤال ذكي بصراحة اهنيك عليه .. اللي اعرفه فيه دكتور صيدلي وهاللقب يطلق على الصيدلي الحامل لشهادة الدكتوارة في الصيدلة (الله يرزقنا

) .. يعني كمسمى ايه .. وفيه صيدلي استشاري .. هذي حسب معلوماتي المتواضعة .

إقتباس


	س2 / بحكم تخصصك .. فيه علاج فعال للارق وما يسبب الادمان .. ؟! << يعاني من جد ..

شكلك حبيّب

.. شف وانا اخوك الارق مشكله بس تقدر تتجاوزها .. الادوية خلها اخر شي .. أكثر من الذكر .. جرب تقرا قبل تنام .. لا تشرب منبهات قبل النوم .. بالنسبة للعلاج اليانسون كانك تعرفه اشربه قبل تنام بنص ساعة يساعد على الاسترخاء و النوم الهادئ .. والا كوب لبن مع ملعقة عسل على كيف كيفك

واذا ما تحب اللبن جبلك علبه حليب السعودية

وحطها على النار دقيقتين مع ملعقة عسل اخلطها وبالهنا و العافية .. او عصير جزر مع تفاح .. بالنسبة للعقاقير مافيه شي ما يسبب إدمان بالذات في الادوية النفسية .. الاستخدام الطويل يخليك تدمن عليها .. واصلاً غالب الادوية اللي من هالنوع يسمونها مضادات هيستامين وهذي منومة اقرب من انها تكون علاجات للأرق .. اعمل اللي قلت لك وقلي وش يصير معك

حياك الله اخوي بلو .. شكراً لمرورك