مشاهدة مشاركة بصفحة مستقلة
  #13  
قديم 07/04/2010, 04:27 AM
الصورة الرمزية الخاصة بـ هلالي من ارض اليمن
هلالي من ارض اليمن هلالي من ارض اليمن غير متواجد حالياً
مشرف منتدى المجلس العام
تاريخ التسجيل: 02/08/2005
المكان: بين الحلم والأسوار !
مشاركات: 13,589
إقتباس
الرسالة الأصلية كتبت بواسطة BEST_01
لي عودة ان شاء الله
يعطيك العافية مقدما
=============================
ما شاء الله عليك كتبت فابدعت اخوي طارق ,,, سلمت اناملك والله
انا بصراحة يوم شفت الموضوع طويل ,,, قلت شكلي بطحسك <<< وش رايك بدا يتعلم

بس قريت اول جزء ومسكت الخط تحت ,,, ما دريت عن نفسي الا عند رد هلالية ايطالية حسيت ان الاسلوب قد مر علي
اهنيك على اسلوبك اللطيف الممتع في الطرح ما شاء الله

وبالنسبة لاسلوب الكنديين ,,, ضحكت كثير يوم شفتك تتكلم عنه
لاني عاشرتهم وعاشرت البريطانيين والالمانيين والجنوب افريقين والامريكين والفرنسيين لظروف العمل
واحسنهم الامريكين ,,, لانهم اجتماعيين اكثر من غيرهم ,,, بس ولله الحمد ما قد مر علي الايطاليين

ويوم شفتك تقول excuse me تذكرت انهم بعد ما يحبون اللي يقول what!!
تقول كنك ساطرة على وجهه اذا قلتها له
واللي خلاني ادري ... مرة كنت طاير مع مدرب كندي وقال لي شي ,,,
وانا ما سمعته فقلت له what!! <<< على نياتي توني مسوي بلبل انجليزي
شوي الا بغا يطمر علي ويكفخني ,, زين انه مو بيده ولا كان رماني من فوق بعد
>>>> معليش عالشطحة <<<

وبالنسبة لموضوع المسيحيين والتنصير هذا الشي موجود في كل مكان
بس الحمد لله ان فيه ناس مثلك وشرواك قادرين على صدهم ,,, لان بصراحة اسلوبهم مرة راقي في الدعوة ,,, وهو اللي يعتمدون عليه في الاغراء

يعني على بلاطة ما تعودنا عليه وننبهر به,,, والضعيف راح ينجذب وراه بسرعة

وبالنسبة للدعوة اتوقع ان خويك فاهم غلط ,,, صحيح مو كل واحد يدعو
بس مو معناه تمنع الكل ,,, لان اللي مثلك اخوي طارق قادر على انه يجاريهم على الاقل
يعني يكفي تحطمهم او تخليهم يفكرون في الاسلام ,,, مو لازم انك تخليهم يسلمون غصب

وهذا هم اللي يسوونه في طريقة دعوتهم ,,, لدرجة انهم يرسلون لك اشخاص في بادئ الامر يجسون نبضك
بعدها يرسلون لك الشخص المناسب لدعوتك ,,, يعني مو خبط ولزق الدعوة عندهم

واكبر دليل الكتيب اللي اعطتك اياه ,,,,,,,,,,,,,,,,,,
ترا توقع ان معاها غيره ,,, وتوزع على حسب تقبلك لكلامها

وترا على فكرة انت ثاني واحد هذا الاسبوع يطرح موضوع مثل هذا ,,,
قبلك الاخ احمد >>> المرعب ((( بالانجليزي )))
وحدثنا عن اسلوبهم وكيف انهم كانوا يمرون عليه مرات كثيرة ,,, وما ملوا وهو يطرد فيهم كل مرة يجو لعنده

الله يستر علينا وعليكم ,,, ويردكم لدياركم سالمين غانمين

كان ودي اتكلم اكثر بس ما احب اكون ثقيل عليك اخوي طارق ,,, انت كفيت ووفيت

مشكور اخوي طارق على الموضوع الرائع في كتابته وانتقاء مفراداته
وآآآآآآآآآآآآآآآآآسف ع الاطالة ,,, وتقبل مروري

.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.


ايش آسف على الأطالة الله يحفظك ويطول عمرك .. على العكس أستمتعت بحضورك الجميل وكذلك لفت نظري لبعض الملاحظات القيمة وسأضعها في الأعتبار ..فما تفضلت به وكذلك أخي العزيز : أحمد ( المرعب ) والذي للأسف فاتني موضوعه ولكن سأبحث عنه .. جدير بالأهتمام ،،،

من ناحية أخرى ابشرك .. أنت تسير مع ( التطحيس ) بشكل جيد واتوقع لك طرق مستقبلية مليئة بالماء والصابون وقشر الموز

ما شاء الله عليك معرفتك بجنسيات عديدة وثقافات مختلفة مكسب كبير

وختاما يا غالي ليس هنالك كما تفضلت ما يمكن ان تفرضه على الآخرين .. فكما نحترم ديننا ونقدسه .. فالآخرين ايضا مثلنا .. ولكن نحاول اذا اتيحت الفرصة بالتي هي أحسن .. والهداية من الله ،،،

أخي العزيز : BEST_01

أسعدني حضورك الجميل ومعلوماتك القيمة

لا عدمناك يحفظك ربي ،،،
اضافة رد مع اقتباس