هاردلكم الخساره
الفريق لعب بدون مدرب وهذا الشي واضح من الشوط الأول
كل اللي حصل إجتهادات لاعبين و اللي يلخمك إنها إجتهادات و فيه أشياء حلوه و فيها لمسات
لكن وأنت تشوف المباراة تحس إن المدرب إختار أسماء التشكيله الأساسيه و إنتهى دور بلغريني مع صافرة البدايه ..

ما شفنا تدخلات من بلغريني .. مثلا مارسيلو خروجه كارثي و المصيبه الأكبر الإبقاء على أربيلوا أمام أطراف سريعه
كذلك راؤول و بنزيما دخلوا مكان الناس الخطأ لأن التغيير الأول بخروج مارسيلو أحرق باقي الأوراق الرابحه اللي على البنش ..
و الفريق صار مفصخ قدام فريق لعب على المرتده و لعب بتحفظ 4 - 4 - 2 بدال 4 - 3 - 3 (خطتهم الأساس) ..
و بصراحه تغيير مارسيلو ما يسويه متدرب يا مهندس بلغريني .. لأني عجزت ألقى لها مطار ..
و هي تكرار لنفس الخطأ اللي عمله أمام بيلباو بنفس التغيير تماما ..

خلاصة القول أنا من الناس اللي قلت ما راح أقول رأيي إلا في نهاية الموسم بخصوص المدرب و باقي اللاعبين
لكن بنهاية مباراة اليوم و تقريبا بإنتهاء أملنا في الدوري بنسبة 80% أشوف أن بلغريني حتى لو جلس للموسم القادم
ما راح يكون المدرب اللي بيحقق للفريق أهدافه ..
و بننتظر كثير علشان نلقى صورة وشخصية للفريق ما دام المدرب ما يقدر يدير مباراة كرة قدم بعناصر يحلمون ..
هذي مباراة في الدوري فما بالك بتشامبيونز فيه مدربين عمالقه يقدرون يقلبون راس بلغريني و يخلونه ما يدري وين راسه من كرياسه ..؟!

بعدين عندي تحفظ على شغلة إن ألونسو يلعب مع غاغو على أساس إن ألونسو ياخذ راحته في المهام الهجوميه
طيب هذا الشي ما شفناه أبدا ..
اللي شفته إن ألونسو يلعب من الخلف و غاغو دوره إنه يضغط على لاعبين برشلونه
ومن السخريه أحد أفضل لاعبي العالم وحيد بدون حسيب و رقيب أتكلم هنا عن تشافي ..!! (صنع أربع فرص سجلت منها 2 )
و على كذا ليش يلعب غاغو و عندي لاسانا صاحب النفس الأطول يجلس في الدكه وهو الأجدر بهالدور ..؟!
الوحيد اللي راح يعطي الفريق و ألونسو الأمان في التقدم للأمام هو المالي مامادو ديارا غيره ما فيه ..
نقطه إنتهى بخصوص دور ألونسو ..

فمان الله و هاردلكم جميعا