بسم الله الرحمن الرحيم

السلام عليكم ورحمة الله وبركاته

اول شي يالزعماء مساكم الله بالخير بالمحبة والمسرة .. طبعا هذا اول موضوع اطرحه بين ايديكم

ويحمل الكثير من الحزن بسبب الهزيمة التي تعرض لها الزعيم امام الاهلي الاماراتي .. نعم اقولها هزيمة

وليست تعادل .. ويرجع ذلك السبب هو بدرجة اولى ( الجمهور ) انتم اساس التعادل فأحزنني الحضور

المتواضع بل الاقل من عادي وكأن المباراة ودية بين ناشئين ..!!

واللي احزنني كثيرا كثيرا اللذين يطالبون بالحضور ويطرح موضوعه هنا ويقول الله الله بالحضور ويقول

والنصراويين راح يتكاثرون غدا وراح يثبتون انهم افضل منا فـشـدوا همتكم ياشباب ..!!

وهو جالس قدام الشاشة وعنده فصفص وانترنت ويطالب بالحضور وتلقى الملعب يبعد عن بيته

سوى 25 دقيقة ,,..؟؟

انا ابصم بالمليون بان جمهور المسيار راح يمتلون الملعب عن بكرة ابيه لا احد يقولي مجانا ..؟؟

عيب عليك تقول مجانا انت احضر والفلوس اللي راح تدفعها راح تذهب للزعيم راح تذهب لمجهود

لاعبينك المخلصين للشعار اللذين اطربوك موسم كامل ولله الحمد . وانت تبخل عليه مع حضورك وبنزينك

ما يتعدى 30 ريالاُ ولو تفكر ان عندك طلعة كم راح تخسر فيها ..!!

طبعا انا من القصيم وتقريبا ما ابالغ لو اقولكم جميع المباراة المهمة التي تقام في الرياض او اذاكان احد الفرق

من حائل اكون متواجد ,, فما بالكم لو كنت في الرياض فبالله عليكم هل لي عذر اني ما احضر

طبعا انا ماحضرت اليوم لاني تعبان صحيا .. والا كنت من ضمن الحضور,,


ناتي للمباراة ..

فعلا اللي يلاحظ على الهلال اليوم ما كانه هلال اللي تعودنا عليه ..

هلال يلعب بلمسة خفيفة كانه يستحي ان يسجل او كان المباراة تحصيل حاصل ،،

مافي الا رادوي وعيسى والمرشدي والكوري هم الابرز بدرجة اولى ,,

هدف الاهلي كنت واثق انه راح ياتي وكان احساسي في محله وليته ماحسيت في الهدف

من يوم شفت الحيطة وانا ما اقتنعت فيه وكم تمنيت من الدعيع انه يوجه اللاعبين من ناحية الحيطة

لانه دائما يغلط في توجيه الحيطة ..


مدربنا العزيز .. اسمح لي اقولك وانت ابخص مني بمليون مرة طلعة الشلهوب غلط غلط

قبل ان ااختم كلامي

احمد الله سبحانه وتعالى على التعادل ولا الهزيمة وان شاءالله خيره لما اختاره الله

وان شاءالله راح يتفادون الغلطات التي حصلت اليوم وان ويفكرون

في المباراة القادمة واتمنى من الله سبحانه وتعالى التوفيق للزعيم وان يحميه من كل حاسدا اذا حسد

اللهم امين

وسامحوني على الاطالة وعلى كلامي بالعامي ,,