سلام شباب..

١- يا شباب لا تنسوا انه في الظهير الايمن في ولي يساند لي يونغ، غير طبعا مساندة احد المحاور و لكن للاسف في الخانة اليسرى مافي احد يساند الزوري بالدفاع، كما نعلم انه الشلهوب جسمه ما يساعده و العابد لياقته ما تسمحله يرجع مع الهجمة (هذا الملاحظ من المباريات اللي شارك فيها العابد) غير انه جسمه صغير.. يعني الجهة اليمنى مدعومة دفاعيا اكثر من الجهة السرى. و اختلف معكم بنقطة اخرى، الزوري عنده قدرة على استخلاص الكرة بمهارة و بدون فاول.

٢- وش دخل ابن مساعد؟؟!!! لو الامير عبد الرحمن ما كان عنده ثقة بسامي الجابر و جيريتس ماكان سافر من اساسه، و بعدين ايش يقدر يسوى الامير و اللعيبه في الملعب؟

٣- زمن التسعينات راح، احنا الحين في زمن ال ٢٠٠٠ يعني بلاش ما نتندم على اللي راح عشان مانكون زي فريق الجار اللي لين دحين محسب نفسه فريق بطل بسبب بطولاتهم ايام ماجد عبدالله و الامير عند الرحمن بن سعود (رحمة الله عليه)

٤- المباراة انتهت بالتعادل و باقي مباريات... البركة بجمهور الرياض و جمهور الهلال المتواجد في المملكة.

للمعلومية، فاكر في ايامي الجامعيه في امريكا، كنت ما احضر دوام الجامعة عشان اتفرج على مباريات الهلال مباشرة في كأس آسيا. و للاسف، الهلال ما تأهل و انا رسبت في المادة. و الآن انا مقيم في امريكا و ما أحضر الدوام ايام مباريات الهلال عشان اشوف المباراة مباشر فلو سمحتوا يا جمهور الرياض، بيضوا وجهي في المباراة الجاية...

سلام.