هههههههههههه يا جماعة هالفريق أتفائل فيه كثييييير بس ما توصل الى درجة انه بنفس الجولة يتعثر المانيو .. مصخها حظنا مع هالفريق

حسمنا بطولتين دوري عن طريقهم و كلها كان لامبارد حاضر فيها .. و كان لنا أمل نحسم الدوري قبل الماضي قدامهم لكن ما الله كتب .. و إن شاءالله يوم الثلوث بقطع شوط كبير جداً للفوز بالدوري

مانشستر ما حسبت حساب انهم يتعثرون بهالجولة أبداً .. لكن سواها الاردايس لبى خدوده .. كنت مأمل على مباراة السيتيزن أو السبيرز .. يعني ان شاءالله بيكون فيه تعثر آخر للمانيو يبعدهم عننا .. و باقي القنرز اللي ما حسيت الى اللحين بخطر منهم ما هو تقليل في الفريق أبداً

لكن الفريق عنده اصابات تقلل من آماله .. إضافة إلى كذا عنده مباراتين قوية .. القنرز هالموسم ايه نعم منافسته ع الدوري أفضل بكثيييير من المواسم اللي راحت و ممكن انه يضغط علينا و بقوة بعد و يمكن ياخذ الدوري .. جميع الاحتمالات موجودة لكني أشوف ان احتمالية تعثره و عدم حصوله على الدوري أكبر بكثيييير

نرجع للمانيو .. مانشستر أتوقع بعد هالتعادل بيشدون بشكل غير طبيعي و ممكن نشوف نتائج كبيرة بعد .. خاصةً ان روني احتمال كبير يرجع الجولة القادمة .. سواءاً رجع أو ما رجع المانيو بيشدون و بنشوف قتالية في الملعب حتى ما يفقدون الامل .. فريق بطولات و كبير مستحيل يتأثر بهالاسبوع السيء اللي مر عليه [ خروج من تشامبيونز - خسارة صدارة - تعثر ] ما دام فيه فيرجسون يقدر يرجعهم لأجواء المنافسة و نشوف شغل كبيييير من اللاعبين في الملعب

نجي اللحين لمباراتنا مع بولتون .. الفريق بيغيب عنه لاعب بثر اللي هو ديفيز و هو بيأثر عليهم بكل تأكيد لكن أتوقع مباراة صعبة جداً لأن الفريق مُهدد بالهبوط .. خسارته في هالمباراة و فوز هال سيتي على بيرمنجهام بيخلي الفرق بينهم نقطتين و هالنقطة أكيد في بالهم و بيقاتلون للحصول على التعادل على أقل تقدير

مباراة متفائل فيها كثير و مرتاح جداً لها .. و إن شاءالله ما يخيب أملي بأداء ضعيف من الفريق

مصابيننا بيرجعون أغلبهم في أواخر ابريل يعني احتمال كبير اننا نشوف ايسيان و آشلي كول ةيلعبون قدام ليفربول.. كارفا بيرجع بنفس الوقت لكن ما نحتاجه .. هذي نقطة جانبية لأني قريت موعد عودتهم من موقع الاصابات قلت احطها هنا لأنها تطمن كثير و هالفترة أمل الحصول على الدوري زاد يعني اكيد بنفكر في الغائبين

أنشيلوتي إن شاءالله يحصل على الدوري و على الكاس و ينهي الموسم بنجاح حتى و إن خرج من التشامبيونز .. أتمنى انه يدخل بهالتشكيلة

تشيك

زيري .. تيري .. أليكس .. فيريرا

ميكيل

لامبارد .. ديكو

مالودا .. دروجبا .. جو كول

فيريرا ممكن يكون برى التشكيلة و يدخل ايفانوفيتش بداله بما انه رجع من المباراة اللي راحت قدام الفيلانز .. ديكو أبيه لمساندته الهجومية بتمريراته و تسديداته و عنده تغطية دفاعية جيدة .. ممكن نشوف بالاك لكن ما اتمنى هالشيء الا الشوط الثاني .. جوي بدا يسترجع الثقة تدريجياً و مستواه في تحسن .. هو أكثر لاعب أبي أشوفه اساسي

الشيخ ما نستغني عنه لكن يرتاح للشوط الثاني مع بالاك

إن شاءالله بكرة نبارك بـ +4 مع خسارة أو تعادل القنرز بإذن الله

ابوخالد بيض الله وجهك على هالمقاطع .. ضبطت رد و تعليقات عليها لكن حصلت ظروف ما قدرت اكمله رجعت اكمله لقيت الجهاز معلق لكن بيض الله وجهك و ما قصرت يا الذيب

الله لا يهينكم شباب


ميكا

يازينها من أيام راجعين للدوري راجعين بإذن الله