نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ EPL 33 ][ البلوز يتصدر بثنائية المانيو .. القنرز يحافظ على حظوظه بهدف التسعين .. السيتيزن رابع بالستة .. الريدز يتعادل ][ تقديم + متابعه ..][

IAN RUSH · #7 04/04/2010, 10:59 PM

السلام عليكم

مبروك لكل من فاز و معوضين يالباقي ...

في الكلاسيكو الكبير ... تشيلسي سيطر تماما على الشوط الأول والشوط الثاني كان بين البين لكن الغريب إن اليونايتد لاعبيه ماتحس فيه ثقة بالنفس
لإن من مميزات لاعبي مانشستر التسديد بسكولز أو ناني أو حتى جيبسون لكن هالشيء إختفى ممكن إن تشيلسي منعهم من هالشيء
بصراحة أنشيلوتي أثبت أنه يعرف كيف يوقف فيرجي وهالمباراة بصراحة ذكرتني بمعاناة المان يو قدام ميلان قبل 3 سنوات
غياب روني ممكن يأثر لكن مو معقول يكون التأثير بهالشكل الكبير حتى تشيلسي إلى ماقبل الدقيقة السبعين كان يلعب بدون دروقبا وكانوا ماشين تمام

في التشامبيونز ... أمنياتي للمان بكل تأكيد لكن بصراحة مافيه شيء يبشر بالخير خصوصا من هالخوف لإن المسألة مو مسألة هدف
لإن الهدف ممكن يسجله فيديتش بالراس ومايحتاج روني لكن أخاف يكون غياب الجولدن بوي ه دخل بثقة اللاعبين بأنفسهم وهنا دور فيرجي وخبرته

ملاحقة القنرز ... أنقذت من الموت برأسية بندتنر لكن اللي يؤسف بهاللقاء هو والكوت كلاعب مستقبل للأسود أخفق بشكل كبير
بحسم المباراة بالكرة اللي جت له من نصري وهذا مايبشر بخير كيف لاعب يستلم كورة ومرتاح تماما ويخفق هالإخفاق
صحيح حاول وركض وإنطلق لكن لازم يكون فيه نتيجة للعمل اللي يسويه موب معقول أبد إنه لمسته للكورة فيها خوف شديد من الإصابة
ولو تلاحظون إنه تقريبا مايلمس الكورة أكثر من لمستين إذا كان قريب من منطقة الجزاء عشان كذا نشوفه يخطي كثير لكن نقول يكبر ويعقل

في التشامبيونز ... الأرسنال صعبه جدا جدا عليه لكن مو مستحيله الفريق ناقصه بس ثقافة الفوز بزي هالمباريات وممكن تكون من قدام بطل أوروبا
وإذا مرت أول 60 دقيقة والأرسنال ما جاء عليه أي هدف صدقوني التأهل للأرسنال أتمنى الأرسنال حتى مايسجل هدف بالشوط الأول
لو ينتهي الشوط الأول بــ 0 - 0 ممكن نقول التأهل للأرسنال لكن صعبه تمنع البرشا من التسجيل وايضا تسجيل الأرسنال هدف في الشوط الأول
راح يثير البرشا وراح يخليهم يدفعون بكل مايملكون بعد الهدف وعشان ما توقظ أسد نتمنى يكون نائم مع إنها صعبه برضوه

معليش قلبتها كلام عن التشامبيونز وهذا إستديو الدوري لكن شيء بالبال وقلناه.

الرابع وما أدراك ما الرابع ... الصراع بيكون صعب خصوصا غذا كان فيه ناس يصعبونها على أنفسهم زي الأستاذ رافا اللي جاب المرض للناس
خصوصا بالتبديل اللي ما أدري وش يقصد فيه لكن صعبه تأمل بفوز على أرض برمنغهام اللي مافاز على ملعبه أحد من فرق اللي فوقه بالترتيب بإستثناء الفيلانز
اللي يلعبون معهم ديربي وهنا نقول شر البلية ما يضحك المباراة اللي المفروض إنها الأهم راحت والباقي حصلوا وراهم نقاط
نرجع للسباق على الرابع ... السيتي سجل أسرع ثلاثية في تاريخ الدوري الإنجليزي من بداية اللقاء وواضح إنهم ناوين على الرابع وبعنف وبصراحة يستاهلون
والفيلانز رجعوا للسباق بعد فوز رد روح الفريق بعد سباعية خويا لامبارد ويونغ جاب هدف حلو بصراحة والجميل أيضا إن الفريق ماجاء عليه هدف
واللي يعني رجوعهم لوضعهم الطبيعي خصوصا لهم كم مباراة وهم ماعندهم كلين شيت بس على الله يستمرون مو لشيء لكن للمتعة بس
السبيرز هزيمتهم بمباراة حلوة شيء توقعته بصراحة خصوصا إن القطاوة لهم كم إسبوع راجعين لوضعهم الطبيعي بإستثناء مباراة الليفر الماضية
ريدناب لازم يراجع وضعه خصوصا إن سجله ضد البيج فور السنة ذي عادي جدا إن ماكان سيء وهو عنده مباريات ضد المان يو و البلوز و الأرسنال
والفرق هذي كلها فازت عليه بالثلاثة بالذهاب وهذا شيء مايساعد أبد وأيضا الأندية هذي راح تكون مجتهدة أكثر من قبل لإنهم يبون الدوري خصوصا إنه قرب
على العموم أنا استبعد السبيرز والفيلانز من الرابع لإن ماعندهم الإستمرارية أما الليفر فوضعهم مايندرى عنه لكن الواضح إنها الأقرب للسيتيزن

- بمباراة السيتي وبرنلي ... بعد الهدف الثالث جمهور برنلي بعضهم طلعوا من الملعب وكثير منهم قعدوا يشجعون السيتزن ويقولون سيتي سيتي

- هدف زيندن هدف يستحق تناظره أكثر من مره لإنه غير عادي

- جو كول بعد هدفه مافرح وهالشيء غريب خصوصا إن الهدف جميل لكن ممكن حماس المباراة ماخلاه يفرح

- بورتسموث رغم إنهم ضمنوا الهبوط إلا إنهم أحد أمتع الفرق بالبريمر خصوصا إن مافيه ضغط حتى جمهورهم بالمباراة الماضية كانوا رافعين لافتة مكتوب حفلة الهبوط

- ستوك وبلاكبيرن وبرمنغهام وفولهام رغم إنهم خلاص يلعبون بدون طموح أبد إلا إنهم يفوزون ويقدمون مستويات ممتازة لإنهم بدون ضغوط وجاي يلعبون كورة وبس

معليش طولت وبصراحة في كلام كثير براسي لكن مليت من الكتابة بصراحة

يعطيكم العافية شباب وبالتوفيق للإنجليز في أوروبا

مع السلامة ...