|
الدوري عليك يارادوي(طنش) نريد دور ال16 بالملز
.
.
.
السلام عليكم ورحمة الله وبركاته
.
.
ابارك لإدارة نادي الهلال وجماهيره الكبيره ولجميع الشعب السعودي التأهل لدور ال 16 وظمان المركز الأول الذي يميز صاحبه بالعب في ملعبه
.
وأتمنى ان نقابل فريق قوي جداً في دور ال16 لكي لا يحصل لنا ماحصل اهر نسختين ونخرج على يد فريق ضعيف فنياً مثل ام صلال والوحده الاماراتي
.
وما اعرف السبب الي يخلي لاعبينا يتارخون قدام الانديه الصغيره ويبدعون قدام الأندية الكبيره
.
صحيح ان هالموسم تغير الهلال وصار يضرب الصغير قبل الكبير ولكن مباراة ال16 مافيها تعويض وهي مباراة واحده يا نكون او لا نكون
.
وعلشان كذا اتمنى ان ادارة الفريق تركز على امرين الأول :
.
التشديد على المدرب ان يستغل التصويب من خارج منطقة الجزاء لكسر التكتلات الدفاعيه لأي فريق نلعب ضده
.
والأمر الثاني ان نلعب دور ال16 في الملز افضل من استاد الملك فهد لعدة أسباب أهمها:
.
في عدة مبارايات لعبناها في هالملعب نخسر او نتعادل وخاصه اذا صار مليان بالجماهير
.
منها مباراة الكويت الكويتي والوحده الاماراتي والسد القطري وام صلال القطري والاهلي الاماراتي
.
.
وغير كذا فيه لاعبين يبدعون باستاد الملز اكثر من استاد الملك فهد ومنهم ياسر القحطاني
.
والدليل ان يسار القحطاني سجل 28 هدف في الملز و12 هدف فقط باستاد الملك فهد
.
.
المحور الثاني لموضوعي وهو مايخص المقاتل الروماني ميرال رادوي
.
نشوف حملة كبيره عليه من بعض الجماهير وانا متأكد ان اكثرهم مندسين
.
والدليل ان مباراة الزعيم القادمة مع النصر وهذا وقتهم يطلعون ويبثون سمومهم
.
علشان يأثرون على الاعب ويأججون الجماهير عليه وان شاء الله ان جماهير الزعيم اكبر منهم
.
وما راح يتأثرون بهالكلام والاعب ما راح يدري عنهم وراح يوقف فريقهم ويخليهم ينجنون
.
فأتمنى ان ما نعطيهم وجه ولا نرد على مواضيعهم واتمنى من ادارة المنتدى ان تحذف هالمواضيع
.
ونركز على المباراة الجاية وطموحنا البطولة وليس الفوز على نادي البيانات
.
فهي البطولة الوحيده التي لم يحققها الزعيم حتى الان
.
.
.
اسف على الاطاله وشكرا لكم
.
.
اخر تعديل كان بواسطة » Fahad Al Sudais في يوم » 15/04/2010 عند الساعة » 10:12 PM | 