|
انت السبب ... و المشكله انك تسمي نفسك هلالي !!
انا بخش دغري في الموضوع !!
ما عندكم حياء ؟؟ ما تهتمون لفريقكم ؟؟
و تبون اسيا بعد ؟؟ قلي ايه .... والله انكم ما تستاهلونها ...!!
بالله الحضور اليوم تسمونهم حضور ؟؟ و اذا تأهلنا لدور الـ 16 ناوين تكونون زي اليوم في الملعب ؟؟ عشان تتكرر سالفة اللي ما يتسمون ؟؟
خلونا صريحين مع بعض !! وين جمهور اول ؟؟ وينهم بس ؟؟ المشكله كلهم شيبو ... و قالو العشم في الجيل القادم "عيالنا" !! لكن للاسف العيال طلعوا موب قد المسؤوليه !! هذا اكثر الانديه شعبيه في الخليج ؟؟ وش بيقولون علينا في الامارات ؟؟ وين اودي وجهي من اخوياي الاجانب اللي كانو يتفرجون معي على المباراه و هم اول مره يشوفون الهلال ؟!!
والله ثم والله ثم والله لولا ظروف البعثه ... اني اكون اول واحد يجلس في الملعب ..! حتى قبل البعثه كنت نادرا افوت مباراه للهلال في الملعب !! قد شفتو احد يحضر مباراة الهلال و سدوس ؟؟
هل تسمون انفسكم هلاليين ؟؟ انا اكاد اجزم و احلف ان اللي ما حضروا ينتظرون "ابداعات" المدعو "فارس عوض" احد اكثر المعلقين كرها للهلال !! لا و من زين التعليق بعد !! (المشكله ما كان يعلق !! والمشكله الاكبر انه يعلق من استوديو مو من ارض الحدث !!)
تدرون اصلا من وين جت فكرة التعليق من الاساس ؟؟ لما كانت الكاميرات تعبانه في السبعينات والثمانينات !! لما كان الواحد ما يقدر يعرف اللاعب الفلاني من اللاعب العلاني ..!! المعلق بس يقولك الكوره مع مين و راحت لمين !!
الحين وش الفرق بين الوضوح في التلفزيون و الوضوح في الملعب !!؟؟
ادري بيطلع لي واحد و يقول " وش بيسوون الجماهير ؟؟ بيدخلون يلعبون و يفوزون الهلال؟؟" الملعب لما يمتلي يتحفزون اللاعبين نفسيا !! اما اذا كانو 16000 !!!16000 بس ؟؟ بارك الله فيهم ... لكن الباقين ؟؟ 16000 في ملعب يتسع لـ 67000 ؟؟ اذا ما مليتو الملعب الحين متى بتملونه ؟؟
الى الحين ما عرفتو منهو اللاعب الخفي ؟؟
الى الحين ما استحيتوا من رابطة الهلال اللي للاسف من جرف لـ دحديره ؟؟ تدرون وش الحل مع هالرابطه ؟؟ انتم !! نعم انتم !! بتقولون كيف ؟؟ لما يمتلي الملعب ما راح يصير لهم حس !! لكن ما ظنتي !! و عسى ان يخيب ظني فيكم و اطلع غلطان !! امنيتي اني اكون غلطان .!!
ان كنت هلالي و ما عمرك حضرت مباراه للهلال في الملعب فـ انا لا افتخر انك هلالي !!
اعذروني الموضوع مو مرتب لكن هالكلام طالع من قلبي !!
عموما ...
هذا احد اسباب الخساره >>>>>>> انا اعتبرها خساره !!
و لعلها خيره ..!! و الاهم انكم انتم و اللاعبين تتعلمون احترام الخصم ...!!
موب لانهم كلو خمسه من السد و اربعه من كرمان يصيرون ملطشه !!
الحمدلله على كل حال !!
و لا تقلقون يا جماهير الهلال "الاوفياء" فـ هلالكم باذن الله قدها و قدود ..!
بالتوفيق لي و لكم و لجميع المسلمين و المبتعثين ..!
اخر تعديل كان بواسطة » حوسام الحوسامي في يوم » 25/03/2010 عند الساعة » 04:12 AM
السبب: تكبير الخط
| 