أولا يا سباب المشكلة تبدأ من جيريتس نزل بتشكيلة كأنه يجرب حظه
ثانيا الجمهور كان جيد نسبيا يعني امتلت الواجهه وهذا المطلوب
ثالثا الرابطة أنا أشوف ان ينقلو للجنادرية لاكمال الفعاليات
لانهم ازعاج وقلق ولا ندري وش يقولون ولا عنهم افكار ولا اهازيج ولا هم يحزنون
وغير كذا جاك ذاك المريض اللي يصيح ياهلال باقوى شي احس انه بيولد مدري وش فيه
يابشر مهو اي واحد يمسك المكرفون..

ختاما اقول ماهي كثيرة خميسين الف اللي عطوها النصر لقائد الرابطة اللي قبل سنتين
كان عنده اهازيج وصوت حلو وطلعات غريبة
وبين الشوطين يعيش الجمهور جلسة شعبية بدل ما يروح يشتري فطرية جبن وببسي مكينة..

ياليت كلامي يجدي او يسمع او على الاقل يصل....