أخبار كثير تغيّرت في الأسبوع الماضي بالنّسبة لكرسي الرّئاسة ! سابقاً كان الفونسو
جودال ، هو خليفة لابورتا، وهو الممثّل وامتداد لسياسة لابورتا ، بحيث إن لابورتا
كان داعمه بقوّة .. وكانت يدّ لابورتا بيدّ جودال سعي لكرسي الرّئاسة .. دعم لابورتا
لجودال عبء ونقمة على جودال أكثر من إنه ورقة
مساندة/
جاذبة لأصوات الناخبين !
لابورتا صورته سيّئة في كاتالونيا "
نسبياً " .. المنظور اللي يناظرون فيه لابورتا
يختلف عنّنا ، حنا ننظر لنجاحاته الرياضيّة "
فقط " .. في كاتالونيا ينظرون لخلافاته
لطريقته السّياسة ، كثرة أعدائه ! يعني الأغلبيّة "
أنتي لابورتا " في كاتالونيا ، عشان
كذا أقول عبء على جودال .. في الأسبوع الماضي طلعت أخبار عن إن جودال
وسوريانو "
يد وحدة " وتحت ملفّ انتخابي واحد !! هـ التحالف وبحكم خلافات لابو
مع سوريانو السابقة ، ما أرضى لابورتا .. وعشان كذا لابورتا سحب إيده ، وأعطاها
سالا مارتن -
الرّئيس الإقتصادي للبرسا - "
أبو خلاقين "
.. بعد هـ الخبر جانا
في اليومين القريبين خبر انسحاب سوريانو من الـ إنتخابات كلّها بحجة شركة الطّيران الخاصة
فيه !! .. الخبر سلبي من وجهة نظري .. وجود ألفونسو جودال - سوريانو ويّا بعض ، ضدّ
روزيل كان بيخلّي الحظوظ متساوية .. وكلّ شيء ممكن !! .. على العموم تصويتي بيدي للحين
ولا أدري من أدعم ولا أوقّف مع مين << تكفى خخخخ .. الله يكتب اللي فيه خير للبرسا ..
.
في الأسبوع الماضي لا صوت يعلو على صوت ميسّي .. قدم أداء مبهر ، كان حديث
الصحافة العالميّة .. وكان مادّة دسمة لـ النّقاد والمحلّلين .. الشيء اللي سواه ميسي
موب طبيعي أبد .. إنك تسجّل تهترك مرّتين في ظرف أسبوع شيء إعجـازي !
الله يديم لنا هـ النّعمة ، ويبعده عن الإصابات .. متأكّد إن الأفضلية التاريخيّة بتكون
له قريباً .. بس لو يفكّه الله من الإصابات .. !
صحيح تألّق ميسي ، لكن الفريق وضعه موش مزبوط وبرضو موش مطمّن ! ..
كثير من اللاعبين اللي كنّا نعوّل عليهم ونعتبرهم مفاتيح لعب ما قدّموا المستوى
المنتظر منهم .. إنيستا من بداية الموسم ما قدّم ربع مستوى سيزون السداسية 
ما أدري وش السّبب .. أندريس ما صار نفسه اللاعب الإنسيابي .. يمرّ بسهوله
ويمرّر بسهوله .. ما هو جوكر ريكارد اللي يقدّم وين ما تحطّه !! .. بحاجة ماسّة
لسوبر آندريس في الـ فترة القادمة ، فترة الحصاد 
!! داني نفس الطّريقة ! حتى
في مباراة أمس مالعب كروس واحد صحيح !! .. إبرا ممكن يشفع له تحسّنه ورغبته
في العودة لمستوى النّصف الأول من الدوري .. الفريق بأمس الحاجة للاعبين الثلاثة
ذولي ومتفائل بعودتهم إن شاء الله في أسبوع الحسم وكسر الرّقاب ..
في الفترة الجايّة الفريق قدّامه مباراة في غاية الصّعوبة ! في الليغا قدامنا //
مايوركا (( آواي )) .. بلباو (( هوم )) .. مدريد (( آواي )) .. الدّيبور (( هوم )) ..
إسبانيول (( آواي )) .. خيريز (( هوم )) .. فياريال (( آواي )) .. تنريفي (( هوم ))
إشبيلية (( آواي )) .. بلد الوليد (( هووم )) .. !!
متخيّلين صعوبة المباريات الجايّة ؟! متخيّلين تعقيد الملاعب اللي بنزورها ؟ لا وفوقها
إرهاق وإصابات .. الغريم ما عنده مباريات صعبة في الفترة الجايّة .. وإن كان فهي
بملعبه .. فالنسيا هو الخصم الوحيد اللي عليه القيمة .. على إعتبار إن الريال ما خسر
من أتليتكو في أسوأ فتراته .. تبونه ينهزم منه وهو أحوج ما يكون لبطولة تنقذ موسمه ؟!
وضعيّة البرسا في الليغا في غاية الصّعوبة .. والتفوّق للغريم من كلّ ناحية .. فوق
أفضلية الجدول ، البرسا ما يملك زاد بشري كبير للمداورة .. تخيّلوا إن ميسي صار
صار له 12 مباراة يلعب أساسي من دون راحة - مانيب متأكد من المعلومة - !
مباراة مايوركا هي اللي بتحدّد وضعنا في الليغا ، إذا تعثّرنا ، ياليت نضحّي
بالليغا لعيون أم الأذنين .. وإن شاء الله يحالفنا التوفيق بحول الله ..
أخيرن تصميمين على السّريع
لي عودة إن شاء الله ..
