هاردلك للجميع
ماكنت اتوقع الخروج لسبب بسيط وهو ان المستوى كان ممـتاز بل خرافي ، مسكنا اللقاء من اوله وماخلينا لهم شي يستفيدون منه .. الشوط الاول شوط خرافي لنا بعد كذا انطرد رافائيل اللي للأسف خرب مستواه الممـتاز اليوم بالطرد الساذج هذا .. كان بالامكان افضل مما كان .. ريبيري لاعب مقلق ماقلنا شي لكن لازم تعرف كيف تتعامل معه ، حاول تعيقه بأي طريقه الا انك تاخذ كروت ملولنه لأنك تلعب مباراه مهمه ومصيريه لكن قلة الخبره خانته .. بس اليوم رافائيل ممــتاز جدا وتطور الولد هالموسم بشكل لافت ولاننسى ناني اللي ابدع وبصراحه ماكنت اتوقع ناني يكون لاعب تعتمد عليه في مباريات كبيره .. صحيح فيه اخطاء لكن تحسن كثير عن السابق وانا كنت اقول ان ناني يحتاج الثقه ويحتاج انه يلعب بشكل متواصل عشان يعطيك وهذا واضح لأنه تقريبا يلعب اساسي في اغلب المباريات .. أعـتقد ان روني كان من المفترض انه مايشارك لأني ماتوقع ان اللاعب جاهز 100% واتمنى ماتصير مضاعفات في مكان الاصابه اليوم لأن فا بويتين مايعرف الا رجله اليمنى .
اعيد واكرر ان سبب الخروج في مباراة اليوم هو الطرد لأننا اصبحنا نلعب بدون مهاجم ثابت قبل مايلعب بربا لكن جا الهدف اللي قتل المباراه ، والهدف من ركنيه يعني تكتيكيا ماقدروا يوصلون للمرمى وحنا ناقصين .. صحيح كان في ضغط والضغط ولَّد ركنيه والركنيه لقيت من يعرف يتعامل معها وسجل الهدف 
، بصراحه قبل المباراه كنت متخوف لأن خسارتنا من تشلسي وخسارتنا للصداره كنت اتوقعها تؤثر على اللاعبين خاصة وانك خسران في الذهاب لكن على العكس شفنا مستوى جدا ممـتاز وبعد كذا سارت ظروف المباراه في غير صالحنا وخرجنا .. نقول الحمد لله على كل حال ومو كل مره تحقق الشامبيوز وماهي نهاية المطــاف .. بقي الدوري وان شاء الله يتعثر تشلسي رغم ان باقي لنا مباريات صعبه جدا خصوصا المان سيتي وتوتنهام . ((بس احسن شي بالمباراه اني شفت فالنسيا فرحان بهدف ناني الثاني وطبعا اول مره فالنسيا يفرح بهدف)) 
glory glory man utd