السلام عليكم ورحمة الله وبركاته

ماشاء الله على الرابطة

نقاش ورى نقاش

من جد رابطة دوافير ، والمعدل دائما عالي

اولا نروح لنقاش عبدالإله (ملكي مخلص)
اولا سؤال ليه كل اللي اسمهم عبدالإله كتاباتهم ممتعة

من ناحية دفاع الملكي
والأهداف اللي تدخل فيه، فأحمله لخط الدفاع وحده فقط
بيلجريني لايتحمل اخطاء الدفاع بصراحة
بالعكس مدرب يتعامل بالأسماء الموجودة عنده
عنده بس ثلاث قلوب دفاع بعد إصابة بيبي، 2 منهم أول موسم على الفريق
وعنده في خانة الظهير ايسر لاعبين
واحد نكبة بصراحة دفاعيا، ممتاز هجوميا
والثاني ممتاز دفاعيا، سيء هجوميا لأنه مايلعب برجله اليسار اصلا

ومن ناحية اليمين، اشوف إنها أفضل مراكز الدفاع
إن كان بتواجد راموس او حتى اربيولا

لو تلاحظون الأهداف اللي تدخل علينا مؤخرا تكون نتيجة قلة تركيز من الدفاع فقط
هل هو سرحان
أو ضمان نتيجة
مادري؟
آخر هدف دخل فينا وتحسه صار من جملة تكتيكية فعلا بصراحة أشوفه هدف فياريال الثاني في مباراة الستة
اما الباقي، وبصراحة كان ممكن كثير نتفادى الأهداف هذه

النقطة المهمة في الموضوع واللي تخلينا نتلقى أهداف كثيرة مؤخرا

هي مستوى كاسياس واللي الف علامة استفهمام
لدرجة إني صرت اخاف منه إذا صار مربي اللحية

نقطة ضعف كاسياس الأساسية كانت الكورات العرضية عامة والكورات الثابتة خاصة
وكان يعوض هذا كله بردة فعله الخورافية وسرعة استجابته المجنونة
الميزة هذه مؤخرا ماصارت موجودة للأسف
وصرت تحسه سرحان ومو مركز وكأن فيه شيء شاغله
ودائما زعلان ومتضايق في تعابير وجه

عموما
دفاعنا وقت ماكان مركز صح وحارسنا معاهم صدقني التسجيل في مرمى الملكي راح يكون صعب جدا
دفاعنا كان توب التوب في ذهاب الكلاسيكو (بمشاركة بيبي)، حتى هجمات برشلونة كانت عد على الأصابع برغم مشاركة جميع لاعبين هجومهم بدون استثناء
لكن من غلطة فادحة يتقاسمها كاسياس أولا وراموس ثانيا
سجلوا هدف المباراة الوحيد
غير كذا دفاعنا كان عشرة على عشرة مو عشان مشاركة بيبي، بس كان التركيز في أعلى مستوياته، وإن شاء الله قاراي والبايول يكونون قد المسؤولية

عموما اتمنى ندخل مباراة البارسا بنفس تشكيلة مباراة الذهاب

كاسياس

اربيولا قاراي البايول راموس

الونسو

مارسيلو جاجو (لاس)

كاكا
كريس هيقوين

وخيارات التغيير تكون بين
فارت والبنز وقوتي

ادري بدري على الخطة بس من قوة الحماس

بالنسبة لنقاش الظهير الأيسر حق ابو عابد

كليتشي


ممتاز هجوميا، جيد دفاعيا، لكن بحكم متابعتي للأرسنال من سنوات
السنة هذه وتحديدا بعد إصابته مستواه صاير سيء جدا وبالذات دفاعيا
صايرة نكباته واجدة، ومواجهته الدفاعية لاعب ضد لاعب سيئة بصراحة

من ناحية إن أحسن من مارسيلو فهو اكيد احسن
من ناحية إنه بيحل مشاكل الظهير الأيسر
بصراحة ماظنتي وبالذات حاليا

حنا مانبي أي واحد احسن من مارسيلو وبس
لأن فيه لاعبين كثيييييييييييييييير أفضل منه

حنا نبي واحد نجيبه وننسى الخانة هذه للأبد
حاليا وكظهير أيسر الأفضل عالميا وبدون منازع بصراحة هو


بس صعب جدا نجيبه من السير

وآشلي كول كبر بصراحة وإصاباته كثير
وداشر

اشوف أفضل الخيارات المتاحة هم 2

إما


صغير وجيد جدا، سرعة ولياقة واوفرات جيدة
متعود على الأسباني
سعره مو مرتفع
كثير من الفرق يلاحقون وراه من السنة اللي راحت

أو





هذا إذا قالولك فل اوبشن

أي شيء نبيه في الظهير
نلقاه فيه
صح يلعب وسط أيسر حاليا في فيورنتينا لأن امكانياته الهجومية جبارة، سرعة واوفرات وقدم يسرى مالها حل
بس خانته الأصلية ظهير، وامكانيته الدفاعية ممتازة بصراحة
قوة جسمانية رهيبة

ويلعب ثلاث خانات وش نبي اكثر من كذا؟




1- افضل لاعب من فريق الرايسنق

كاناليس

2- مميزات اللاعب

سرعته ومراوغته

3- افضل طريقه للسيطره عليه وانهاء خطورته

انبراشة على الركبة وتنهي موسمه بدري عشان يجينا السنة الجاية يبدأ من جديد

لا بس نضيق عليه المساحات وحنا بخير

عوافي ابن الخطاب





بعيد عن النقاشات

خبر مفرح عودة كاكا للتدريب مع الفريق إن شاء الله اسبوع يكون كافي له عشان يكون جاهز للكلاسيكو
هذه مبارايات كاكا اللي يحبها

البنز ولاس اتمنى مشاركتهم على الأقل نص ساعة بكرة في مباراة الراسينج

اتنمى من اللاعبين مايستهينوا بمبارة الراسينج
ويعطون المباراة حقها
الدوري مايضيعه إلا الفرق الصغيرة
نفوز على الراسينج وبعدين نتكلم على مباراة الكلاسيكو

نجيكم بعد مباراة بكرة إن شاء الله
نبارك بالفوز بإذن الله
ونبدأ نتكلم عن كلاسيكو الأرض
احسها راح تكون مباراة للتاريخ

للجميع

ابو يوسف