هلآ و غلآ بالجميع ق1

أدري مبطي عنكم .. و سسآحب لكن .. الغايب عذره معه



صرآحة كنت المتابع الصامت .. أتابع أخبار و مباريات المآن و أكتفي بالمشاهدة ولا تعليق



طبعآ الفريق تغير 180 درجة عن السنة اللي رآحت .. بشكل واضح

خاصة من النواحي الدفاعية ..

لكن فيرجسون خلال هالموسم قدر إنه يخلق تكتيك جديد .. بعيد عن التكتيك السابق بوجود كريستيانو .. !


و الفريق ماشي من بداية الموسم ببركات فيرجسون .. و خط الوسط ..

خلآف خط الدفاع اللي كان سيء مقارنة بالموسم الماضي .. ولو إننا بالدوري ألاقوى دفاعا بس مقارنة بالسنة الماضية كنا الأقوى بـ 24 هدف .. و الآن حنا باقي لنا 6 مباريات و الأقوى بـ 25 هدف و من الطبيعي انك بتقبل أقل شي 4 أهداف في المباريات الجاية ..

عموما مو هذا موضوعنا

الكثير يقول إن روني هو بركة الفريق حتى الآن و متشائمين من اصابته و مانشستر بيتأثر جدا أمام تشيلسي ..

أنا بقولكم شي و ركزوا فيه .. مو انتقاص من روني .. لكن روني بداية الموسم مستواه كان عادي .. و كان الفريق يعاني من خروج كريستيانو و التغيير الكبير في طريقة اللعب .. حيث كان التركيز ع كريستيانو في اللعب و التمرير والتسجيل

بعد ذهاب كريس .. التركيز صار ع روني .. و روني استغل الفرصة و ظهر و اثبت نفسه كلاعب هداف .. لكن راجعوا أغلب أهدافه كيف .. كانت هجمات متقنة و صناعة رآئعة من خط الوسط + تحركات روني الرائعة و التمركز الصحيح و طبعا أغلبها عرضيات اللي روني يجيدها سواء فاول او هجمة

هو كان مكمل مجهود الفريق .. و كان ينهي كل هجمات الفريق بهدف أو فرصة هدف

يعني بالنهاية غياب روني صحيح ما يتعوض .. لكن إذا كان سلاحنا التكتيك .. فما راح يأثر جدا علينا .. مانشستر ما راح يعتمد ع تكتيك واحد طول الموسم ومافي مدرب .. في العالم في حجم و وزن فيرجسون ما يحسب مثل هالحسابات خاصة إن ما عندك بديل مناسب .. !

توظيف اللاعبين عند فيرجسون زي السوني .. خاصة ان اللاعبين متعودين ع الانضباطية .. و أكبر دليل مباراة فولسبورغ اللي كسبناها بـ هاتريك اوين ..

كيف كان خط دفاعنا .. ؟ و كيف فيرجسون غامر مغامرة و كسبها ..

فلا تستبعدون فيرجسون يغامر قدام تشيلسي .. !

عموما .. المشكلة مو بالبايرن مباراتنا معهم بالإمكان حسمها بنسبة 70%

لكن مع احترامي للفريق الألماني إلا إنه ما يقارن بقوة تشيلسي ..

و الحسم بيكون إن شالله السبت .. إذا الله قاله الفريق بيقدم مباراة مجنونة

طبعا .. أسلحة مانشستر الحآلية .. هي بآرك + فليتشر + برباتوف + فالنسيا ..

ناني طبعا ما راح يشكل الفارق خاصة إنه ما يعرف يلعب في العمق .. لكن اللي ذكرتهم ذولي راح يشكلون مثلثات بالعمق و يضربون الدفاع من النص ..

و توقعاتي بتكون بهالشكل ..

تسديد من بعيد .. + باصات في النص .. + مهاراة و كنترول برباتوف بيساعد في ضرب الدفاع .. و الأجنحة بيكوون دورها دفاعي أكثر منه هجومي !



و هذي تشكيلتي و إن شالله تكون صآئبة ..



لكن احتمال .. قيقز يلعب اساسي بدال سكولز .. و يكون بآرك خلف قيقز ..

لكن في مباراة مصيرية زي ذي وجود قيقز بيكون بلا مبرر خأصة إن بارك جأهز أفضل و منه والأدوار نفسها تقريبا و سكولز حآليا ممتاز و يؤدي كويس


إذا سجل المان طبعآ .. و هذا هو أهم شي .. هدف مبكر .. يضبط الأمور !


فيرجسون ما راح يغلط الغلطة اللي قدام البايرن ..

طبعا أتوقع خروج بآرك الشوط الثاني و دخول دارين جيبسون .. و تكثيف خط الوسط و السيطرة و الضغط و اللعب ع المرتدات


مبآرآة صعب الكلام عنها لأن مباراة تشيلسي أهم لأنها الأقرب .. و أصلا نتيجة المباراة مع تشيلسي هي بتحدد كيف بيكون وضع المان يوم الاربعاء


شششطحات ..


مشاركة مآكيدا .. مغامرة مجنونة و أستبعد إنه راح يسوي شي .. حده أستون فيلا

سكولز بياخذ أحمر .. خآصة إن مهمته صعبة قدام الثور الألماني بالاك

برباتوف بيصنع جمل تكتيكية و بيسجل و يارب لا يصير توقعي خطأ






الوعد السبت يا عيآل .. و الصدارة لنا بإذن الله